我咁教係咪錯呢

kakit703

小朋友小一中文比較弱，尤其閱讀理解，基本上考試每篇拎得1-2分，上次考試剛剛合格，我教佢閱讀理解選詞語部分，真係唔識，係文章求其揀一個詞語填，我只要求唔好留空，但佢寧願留空都唔肯求其填，呢樣野佢好堅持，我教左佢成年都係咁，究竟係咪由佢留空，唔好逼佢，但供詞填充，有得揀，佢唔識又係唔肯求其填一個，有時都唔知佢想點，要佢寫隻字都咁難

Yanamami

平时倾偈表達同理解有無问題？阅讀时明白故事？識字同詞彙量足夠？

試下自己係屋企每日出三題供詞填充，同佢講三个詞三題，－定－題－个詞填到。練下練下加多两題……填之前make sure佢真正明白詞義先开始｡

rrMM

我唔會教小朋友"求其".  如果她學識"求其"就很多嘢也可以求其對付你.

kakit703

Yanamami 發表於 19-6-4 08:16
平时倾偈表達同理解有無问題？阅讀时明白故事？識字同詞彙量足夠？

試下自己係屋企每日出三題供詞填充，同 ...

佢認字係麻麻地，但表達無咩問題，平時同佢睇完圖書，我會出返d故事內容問題問佢，佢都答到，我同佢講每篇閱讀理解都係一個小故事，型式上都差不多，但唔知點解都係咁

kakit703

rrMM 發表於 19-6-4 08:17
我唔會教小朋友"求其".  如果她學識"求其"就很多嘢也可以求其對付你.

即寧願佢留空，都唔好逼佢寫野？

Yanamami

kakit703 發表於 19-6-4 08:24
佢認字係麻麻地，但表達無咩問題，平時同佢睇完圖書，我會出返d故事內容問題問佢，佢都答到，我同佢講每篇 ...

禁你要同佢加强認字同詞彙量，或者佢連題目都未識解｡試係屋企用我方法解決下佢唔肯填既行為先｡輕鬆d當遊戲玩，唔好當功課或練習｡可以係故事書抄三句，漏空三格叫佢揾番三个詞填(供詞)｡小－都係照係文章中揾，較少轉弯｡

b3410

小一可能是以為識字少，讀題都有困難。我覺得唔使介意考試測驗成績，平時多閱讀，慢慢積累。

kakit703

Yanamami 發表於 19-6-4 08:32
禁你要同佢加强認字同詞彙量，或者佢連題目都未識解｡試係屋企用我方法解決下佢唔肯填既行為先｡輕鬆d當遊 ...

謝謝你的建議，我會試下用你的方法

kakit703

b3410 發表於 19-6-4 08:36
小一可能是以為識字少，讀題都有困難。我覺得唔使介意考試測驗成績，平時多閱讀，慢慢積累。 ...

明白，謝謝你

1998Ruby1998

kakit703 發表於 19-6-4 07:57
小朋友小一中文比較弱，尤其閱讀理解，基本上考試每篇拎得1-2分，上次考試剛剛合格，我教佢閱讀理解選詞語 ...

佢係咪平日都好怕錯？
除左增加閱讀量，試下每日陪佢閱讀理解練習，都問多兩三題 “搵詞語”。俾啲容易同一題難，麻木佢對呢種題目嘅恐懼。老師題目提供嘅詞語一定會話到俾你聽個詞性，例如 “XX的”、“XX 地”，然後係嗰段圈返有 的 同 地 嘅詞語。如果冇 的 同 地，咁即係名詞動詞，可以試下用部首幫一幫，如果係搵成語，成語都唔係咁抽象，例如映入眼簾、琳瑯滿目，題目個 “詞解” 一定有提關於眼睛、視線、看見；唇槍舌劍，詞解會寫提及用口嘅動作，有槍有劍，即係比較激烈嘅動作，爭執、吵架等。
但你情況係只可以攞 1-2 分，即係有可能連基本答句技巧都未必識。

1998Ruby1998

1998Ruby1998 發表於 19-6-4 09:23
佢係咪平日都好怕錯？
除左增加閱讀量，試下每日陪佢閱讀理解練習，都問多兩三題 “搵詞語”。俾啲容易同 ...

