用戶登入
用戶名稱:
密      碼:
搜索
教育王國 討論區 教育講場 【芬蘭教育】從小自決能力 全校齊幫SEN實踐真正共融! ...
查看: 2244|回覆: 32
go

【芬蘭教育】從小自決能力 全校齊幫SEN實踐真正共融!

Rank: 14Rank: 14Rank: 14Rank: 14


974
發表於 19-1-2 15:26 |顯示全部帖子



作者:


香港教育制度備受抨擊,家長小孩都叫苦連天,在港教書二十年的滙基書院(東九龍)副校長劉振華,早前走訪芬蘭,實地體驗當地享譽全球的的教育制度與教學模式,究竟這個人人歌頌的制度有什麼特別之處,哪些地方得香港反思借鑑?




滙基書院(東九龍)副校長劉振華(右一)早前到芬蘭實地體驗當地享譽全球的教育制度與教學模式。


1. 免費教育──從小讀到博士都不用付學費

芬蘭政府相信,優質的教育可以在最快速的時間內提升國家年輕人的質素,因此早於70年代開始計劃免費教育,務求讓全國上下所有人由7歲入學開始,一直唸書唸到碩士、博士都毋須支付學費。學校甚至會提供免費午餐,以杜絕有人因家境而無法上學的情況。

2. 人人平等──不懂不要緊,老師會等你

芬蘭教育認為所有學生平等,沒有所謂「高材生」等標籤,學校也不像香港般分等級,所以孩子通常都會到住所附近的學校上學,因為無論到哪一所學校,學生所獲得的教育都一樣。
然而,每個人的學習速度和方式都不盡相同,在一個班級裏,總有些人學得較快,有些人學得較慢,老師該怎樣調整教學速度呢?

劉Sir指,香港的老師受教育制度所限,通常會選擇「少數服從多數」,以學得快的學生會為指標去追趕課程進度,學得慢的學生只能默默從後追趕,或自行補習,跟不上的學生只能被標籤為「輸家」。

反觀芬蘭教育,即使班上只有一位學生追不上,老師都願意等,願意花更多時間和心機去教導,也因此同儕之間會更落力互相教學,一起共同進步。

3. 課時短、功課少、考試少──無壓力下愉快學習

從芬蘭的上課時間表可以得知,無論老師或學生,他們都相當重視休息。芬蘭的學校每節課約35至40分鐘,每上畢一至兩課便會休息20至30分鐘,全日上課時間只有約三小時,因為他們相信人高度專注的時間有限,與其課時長但學生不「入腦」,倒不如課時短,精簡地教重點,讓學生自己消化和思考知識,反而更有學習成效。

而且,芬蘭學制盡量簡化考試制度,高中三年期間,學生可以讀十科或以上選修,但中六畢業試實際只有四至六科需要考試,這讓學生能夠在沒有考試壓力的情況下,因應個人興趣選擇涉獵不同範疇的科目,這做法能夠保持學生的學習熱誠之餘,亦能讓他們將來的出路更多元化。




4. 真正的共融教育──全校一起幫助SEN學生

雖然香港政府表面上致力推動融合教育,但實行的方法及成效一直存疑,老師為了追趕課程進度已分身不暇,又何來時間和心力對SEN學生因材施教呢?加上傳統中國社會認為「家醜不出外傳」,所以香港的SEN學生總是十分「低調」,劉Sir透露,在香港的學校,有時候連班主任也未必知道自己的班上有否SEN學生,因校方收生後,要由家長通知才會知道學生的情況。

在芬蘭,有特殊需要的學生並不會與「羞恥」、「家醜」等負面標籤扯上關係,對他們來說,承認患有ADHD就跟承認患上感冒一樣,只是一件平常事。學生如果有需要可以隨時離開課室,課堂期間也隨時會有專業人員坐在學生旁邊提供協助。

而且,校內不同的專業人員,包括班主任、科目老師、特殊教育老師、社工、教育心理學家、家長等,會定期開會商討可以怎樣幫助SEN學生,甚至會按需要邀請學生一同參與會議。

劉Sir觀察到,幾乎全校師生都知道哪些學生有需要,但整個文化環境讓學生之間學懂互相尊重,有技巧地和諧共處:「他們認為有特殊需要並不是什麼羞恥的事,這一點頗值得香港反思,這是真正的共融。」

5. 從小訓練獨立自主──建立清晰的人生方向

芬蘭人從小自行走路上學,不會有人幫忙背書包,即使下大雪也照常上學,而且每個孩子6歲前都一定要學會200米游泳,這些生活文化讓孩子知道:必須學會獨立,要懂得自己解決問題。
而學校的角色在於幫助學生找到方向,所以每個孩子唸到初中二年級時,學校都會安排一星期不用上課,讓孩子自行尋找工作經驗,完成後只需填寫表格簡單報告。中三則有類似生涯規劃的課堂,老師會為學生講解整個升學制度,並與學生一起計劃前路。




