請問Pre-S1考試

奥脫福

little_yolky 發表於 19-5-7 13:42

我99同你阿爸阿媽一樣，所以同C6由唔錯既學校轉咗去間村校。我之前完全唔理解，原來係常態。

我阿爸阿媽讀書少過62 99，但我哋讀書時，阿爸周圍問街坊，又去學校睇D小朋友放學咁幫我哋選校。後來搬屋，我哋要跨區返學。

回想起來，當年我的小一都幾坎坷。。。

第一年的小一，是在油麻地咸美頓街一間「私小」（唔肯定係咪，只知要交學費）。
當年我係由原校幼稚園上小一的，但我父母好似唔知有「小一派位」呢樣野，結果自
然係無官津學校讀，而「原校直升小一」的同學係要交學費既，為此我父母十分耿耿
於懷。。。

果陣我係同小二學生同一個課室（即混合班）：前半堂老師教小一的野，小二同學就
自修；而後半堂就掉番轉，老師教小二的野，小一同學就自修。細個既我為人甚好奇
，雖然無小二的書，但我照聽。

當年有一科叫「尺牘」，我最喜歡上呢科，因為我學識左點寫信，可以好鬼豪言咁同
（女麻）（女麻）講：妳可以唔駛去榕樹頭找寫信佬啦！

就係咁，我好似級三名之內完成小一（全級十幾人），過左暑假，就去左油天返學了
。不過原來佢地又擺左烏龍。。。以為去到係讀小二，點知開學至知係小一。。。真
係ＯＭＧ。。。

不過更加ＯＭＧ的係，才讀左一個學期，我地上到葵涌公屋，因為要俾校車費，我又
被轉去一間村校。結果我在果年拿了人生中唯一一次的級一。。。

為此輪到我一直耿耿於懷。。。到了今時今日我都仲係度諗，如果我在油天讀到小六
，會唔會有機會做左「華仁仔」呢？！

little_yolky

IloveJJ 發表於 19-5-7 15:48
咁我仔好點，我問埋啦！數學pre S1 80分。英文就88，不過呢份係屋企做，無計時的。我叫佢下次計時，睇下有 ...

佢哋考第一個女仔數學都係7X咋。數學唔知係咪女仔真係差D

little_yolky

奥脫福 發表於 19-5-7 16:07
回想起來，當年我的小一都幾坎坷。。。

第一年的小一，是在油麻地咸美頓街一間「私小」（唔肯定係咪，只 ...

唔好意思，笑咗出嚟，笑死我啦


我小學最悲慘既，係升中選校。因為係我自己填，當年無數據王教路，我就將最好最熱門既排晒響前面，然後補B2學校，就咁就入咗中文中學⋯⋯

奥脫福

little_yolky 發表於 19-5-7 16:31

我小學最悲慘既，係升中選校。因為係我自己填，當年無數據王教路，我就將最好最熱門既排晒響前面，然後補B2學校，就咁就入咗中文中學⋯⋯

如果命運能選擇。。。

升中選校時，我應該係級五之內，但印象中無去過任何中學交表、面試，即係無報
過自行？！

到大抽獎，我係心儀林護既，但班主任「迫」班頭三選「荃官」，咁第二只能放四
中。。。就咁入左四中。

如果當年有數據王教路，我點都要整番個ＫＬ１地址。。。

IloveJJ

little_yolky 發表於 19-5-7 16:25
佢哋考第一個女仔數學都係7X咋。數學唔知係咪女仔真係差D

吓?咁我仔啲數學都ok喎!

kkhon

奥脫福 發表於 19-5-7 16:07
回想起來，當年我的小一都幾坎坷。。。

第一年的小一，是在油麻地咸美頓街一間「私小」（唔肯定係咪，只 ...

好曲折呀！如果你當年喺油天畢業可能係皇仁仔添，成绩次一班的才是华仁仔。

little_yolky

奥脫福 發表於 19-5-7 17:06
如果命運能選擇。。。

升中選校時，我應該係級五之內，但印象中無去過任何中學交表、面試，即係 ...

