用戶登入
用戶名稱:
密      碼:
搜索
教育王國 討論區 小學雜談 請教如何伴讀
發新帖回覆
查看: 830|回覆: 12
go

請教如何伴讀

Rank: 2


40
發表於 19-11-1 10:10 |顯示全部帖子
大囝剛上小一, 幼稚園時係全英(除了中文科), 呢家小一係中文學校, 發覺跟得好辛苦, 因為好多中文字都唔識, 令佢好無信心。我明白語言係要浸的。我自己細個學ENG都係主力靠睇小說同卡通。大囝都鐘意睇書, 但佢主要睇圖唔會睇字。有時間我會叫佢READ ALOUD 一啲好短既故事。佢唔識讀既字, 都會用PHONICS BLEND個字出來, 之後會估到係咩字。但未見到佢會自發地拿本書出來睇。佢會係學校圖書館借書返來, 但都係主力睇圖, 唔睇字。
細囝剛剛K1, 有了大囝經驗, 佢讀一間重中文的幼稚園。不過都係想早啲同佢打好個底。細囝好鐘意睇書, 成日攞唔同既書叫我講故事。晚晚都叫我read story。因為得K1, 本身唔識字。之前教過佢一些中文字如爸/媽/大/小。當同佢睇書時佢會自己望啲字見到佢識既字會好開心指住話比我知咩字。

想請教各位, 所謂伴讀, 以大囝來計,
1.  係應我讀, 定佢讀?
2.  如係中文書, 我應該用口語, 定書面語?書面語的話, 因為佢唔明個意思, 我要即時解釋, 定佢聽得多自然會明白?
3.  係咪應該讀完, 我就問吓佢問題, 睇吓佢明唔明個故事講咩?
4.  如何可以令佢有興趣睇書時唔好只睇圖? 我試過比漫畫佢睇, 唸住少啲字先, 但佢都係唔睇字。

以細囝來計:

1.  中文書應該書面語定口語?
2.  讀中文書時, 應否指住啲字等佢睇多啲認吓字?

或者有家有咩方法伴讀。請來賜教。


Rank: 5Rank: 5


4292
發表於 19-11-1 11:43 |顯示全部帖子
Clarkie 發表於 19-11-1 10:10
大囝剛上小一, 幼稚園時係全英(除了中文科), 呢家小一係中文學校, 發覺跟得好辛苦, 因為好多中文字都唔識,  ...
樓主,我建議妳考慮吓給小朋友外出補習,了解一吓人家嘅教學方法先。現階段你未必可以自己教得來,真的不要錯過小朋友黃金時間。

Rank: 3Rank: 3


353
發表於 19-11-1 12:10 |顯示全部帖子
1你讀,因為佢唔識讀,佢粒粒字都唔識讀你逼佢 佢好辛苦,仲慘過返學。
2. 易的部份用書面語,加解釋,難的部份廣東話講故事,盡量不要令佢覺得有痛苦感。
3. 你可以間唔中問問題,但不要考試咁考佢,伴讀主要是引起佢興趣。
4. 佢識到咁上下、夠字、又有興趣時,自然會自己讀,佢現在喜歡看什麼就看什麼。
首先要解決佢認字的問題, 伴讀是很長期性的,不能救近火。
如果佢自己沒有建立認字的模式,不如試試去上認字班。小一應付到課程已好吃力,先適應了算。

點評

MrBeast    發表於 19-11-1 15:43

Rank: 6Rank: 6


5088
發表於 19-11-1 14:00 |顯示全部帖子
我女和你大仔一樣大,有伴讀習慣,她識字並不算多,但她卻喜歡看格林童話、西遊記等長編故事,有不少字都唔識,由於編幅長,就我一句你一句咁讀,如果對白就更好,似role play 咁讀,咁interesting d。當然唔會話睇完一個故事就識多幾多個字,要反覆出現教幾次先認得,認得亦唔係代表寫得出用得到,要長時間浸。但要keep住個習慣。

Rank: 5Rank: 5


4680
發表於 19-11-1 15:34 |顯示全部帖子

1)伴讀時用書面語,讓孩子的語感慢慢豐富。

2)繪本是不錯的選擇,文字優美、插圖豐富,細囝看一些少字的、大囝看一些比較多字的。圖書館很多繪本。

3)細囝,讀給他聽;大囝,一人讀二、三段,再加角色扮演。

4)大囝二年級時,試看一些故事強的書,例如兒童版的西遊記。


天助自助者,  別再怨天尤人

Rank: 5Rank: 5


3887
發表於 19-11-1 15:37 |顯示全部帖子
Clarkie 發表於 19-11-1 10:10
大囝剛上小一, 幼稚園時係全英(除了中文科), 呢家小一係中文學校, 發覺跟得好辛苦, 因為好多中文字都唔識,  ...
我可以講你伴讀出來還未能提起孩子的興趣,中文書無論書面定口語,最重要讀出來有活靈活現生動的感覺,不用太刻意指住啲字來讀,孩子感染到你讀出來的氣氛而投入,提起興趣後便會有拿起書本看文字的念頭,特別在睡前讀小小,孩子做夢的時候都會再投入故事中,內容及文字自然會更深刻(這是我的感覺).比著你自己若聽到係死死板板的讀,會有興趣嗎?