無論出生於哪個地方,每人都站在同一條起跑線之上,劉Sir認為是成長和學習的環境造就出不同的人:「香港學生普遍表達能力不俗,學習能力亦絕不遜色,唯獨缺乏清晰的人生目標,不懂計劃前路。原因可能與家人有關,因為父母早已幫子女計劃好一切;亦可能與教育制度有關,因為只有公開試一條出路。」

或許,真正的優質教育並沒有所謂的「贏在起跑線」,而是孩子整個學習的大環境中,有否得到成長的空間和機會。芬蘭教育未必完美,卻有不少優點值得香港借鑑。

相關文章:訪芬蘭、台灣覓最佳教學法 資深港師:香港家長有能力改變填鴨式制度

即到親子語睇更多育兒/教育資訊。





Rank: 6Rank: 6


8141
發表於 19-1-3 08:36 |顯示全部帖子
BK_Milk 發表於 19-1-2 15:26
作者:豆

香港教育制度備受抨擊,家長小孩都叫苦連天,在港教書二十年的滙基書院(東九龍)副校長劉振 ...

仲信芬蘭教育模式?

Rank: 10Rank: 10Rank: 10


28494
發表於 19-1-3 22:01 |顯示全部帖子
JustAParent 發表於 19-1-3 08:36
仲信芬蘭教育模式?

有乜問題?
The more bizzare a thing is, the less mysterious it proves to be.

Rank: 6Rank: 6


8141
發表於 19-1-4 09:18 |顯示全部帖子
shadeslayer 發表於 19-1-3 22:01
有乜問題?

很少國民會以自己國家教育制度為傲, 我見識少,芬蘭係我聽過唯一一個。加上他們不停吹噓什麼平等教育、沒有資優生、 考得少學得多、PISA領先全球、NOKIA神話, 外人就覺得芬蘭教育真係超正。

一、芬蘭PISA/NOKIA神話早已破滅。
二、如果一個學術評估一個公司既剎那 光輝,可以用作量度教育成效,華為小米,中國PISA對大家說,中國教育才是王道!
三、Cardiff Sixth Form工廠式教學,成功大量搶佔G5學位,已經衝擊唔少英國人,令他們重新評估填鴨教育。

我好誠實,我是精英教育支持者。拜讀幾本芬蘭教育既書,我更肯定芬蘭教育唔係我杯茶。

Rank: 10Rank: 10Rank: 10


28494
發表於 19-1-4 12:58 |顯示全部帖子
JustAParent 發表於 19-1-4 09:18
很少國民會以自己國家教育制度為傲, 我見識少,芬蘭係我聽過唯一一個。加上他們不停吹噓什麼平等教育、沒 ...

其實我對芬蘭教育無乜認識,但相信欣賞芬蘭教育的人,唔會係因為PISA分數。

另外,精英教育可以是填鴨,也可以非填鴨。 Cardiff 的補習式填鴨,不是新鮮事,Cardiff 學生中本來就有很多亞洲人。亞洲學生填鴨下中學成績「多年來」有目共睹。西方各國不是不知道,只是不為之。
The more bizzare a thing is, the less mysterious it proves to be.

Rank: 6Rank: 6


8141
發表於 19-1-4 13:23 |顯示全部帖子
shadeslayer 發表於 19-1-4 12:58
其實我對芬蘭教育無乜認識,但相信欣賞芬蘭教育的人,唔會係因為PISA分數。

另外,精英教育可以是填鴨, ...

本帖最後由 JustAParent 於 19-1-4 13:28 編輯

我都只係睇過幾本芬蘭教育嘅書,唔係專家。但有一點我幾肯定,"沒有資優生" / "老師等埋你" 絕對係芬蘭教育重要理念。 我諗極唔明,呢種平頭式教育點樣兼容精英教育。 我覺得吹捧芬蘭教育,就好似日本仔當然以經濟急速增長去吹捧終身僱用制一樣。信者得救,恭喜佢。

至於西方係唔係真係唔做填鴨式教育,我看未必。世界冇免費午餐,有人埋頭苦讀十年寒窗,有人少"些少"努力加父幹銀彈,總之等價交換付足代價。

外人好多時只見學生風光,睇唔到佢背後辛酸。如果真係輕輕鬆鬆,試又唔多考,甚至連環船咁,你唔夠油,其他人等埋你拖埋你慢慢行,咁得掂? 日讀夜讀那批就真係戇居。

Rank: 10Rank: 10Rank: 10


28494
發表於 19-1-5 12:31 |顯示全部帖子
JustAParent 發表於 19-1-4 13:23
本帖最後由 JustAParent 於 19-1-4 13:28 編輯

我都只係睇過幾本芬蘭教育嘅書,唔係專家。但有一點我幾 ...