喂你上堂有尺牘我都無喔，你點睇都大過我啦，前輩！我哋年代無自行架，叩門都無，係得個大抽獎
你咪好囉，級五內入四中，我級二入中文中學呀！我係KLN3網架

little_yolky

IloveJJ 發表於 19-5-7 17:14
吓?咁我仔啲數學都ok喎!

係呀！今次統測出深D，阿大即刻跌到84啦！

IloveJJ

little_yolky 發表於 19-5-7 20:50
係呀！今次統測出深D，阿大即刻跌到84啦！

我仔頭先話，佢哋有幾個同學做pre S1都有9x分。

統測係咪唔計呈分畢業之類?有影響嗎？

IloveJJ

奥脫福 發表於 19-5-7 16:07
回想起來，當年我的小一都幾坎坷。。。

第一年的小一，是在油麻地咸美頓街一間「私小」（唔肯定係咪，只 ...

算啦！你而家好咪得囉！
或者你入到華仁，點知墊底，入唔到大學呢？

scooper

奥脫福 發表於 19-5-7 16:07
回想起來，當年我的小一都幾坎坷。。。

第一年的小一，是在油麻地咸美頓街一間「私小」（唔肯定係咪，只 ...

口痕講下，我都有讀尺讀，係你同年代的人，我俾人早入學，入私校，因近父母工作地點，他們當托兒，直上小學，點知二年級時學校關門大吉，要轉校，唔知邊個三姑六婆介紹入了一間屋企附近的津校，入到去，才知恐怖，爛仔竇咁，俾人蝦，有人自己唔小心整爛野，屈我賠錢（要見家長），賠完老師仲開口叫我父母代買手飾，當然係唔會俾番錢啦，我好怕返學，朝朝都肚疼，好彩媽咪省目，即刻揾學校轉，挨了一年轉了校，才重現笑容。

到今日我都好感激媽咪，當年如果她唔幫我轉校，我唔知我會變成點！

la5711

我小學全級第三，但為了省車錢飯錢，揀左間最近屋企的新校，當時中四收外校生，都好雜，有人在學校食煙，在屋村群打。 到自己收既8班中一升到中四，不用收外校生，仲cut淨四班，就明顯乖好多了。後來仲升格做屯門4大添。
其實學校唔係教得特別好，但在管學生紀律上係幾嚴，學生形象好，真是會較吸引家長揀。

little_yolky

成績表樣衰囉！咁多個B，仲要主科，點叩門呢！

IloveJJ

little_yolky 發表於 19-5-8 13:37
成績表樣衰囉！咁多個B，仲要主科，點叩門呢！

點解學校咁奇怪?無端端今次出深?不過我覺得你女自行一定掂，唔會叩門既!

little_yolky

IloveJJ 發表於 19-5-8 15:59
點解學校咁奇怪?無端端今次出深?不過我覺得你女自行一定掂，唔會叩門既!
...

係呀，可能呈分淺，依家唔計分就深D掛。望係咁望啦。阿女話入到自行或乙1-3都唔叩喔。

little_yolky

scooper 發表於 19-5-8 11:01
口痕講下，我都有讀尺讀，係你同年代的人，我俾人早入學，入私校，因近父母工作地點，他們當托兒，直上小 ...

b3410

little_yolky 發表於 19-5-6 12:38
你真係嚇到我幾乎暈底

TSA就緊係9X啦！阿女數學pre-S1得6X分咋。中文唔計寫作、就9X。嚇得我丫

你哋學校用邊個出版社的pre S1 題目？

little_yolky

b3410 發表於 19-5-14 12:27
你哋學校用邊個出版社的pre S1 題目？

唔知喔，返去睇下先。

IloveJJ

b3410 發表於 19-5-14 12:27
你哋學校用邊個出版社的pre S1 題目？

你有研究開?邊間深?邊間淺呢？我以為呢啲公開試，統一既添!

b3410

IloveJJ 發表於 19-5-14 14:11
你有研究開?邊間深?邊間淺呢？我以為呢啲公開試，統一既添!

我就係唔知之前見到學校用躍思，不過好似只做過數學。依家諗是否應該中英數都練習一下。暫時買了教圖，classroom，未開始做。