有冇英國讀中學會考慮讀IB課程

angelaclaire

回覆 kat828 的帖子

主要原因是英國 IB schools 選擇得幾十間，如果去英國讀中學又要堅持揀 IB schools，選擇條件如不太偏遠，學費多少，男校或女校或男女校等等的，便要放下，因為選擇少不能再左挑右選。

angelaclaire

回覆 kat828 的帖子

我囡在 ESF 由幼稚園讀到 Year 11，再過英國讀緊 A level。
在佢讀小學 Year 2 那年開始，ESF 轉 IB schools，所以佢由讀 PYP 上中學讀 MYP 到 Year 9，Year 10-11 讀 IGCSE

Year 9 近暑假前，打算揾吓英國學校資料，去左較大型的琥 × 教育，問個 agent 揾吓英國  IB schools，因為阿囡讀開 IB，個 agent 攞本似字典厚的英國學校大全俾我，我問佢介紹吓，點知佢要在目錄揾，然後很耐先揭到十幾間俾我，我問佢英國唔多 IB schools 咩，佢話有，但少，如果要有經驗的 IB schools，再少。

我於是開始自己揾左頗多 UK schools 資料，那時決定待阿囡在香港考完 IGCSE 之後，即讀完 Year 11 才過英國。一直都是計畫佢去英國讀大學，決定早 d 係想佢獨立，相信要自己在外生活過才會獨立。

英國 A level 雖然讀 3 科(有香港學生過英國讀 4-5 科唔談論)，但每科係 in depth，比起 IB HL 再深一截，IB 要讀 6 科，有 3 科 考 HL，其他考 SL 再淺些，IB subjects 不會比 A level 難，難在要分配時間，做包括 EE extended essay 嘅 research ，另外又要做埋 TOK theory of knowledge 又係倒時間的位，再要做 150 hours CAS creativity, action & service 的東西，全部 compulsory. 我有同事個囡在蘇 × 國際部讀 IBDP，考 IB 果兩年，辛苦位反而不是 6 subjects 而是以上的其他東西，星期六日用很多時間倒在 CAS，平日要預備 TOK & EE research 因為要寫寫寫，所以 6 subjects 唔會似 A level 咁深係有原因，而 IB curriculum 要有 3 科考 HL 其實似乎想貼近英國大學要求 3 科有一定水平的成績。

如果決定去英國讀，真的要認真考慮讀哪個 curriculum
如果不是一定要去英國讀，而是想考慮 IB，香港現時做 IB 的學校居多，可以的。

angelaclaire

回覆 kat828 的帖子

佢在英國生活了10個月，獨立左很多，而且真是忙到飛起，在英國 boarding 很有規律，才可以用多 d 時間專注 A level subjects。Sixth Form 嘅 timetable 有兩天 full 哂，有兩三天 3-4 free periods，全部 free periods 做功課，所以有同學 take 4 subjects 嘅 timetable full 哂，所以都考慮 drop 一科，讀三科專心讀好。
掛住佢的只是我哋兩公婆，阿囡過到英國少左睇手機，我哋 whatsapp 佢預左大半天後才有機會見佢回覆，有時忙到冇睇㖭。

阿囡覺得英國很適合佢，雖然 sixth form 住 boarding 都要守規矩，佢都開心渡過，有時温習唔落去 dining hall 食 dinner 會有人叫佢，冇得揀。對父母而言，幾好，有人管；對年青人來說，唔食一餐因為我忙緊，在香港，我哋可能由佢，但 boarding school 唔俾喔。我哋都很想佢在安全妥善的環境學獨立，覺得做左正確決定，而英國是不二之選。

angelaclaire

回覆 samsam123321 的帖子

阿囡在 Reading 讀一間女校。
IGCSE 共考 10 科，考到 2科A* 8科A
(在英國考的是 GCSE，我囡在香港考的是 IGCSE)

angelaclaire

回覆 kat828 的帖子

阿囡已在英國讀緊 A level - lower sixth form，也是 year 12，明年讀 upper sixth 也稱 year 13，所以佢在英國冇揀 IB 而是 A level，因為去英國完成中學的 year 12-13，去得英國，真的揀個英國做得最有經驗的 curriculum，GCE A level 的強勢不比 IB 少，很多國家用 A level 而非 IBDP，港英時代，我哋都是考 A level，只是 97 後，Big 6 極權改革香港教育，拎走哂同英國掛鈎的一切，包括 A level curriculum.
如果你想問的是，再揀？會唔會揀 IB，是嗎？
假設我囡繼續在香港讀埋 Year 12-13，佢學校是 IB school，其實一定會讀的是 IBDP or BTEC，我囡在 Year 11 中段學校都要佢哋揀 6 subjects (from group 1-6)，其實佢當時都揀左每 group 最想讀的科。