本帖最後由 shadeslayer 於 19-1-5 12:39 編輯

填不填鴨,和讀得忙不忙,辛不辛苦,無絶對關係。小學初中,西方教育的確一般輕鬆D。但到高中,要升好大學,無學生可以不忙,不辛苦,不大壓力。

如果一個小孩,填鴨式由細到大日讀夜讀,入牛津。另一同資質小孩,活動教育輕鬆到中學,高中才谷,又入牛津。咁填鴨日讀夜讀的,如果只為成績,就真是戇居。

Rank: 5Rank: 5


2990
發表於 19-1-5 17:05 |顯示全部帖子
全國550萬人口,有興趣讀書既可以讀書,無興趣讀書既可以捉魚或種稙,天然資源平均分都人人一大堆,淨做天然資源買賣夠無憂生活。

係咪似富豪同仔女講一樣: 讀書最緊要自己喜歡,讀到就讀,讀到幾時唔想讀就唔讀,讀唔到我分幾10億俾你收租收息,讀書既野唔使俾自己咁大壓力。

匯基書院今日今時仲講芬蘭,唔通佢地上晒中產或上流社會已大把錢大把物業,開始離地?

Rank: 10Rank: 10Rank: 10


28494
發表於 19-1-5 19:39 |顯示全部帖子
Vanadium 發表於 19-1-5 17:05
全國550萬人口,有興趣讀書既可以讀書,無興趣讀書既可以捉魚或種稙,天然資源平均分都人人一大堆,淨做天 ...

本帖最後由 shadeslayer 於 19-1-5 19:40 編輯

有錢可以慢慢讀,讀不到分十億,這是不通的。無知識不學無術,今天分十億,下個月可以輸哂,比人呃哂。

再講,你意思是,芬蘭教育制度離地,是設計比有十億身家父母的孩子,佢哋唔使憂,所以一般香港人唔啱用?

Rank: 6Rank: 6


8141
發表於 19-1-5 19:51 |顯示全部帖子
shadeslayer 發表於 19-1-5 19:39
本帖最後由 shadeslayer 於 19-1-5 19:40 編輯

有錢可以慢慢讀,讀不到分十億,這是不通的。無知識不學 ...

有十億仲點會輸晒呢。誠哥退休記招已經答咗你,依家所有有錢人都有wealth management團隊睇住,傻仔都唔會富不過三代。梅媽都未敗得晒梅姊D錢。

Rank: 10Rank: 10Rank: 10


28494
發表於 19-1-5 20:22 |顯示全部帖子
JustAParent 發表於 19-1-5 19:51
有十億仲點會輸晒呢。誠哥退休記招已經答咗你,依家所有有錢人都有wealth management團隊睇住,傻仔都唔會 ...

本帖最後由 shadeslayer 於 19-1-5 22:01 編輯

睇你有幾蠢喇,團體一世唔呃你?有幾多億也有機會輸哂。除非係定時每月比一百萬個種,但咁就唔叫比十億,因為能動用的,不是十億,是每月一百。。

正如有研究好多中大彩票的人,轉頭打回原形的不少。

Rank: 5Rank: 5


2990
發表於 19-1-5 23:58 |顯示全部帖子
本帖最後由 Vanadium 於 19-1-5 23:58 編輯

其實我只係想講每個制度都有佢背景,香港既社會環境,去北歐考察,係咪等於窮人去考察有錢人點生活一樣,睇完,又如何? 夠錢(資源)先可以講"quality of life",無錢(資源)....連life都未必有得講。

據資料部份北歐國家產假特長,有啲放足一年有多,婦女唔知考察完返到黎香港講完,又會點? 大家都係返回現實生活。



Rank: 10Rank: 10Rank: 10


28494
發表於 19-1-6 01:41 |顯示全部帖子
Vanadium 發表於 19-1-5 23:58
其實我只係想講每個制度都有佢背景,香港既社會環境,去北歐考察,係咪等於窮人去考察有錢人點生活一樣,睇 ...

本帖最後由 shadeslayer 於 19-1-6 01:42 編輯

都係唔明,為何香港唔可以學芬蘭教育,唔可以有多D產假。係香港遠比芬蘭窮,付擔不起,定香港社會古舊,有錢也永遠不接受非填鴨,接受不了多產假。

你知唔知 Finland and HONG KONG 的 GDP per Capita?

Rank: 6Rank: 6


8141
發表於 19-1-6 11:22 |顯示全部帖子
Vanadium 發表於 19-1-5 23:58
其實我只係想講每個制度都有佢背景,香港既社會環境,去北歐考察,係咪等於窮人去考察有錢人點生活一樣,睇 ...

