用戶登入
用戶名稱:
密      碼:
搜索
教育王國 討論區 過動寶寶 唔係曬,真係唔識教
發新帖回覆
查看: 2357|回覆: 12
go

唔係曬,真係唔識教 [複製鏈接]

Rank: 2


87
1#
發表於 19-5-19 11:46 |只看該作者 |倒序瀏覽 |打印
女女三年級,五歲時已確診ADHD和社交較弱。做過一排遊戲治療,但效果唔大。一直在學校表現都好乖,成績一直徘徊全級頭十內,老師完全唔覺得佢係ADHD。但偶然人地唔小心掂倒佢,佢就大吵大鬧話人推佢撞佢。如果我地兩公婆同姐姐在埸,啲表現就仲過份,只要佢想嘅嘢就博命扭,肢體同把口無一刻可以停,只要人地有少少錯就大大聲指摘,自己錯就歪理當道理,教佢同理心就緊係話人地都係咁啦!。細時過份我地都會講吓道理,咁當然唔合作唔聽教有打嘅,我老公打得較多,所以佢由細到大都覺得爸爸偏心,後來打到我老公都怕自己收唔倒手,同佢講過合作就唔會就打,佢都應承我地,但而家越大越唔合作。我先生已經去到話唔想再同佢講道理,有時嬲得濟,寧願入房避佢。早一兩年學校社工同醫生都建議過食藥,但食咗唔見有改善。佢食12個鐘,放學返嚟未過藥,但唔覺得有收斂,所以我地都停咗,近呢兩個月兩父女又日嘈夜嘈,我都覺得佢地好煩,道理講極都唔明,打就更加唔怕,問過社工有無啲訓練可以幫倒佢,好似樣樣都唔中佢需要。我真係擔心再大啲反叛期佢學壞,都唔知可以點做…
   1    0    0    1

Rank: 2


32
2#
發表於 19-6-6 01:15 |只看該作者
wenwen_chan 發表於 19-5-19 11:46
女女三年級,五歲時已確診ADHD和社交較弱。做過一排遊戲治療,但效果唔大。一直在學校表現都好乖,成績一直 ...

其實你囡囡係咪想要你地 attention? 大吵大鬧無時停有時係因為未被滿足,想要人注意佢。
平時每日會花幾多時間同佢傾計(平靜嗰隻,完全無說教成份)?

Rank: 2


54
3#
發表於 19-6-6 10:05 |只看該作者
stewie_griffin 發表於 19-6-6 01:15
其實你囡囡係咪想要你地 attention? 大吵大鬧無時停有時係因為未被滿足,想要人注意佢。
平時每日會花幾多 ...

我小朋友,之前都會咁情況!不過我有同佢傾計,佢其實都係想你們注意佢!比啲耐性再同佢傾下。
我之前都有帶佢做過遊戲治療,要慢慢引導佢內心說話!加油

Rank: 4


512
4#
發表於 19-6-9 06:05 |只看該作者
wenwen_chan 發表於 19-5-19 11:46
女女三年級,五歲時已確診ADHD和社交較弱。做過一排遊戲治療,但效果唔大。一直在學校表現都好乖,成績一直 ...

教育ADHD小朋友真係比一般小朋友辛苦好多, 我有兩個小朋友,一個ADHD一個冇,所以我深深明白個分別

行為治療嘅課程唔止小朋友要上,媽媽爸爸都要上。我大仔以前周不時情緒大爆發,我地都曾經教到好崩潰。本身脾氣好嘅爸爸都忍唔住出手打,媽媽教到有抑鬱症。經歷多年情緒高高低低,到今年我仔5年級,佢情緒終於有突破性嘅改善,相處得舒服好多。

總括多年經驗,食藥上課程係有幫助,但要從心改變小朋友,最有效係父母嘅愛同肯定。我自己唔會打小朋友,但爸爸會。我明白有時真係激到一個點係好難忍。但我知道阿仔性格係遇強愈強,試過好多次佢明顯係特登挑釁爸爸打佢。爸爸都明白,加上阿仔開始大。後來佢同個仔傾心事,佢答應唔再體罰,阿仔都答應會控制情緒。而阿仔情緒又真係會改善咗 (當然佢嘅改變仲好多好多其他因素加埋)。