ESF 未轉 IB schools 之前 (記憶是 2007 年轉)，都是用番佢哋英童學校 (現稱英基) 大英帝國最強的 A level，在香港是 international 的趨勢强些，所以轉 IB 來配合 (這是個人見解，原因佢哋先清楚)

不過，如果從小跟開 British curriculum，佢哋由幼稚園開始以睇書為樂，小學大概 year 4 (8 歲) 左右開始要做大大小小的 group presentation，上到中學開始學做 research，presentation 已是習慣自己做，佢哋唔難適應 IB or A level 的。

我只覺得 GCE A level 係再令佢哋如魚得水，揀中自己最鍾意，而且最強，又再是入大學想讀的相關科目，這近似如虎添翼。

angelaclaire

回覆 kct18 的帖子


阿囡 A level 讀三科。French, Art and Design, Maths

angelaclaire

回覆 LLLT 的帖子


絕對認同。A level Art and Design 要修 4-6 cores of work，每天用的時間大約 8-10 hours 已經是少左。

angelaclaire

回覆 kct18 的帖子


國學校其實會大約在三月份左右給來年預備讀 L6 學生揀 A level options，當時我哋俾佢自己揀，指標是佢最想在大學讀的科，當然又是同 career path 有關，又要是佢認為最有信心和俾心機讀好的科。對於當時佢仍未知 IGCSE results 之前，要諗讀哪科，我哋唯一可以做的是給她以上指標，由她自己決定。我哋幫佢揀的英國學校，不多香港人或強國學霸，大部分英國人，都是想阿囡不像在香港般圍住的雖然已經讀 IS 左多年的同學，但老實說，少有唔理成績，佢哋仲好緊張㖭，只要父母是香港人或印度人，因為 Indians 讀書都勁，尤其是數理。

阿囡小學時在 ESF 6 年讀的是一間英國人居多的小學，完全唔會比較，同學仔都 very smart and nice，似在英國讀一樣。上到中學，school community 多左很多比較成績的同學，所以讀到 Year 9 開始考慮阿囡去英國讀較理想。我哋兩公婆係另類家長，從來冇要求成績，反而阿囡在 peer group 間得來無必要的壓力。我哋連佢 year 9 揀 IGCSE subject options 都由佢自己揀，反正學校安排哂 senior forms 幫佢哋，又不斷給 year 9 聽 career talks and seminars，最後佢決定完才講番自己讀邊 10 科，我仲問佢 Art and Design 還是  Design Technology，兩科 year 7-9 都有。

IGCSE Art and Design 有考過的都會明白，冇 very strong passion 唔好揀，因為要做嘅多和樣樣要識和做到。阿囡有個朋友一早去了英國由 year 8 讀起，又係 GCSE 揀 Art and Design，考完之後，決定 A level 一定唔揀，佢知道阿囡揀 A level Art and Design，佢只可說，你真係讀，靠你啦，我唔敢揀。

阿囡宜家英國學校 A level 每科有起碼 3 個老師教佢，Art and Design 有 4 teachers and a graduate assistant 有份教，每個 term 每科都會有 comments from 3-4 teachers，每個都很詳細。仲細緻過 ESF school teachers，以前阿囡每科只有 1-2 teachers 教佢，因為始終香港讀書，全校師生比例多過英國學校。我囡 French 有 3 teachers，今年 L6 上學期只有兩個學生 take French，阿囡話哪同學係 French girl，共修 4 subjects, 2nd term drop French，因為 fully packed schedules throughout the term，想專心讀其他 3 subjects，所以阿囡現有 3 teachers 教佢一個 French student. 老師和學生都得益。