Rank: 2


40
發表於 19-11-1 16:13 |顯示全部帖子
大囝已有出去上認字班。補習我認為作用不大, 除非係為咗考試。啲補習都係以操PAPER為主。我想既係佢多睇書, 明白文字既意思。亦唔介意佢睇COMIC或繪本。但希望佢唔係只看圖, 也會看看字。

我自問已讀得好動聽吓, 扮晒聲咁讀唔同角色的對話。可惜可能佢唔明書面語, 唔知講咩, 所以聽少少後就唔再專注聽。

謝謝各位意見, 或者我試吓好似角色扮演咁睇後佢會唔會有興趣啲。

Rank: 5Rank: 5


4292
發表於 19-11-1 16:55 |顯示全部帖子
Clarkie 發表於 19-11-1 16:13
大囝已有出去上認字班。補習我認為作用不大, 除非係為咗考試。啲補習都係以操PAPER為主。我想既係佢多睇書, ...
補習都有不同形式嘅,有因材施教,循步漸進而到自學嘅。我都會叫我小朋友外出進修英文同數學,趁小時打好基礎。





Rank: 11Rank: 11Rank: 11Rank: 11


37595
發表於 19-11-1 17:09 |顯示全部帖子
Clarkie 發表於 19-11-1 10:10
大囝剛上小一, 幼稚園時係全英(除了中文科), 呢家小一係中文學校, 發覺跟得好辛苦, 因為好多中文字都唔識,  ...
小兵快樂讀本對小一還可以,試試看。同時要明白,雖然書中自有黃金屋,它好似中藥咁,調理身體,要快見效一些針對性的練習是不能避免

Rank: 11Rank: 11Rank: 11Rank: 11


37595
發表於 19-11-1 17:11 |顯示全部帖子
Clarkie 發表於 19-11-1 16:13
大囝已有出去上認字班。補習我認為作用不大, 除非係為咗考試。啲補習都係以操PAPER為主。我想既係佢多睇書, ...
相信冇唔中意聽故事的小朋友,bedtime story 是很好的親子活動

Rank: 8Rank: 8


15984
發表於 19-11-1 22:00 |顯示全部帖子
睇圖畫多過文字,即係 not really ready to “read”。你諗下自己平日睇劇、電影,就算字幕錯或者唔係你識嘅語言,你都會忍唔住望字幕唔望圖畫,因為你想跟貼個故事,而且你認字量足夠去應付「睇字」。

角色扮演係唔錯,佢扮一個,你扮一個。仲可以選擇佢鍾意嘅內容,然後問問題關於個故事,咁佢就要真係睇字先答到你。

最佳辦法就係兩個仔一齊伴讀,你同大仔一齊角色扮演、讀出黎畀細仔,然後問啲簡單問題,例如龜兔賽跑故事,如果你係兔仔,你會唔會再同烏龜賽跑多一次?今次會唔會偷懶?兩個仔都可以同你互動。

Rank: 4


529
發表於 19-11-1 22:12 |顯示全部帖子
Clarkie 發表於 19-11-1 10:10
大囝剛上小一, 幼稚園時係全英(除了中文科), 呢家小一係中文學校, 發覺跟得好辛苦, 因為好多中文字都唔識,  ...

買套漢字基礎500,大仔細仔都岩用,係認字的書。
伴讀中文書上左K2老師就話要用書面語讀了,而英文我一直都係照書讀!

Rank: 5Rank: 5


1500
發表於 19-11-2 23:48 |顯示全部帖子

回覆樓主

大仔要先認到字先,漢字500對小一應該覺得悶(細仔就再開始睇啦,理想進度K2完成level 5)
屋企貼字詞卡,得閒就當玩遊戲考考佢,平時出街搭車認多d字,多玩聯想字詞。累積識多左字,先會睇得明圖書,再同大仔伴讀繪本,書面語讀,又鼓勵佢試下讀。
介紹你睇屁屁偵探繪本,字唔多,公仔多,又有野玩!睇完繪本可以睇屁屁讀本,好吸引架!連我都鍾意睇
你需要登錄後才可以回帖 登錄 | 註冊