教育小朋友嘅理論有好多,但唔一定岩用喺自己個小朋友身上。我自己有上網上堂學咗好多教學方法,然後不斷觀察同嘗試,慢慢搵到對阿仔最work嘅方法。

Rank: 2


87
5#
發表於 19-6-9 09:42 |只看該作者

回覆樓主:

本帖最後由 wenwen_chan 於 19-6-9 09:59 編輯

本帖最後由 wenwen_chan 於 19-6-9 09:59 編輯

其實大家講嘅我都明白,因為我兩個小朋友,兩個都係ADHD,連個性都唔同,大嘅偏向專注不足,細嘅偏向過動。但同樣多言,我地關係本身唔差,所以佢地每日放學都有好多嘢想同我分享,於是就會有爭嘢講嘅情況,輪住嚟係無用,因為細嘅點都唔守規则…

Rank: 2


87
6#
發表於 19-6-9 09:49 |只看該作者

回覆樓主:

本帖最後由 wenwen_chan 於 19-6-9 09:58 編輯

互相影響加上大嘅今年升中呈分壓力好大, 有時會好忟憎,我地多咗同佢做心理調整,但大嘅會覺得,細嘅成日耍野蠻, 霸曬我地。細嘅我同佢講道理,佢好似講極都唔明,所以有時真係覺得好攰, 我其實明白每個小朋友特質不同 只係因為兩個 有時 如果用唔同方法教,另一個就會有意想不到嘅行為出現 所以先至覺得頭痛

Rank: 2


38
7#
發表於 19-6-17 23:19 |只看該作者
本帖最後由 kiki90 於 19-6-17 23:19 編輯

我PM左你喇,睇下幫唔幫到你啦~

Rank: 5Rank: 5


1666
8#
發表於 19-6-20 05:30 |只看該作者
wenwen_chan 發表於 19-5-19 11:46
女女三年級,五歲時已確診ADHD和社交較弱。做過一排遊戲治療,但效果唔大。一直在學校表現都好乖,成績一直 ...

試下每天擁抱孩子,佢發脾氣時用搞笑方式氹下佢,佢搞事時就分佢心,比小任務佢做。記得千萬不要打,孩子感受到被愛就會聽話。另外要替她建立自信,找她做得好的地方,多些讚賞。湊ADHD孩子好考耐性,爸爸媽媽加油啊!

Rank: 4


837
9#
發表於 19-9-20 22:01 |只看該作者
Missingyou0623 發表於 19-6-9 06:05
教育ADHD小朋友真係比一般小朋友辛苦好多, 我有兩個小朋友,一個ADHD一個冇,所以我深深明白個分別

行 ...

請問你在哪裡上行為治療課程?可pm我嗎?

Rank: 5Rank: 5


2480
10#
發表於 19-9-24 13:47 |只看該作者
回覆 kiki90 的帖子

請問知否那裏有給小五/六的行為治療嗎

Rank: 2


87
11#
發表於 19-9-28 22:02 |只看該作者
maem 發表於 19-9-20 22:01
請問你在哪裡上行為治療課程?可pm我嗎?

協康

Rank: 2


87
12#
發表於 19-9-28 22:02 |只看該作者
PurinBB 發表於 19-9-24 13:47
回覆 kiki90 的帖子

請問知否那裏有給小五/六的行為治療嗎

協康

Rank: 4


912
13#
發表於 19-10-21 14:38 |只看該作者
我覺得像是"心理問題" 多D。(而不是甚麼障礙呀甚麼,更不是"吃藥"可以解決的)

因為你話佢的狀況是會在不同環境不一樣的。例如在學校時會乖D、有父母在場時又離譜D...等等。咁好明顯就是對你倆夫婦有"心結"。

只能靠"改善關係" 來挽救 (例如多D陪佢去玩,用心聆聽佢所講的,俾佢覺得你們重視佢等等等等)
‹ 上一主題|下一主題
你需要登錄後才可以回帖 登錄 | 註冊