沙田BAND 1A-B 揀邊間好?

tcchan1

我當年都好似你囡囡咁㗎，好靜，好驚出嚟講嘢。我當年讀沙循，唔算話好大壓力。雖然已經好多年前，應該宜家都唔會差太遠。
學校有勁多活動玩，有動有靜。老師亦有俾機會俾每個人，好似我咁，咁啱全班都要一齊參加校際英文集體朗誦比賽，因為成班去咪唔驚囉，點知仲攞到新界東區總冠軍，成績表活動果欄咪唔駛吉左囉。老師會問下我參唔參加下作文比賽、書法比賽d靜d嘅活動。
我覺得沙循係自由度幾大的學校，有空間俾你自己選擇。始終上大學同出嚟做嘢都有好多機會要做presentation，同其他人合作，去interview等等，我覺得沙循呢方面都幫到我成長。希望可以幫到你。

tcchan1

Qoo_baby 發表於 18-12-19 15:32
回覆 諾媽媽2007 的帖子

應該是B1都有機會吧...地點係有D唔方便...

可能我住附近，小學又喺隔離，所以都慣左個地點。宜家D巴士班次係疏左，不過搭282的話，班次就算密，好快去到新城市，搭去車公廟站轉車都快。另外返學時間好似有校巴。
就係個地點有D不便所以先無咁熱門。沙循唔係要谷人入神科、一定要入三大嘅學校，成績夠讀自己想入嘅科同學校就得⋯⋯
沙田有好多唔同程度和特式的學校，除非一定要入Top 嘅，否則都有好多選擇。

tcchan1

mch411 發表於 18-12-19 16:02
地點郭中好少少, 唔使行上山,同埋豐盛校舍係郭中隔離,
循道學生有活動時要行落山
成績循道較好,

食飯呢個問題，最好同小朋友傾下。如果佢好concern 會無啖好食，就真係可以諗下其他學校。郭得勝附近有M 記大家樂，應該問題不大，沙循就..... 好似宜家有得訂飯？
如果佢宜家唔會因爲呢個問題唔想報間學校，同有心理準備無啖好食，到時佢自己總會解決到呢D問題，始終中學生都大了⋯⋯

tcchan1

其實仲可以行落新翠食，十分鐘唔駛...
到時佢地就會自己解決到，一日去呢度食，一日去果度食。我地果時7-11都解決到一餐。
其實果度附近d學校幾好，兩間小學係88net 一線，兩間中學亦係B1。女仔放學如果怕新田圍靜就唔好太夜去商場行，放學喺門口搭車返屋企就ok。

tcchan1

Qoo_baby 發表於 18-12-21 07:14
係咪有條路可以行落去近翠？

係呀，後面有條樓梯落新翠。