佢地去睇吓,返到香港上吓報紙吹吓姐,認真你就輸。你估匯基真係會做咩? 北歐教育模式,英美都唔信佢啦,何況香港

Rank: 10Rank: 10Rank: 10


28494
發表於 19-1-6 12:37 |顯示全部帖子
JustAParent 發表於 19-1-6 11:22
佢地去睇吓,返到香港上吓報紙吹吓姐,認真你就輸。你估匯基真係會做咩? 北歐教育模式,英美都唔信佢啦, ...

本帖最後由 shadeslayer 於 19-1-6 12:50 編輯

把一套教育制度原原本本移稙,是痴人說夢。但概念還可以反思借鏡,幫助制定教育發展方向。

匯基有口有實,定有口無實,有想總好過無想,是英是美是北歐南歐是中國是南韓,不重要。

Rank: 6Rank: 6


8141
發表於 19-1-6 13:02 |顯示全部帖子
shadeslayer 發表於 19-1-6 12:37
本帖最後由 shadeslayer 於 19-1-6 12:50 編輯

把一套教育制度原原本本移稙,是痴人說夢。但概念還可以 ...

呢D講法,毫無意義。你去非洲參觀教育,都可以話反思。

風水佬呃你十年八年,你就睇吓D學校係北歐帶D乜野返黎改善香港教育。

Rank: 10Rank: 10Rank: 10


28494
發表於 19-1-6 15:02 |顯示全部帖子
JustAParent 發表於 19-1-6 13:02
呢D講法,毫無意義。你去非洲參觀教育,都可以話反思。

風水佬呃你十年八年,你就睇吓D學校係北歐帶D ...

本帖最後由 shadeslayer 於 19-1-6 15:03 編輯

我有說非洲?

古代卜卜齋式背四書五經一字不漏,也有香港現代人不只會以此反思,還要孩子本本背曬一字不漏。

點會無意思。

Rank: 5Rank: 5


2990
發表於 19-1-6 15:25 |顯示全部帖子
shadeslayer 發表於 19-1-6 01:41
本帖最後由 shadeslayer 於 19-1-6 01:42 編輯
你知唔知 Finland and HONG KONG 的 GDP per Capita?
我唔會覺自己睇野好全面,但好覺得你睇野係更唔全面。

GDP per Capita? 你想講咩呢? 雖然我唔熟呢啲term,但你一講,我即以common sense諗起兩樣野,上網一查,原來真係有呢個諗法,雖然我從未學過。

1) GDP per Capita per hour: 賺錢多唔代表一定搵錢能力高,有人做足24小時先搵1萬,有人1分鐘就搵1萬,香港人出名工時長,GDP可能係用血汗換返黎,講咩quality of life?

https://en.wikipedia.org/wiki/List_of_countries_by_GDP_(PPP)_per_hour_worked

2) 生活指數: GDP只係講你搵到幾錢,但GDP高亦可能係陪著生活指數高,搵埋唔夠洗。香港對芬蘭比? 芬蘭地大物博人口少,求其上網都搵到資料:

https://hk.feature.appledaily.com/overseasproperty/article/1_57849580?referral=NEXT

Rank: 5Rank: 5


2990
發表於 19-1-6 15:43 |顯示全部帖子
本帖最後由 Vanadium 於 19-1-6 15:49 編輯

其實講到底,要有芬蘭教育就要去芬蘭,或將香港變到似芬蘭 (但無可能)。

同樣,要有英美教育最好去英美,香港都有.....小區域既富有或中產一族,就係送子女去香港既國際學校接受緊近以英美既教育。

每個地區教育同社會背景必然不能分離,要參考都要近似地區先得,現時整個亞洲都得出近似教育模式(其實連社會福利、制度都不約而同地似),我就懷疑呢個係同亞洲地區背景及社會有莫大關係,要改善教育,最好都係亞洲地區大家一齊研究,去到北歐,成個背景真係差得太遠。

Rank: 10Rank: 10Rank: 10


28494
發表於 19-1-6 17:03 |顯示全部帖子
Vanadium 發表於 19-1-6 15:25
我唔會覺自己睇野好全面,但好覺得你睇野係更唔全面。

GDP per Capita? 你想講咩呢? 雖然我唔熟呢啲term, ...

Per hour is not useful in this sense.  If HK reduce the number of work hours by 10% do we have a GDP per capita drop by 10%?

GDP per capita 只係常識,「大致」說明經濟能力,芬蘭和香港也是富裕地區。

但你想講乜先得架。

因為錢學唔到?

因為社會文化學唔到?

Never mind,己講完。
The more bizzare a thing is, the less mysterious it proves to be.
你需要登錄後才可以回帖 登錄 | 註冊