以前老師教，絕對唔可以留空，並解釋話如果咁樣，老師會認為你係冇認真應考，連嘗試都唔肯，會好失望。(當然佢仲加左句，如果見你係漏空常客，會打電話俾家長)
之後所以同學都冇再漏空。

notcool

回覆 kakit703 的帖子

逼佢寫，不漏空，只是考試技巧。小一生着重打好基礎。

CMPL

做閱讀理解我教小朋友一定要閱讀文章先.一邊閱讀一邊把’較深’或’較新’的詞彙highlight咗先,題目的填充通常都是從這些詞語找出來.

另外閱讀理解是需要操練, 做得多就會掌握到當中的技巧, 如: 首先寫好分段, 然後highlight詞語, 如做排序就把文字中的keyword找出, 那樣就較容易排列.

平日可以多看短篇文章, 媽媽再當玩遊戲問下小朋友一兩條問題, 那樣可以訓練他們明白故事的中心或主旨.

fefemom

回覆 kakit703 的帖子

平常一起讀文，把句子 拆開名詞、動詞、形容詞……嗰條填充叫佢要起碼知道填甚麼詞，如果真係揾唔到，佢自己會填甚麼，再在文章找近義詞。這樣教好花功夫，不要期望快速有效，但你小朋友咁執著，應該湊效

kakit703

CMPL 發表於 19-6-4 09:48
做閱讀理解我教小朋友一定要閱讀文章先.一邊閱讀一邊把’較深’或’較新’的詞彙highlight咗先,題目的填充 ...

我就係用你呢個方法，但佢堅持唔圈唔讀，我對住佢真係好火滾

kakit703

fefemom 發表於 19-6-4 10:01
回覆 kakit703 的帖子

平常一起讀文，把句子 拆開名詞、動詞、形容詞……嗰條填充叫佢要起碼知道填甚麼詞 ...

佢真係好固執

b3410

kakit703 發表於 19-6-4 10:06
我就係用你呢個方法，但佢堅持唔圈唔讀，我對住佢真係好火滾

可能識字少，通篇對佢來講，都係“生字”小一，剛剛讀咗半年書喎。
我d小朋友初小都係錯到飛起，不過，我哋會一起笑錯的題目，當一個有趣的遊戲，捉生字。而且鼓勵佢哋，以後識字多，就唔會搞錯喇。

kakit703

1998Ruby1998 發表於 19-6-4 09:23
佢係咪平日都好怕錯？
除左增加閱讀量，試下每日陪佢閱讀理解練習，都問多兩三題 “搵詞語”。俾啲容易同 ...

係，佢好怕錯，所以寧願唔寫野，都唔要比人話佢錯

gracelam

kakit703 發表於 19-6-4 07:57
小朋友小一中文比較弱，尤其閱讀理解，基本上考試每篇拎得1-2分，上次考試剛剛合格，我教佢閱讀理解選詞語 ...

做閲讀理解時, 你試下叫小朋友圈一圈D詞語, 一篇文章總圈到十個八個組别, 到時做到選詞語部分, 起碼縮窄範圍咁配上, 就算真係唔識, 可以"撞"下, 好過盲無目的咁"求其"填一個詞語。

kakit703

gracelam 發表於 19-6-4 16:48
做閲讀理解時, 你試下叫小朋友圈一圈D詞語, 一篇文章總圈到十個八個組别, 到時做到選詞語部分, 起碼縮窄範 ...

我有呀，第一次測驗已經係咁教佢，但佢係到唔肯聽，對住佢，我真係教到好灰，佢唔肯聽人講野