小一英文好差

LT1116

伴讀係需要, 由非常淺嘅開始, 補習都需要, 但最好私補同搵好老師, 出面d 補習可能佢根本跟唔上, 或者學嘅野唔夾佢考試內容, 搵私補係針對佢程度同針對佢本書內容教, 搞掂佢應付測驗考試先, 出面好多補習係唔跟學校書教架

assado

fanay 發表於 18-12-17 19:21
我小朋友剛升小一。啱啱學校有個英文評估 低分到不得了 我個仔本身唔鍾意英文 同佢去補習 補做完返嚟好似冇 ...

可試下評估

18-12-20 13:38 上傳

下載附件 (120.67 KB)

worldcat

LT1116 發表於 18-12-20 09:37
伴讀係需要, 由非常淺嘅開始, 補習都需要, 但最好私補同搵好老師, 出面d 補習可能佢根本跟唔上, 或者學嘅野 ...

個人感受同經驗。。。小朋友唔鍾意/討厭英文，補學校課程係無乜幫助。純粹係靠操練去改善成績，一停落嚟又係還返晒。

LT1116

worldcat 發表於 18-12-20 20:31
個人感受同經驗。。。小朋友唔鍾意/討厭英文，補學校課程係無乜幫助。純粹係靠操練去改善成績，一停落嚟又 ...

咁睇你點睇, 如果補得好, 話唔定會開始有返信心, 唔會咁抗拒, 宜家佢可能覺得自己唔識, 選擇逃避, 但前題真係要搵到個好老師

bananaGi

fanay 發表於 18-12-17 19:21
我小朋友剛升小一。啱啱學校有個英文評估 低分到不得了 我個仔本身唔鍾意英文 同佢去補習 補做完返嚟好似冇 ...

你直資？

fanay

bananaGi 發表於 19-1-7 12:24
你直資？

吾係 津校

bananaGi

fanay 發表於 19-1-8 09:36
吾係 津校

深好多

小寶貝兒

睇YouTube開始丫，有好多啱男仔睇既卡通，例如 the fixies, PJ masks 呢d都係啱男仔又不至於太BB既卡通
然後可以再睇下佢鐘意打咩Game, 外國有好多YouTuber會整d打機既片，可以學到好多生活化既英文，當然，呢一d一定要家長睇過，冇粗口，冇暴力果d先好比佢睇，例如我囡鐘意玩Roblox, 係一個打機平台有好多小遊戲，冇乜暴力, 好啱小朋友玩， 你可以玩下先睇下比唔比你仔玩。
睇下卡通之後就可以帶佢去上d外國人的oral班，你會覺得好唔抵，比200蚊一堂其實係搵人用英文同佢玩，但其實有2樣野係只有oral班先做到，補幾多英文都做唔到既，就係引起佢對英文既興趣同埋逼佢一定要開口講（日子耐左就會有自信講英文）
到佢不抗拒英文，就可以帶佢去書店，由佢自己揀英文書，佢想買邊本就買邊本，只要有英文字就得，少都唔緊要，但求佢會拎上手睇，之後日子耐左佢會自己搵書睇，唔好由你主動去買，特別係一set set果d，到佢睇過1，2本係鐘意，主動提出先買都未遲
當以上做得好，寫都唔會差得去邊了
不過要留意，以上做法係引起佢學習興趣先，對成績唔會有即時或好大幫助

poonseelai

請問小一英文評估內容是什麼？何謂好差？

fanay

poonseelai 發表於 19-1-9 07:55
請問小一英文評估內容是什麼？何謂好差？

本身我個仔已經唔鍾意英文 如果冇人喺旁邊逐隻字解釋佢聽 佢係唔明 啱啱過咗英文測驗 佢同我講有好多都留空左 雖然老師有讀題目 但係佢跟唔切

poonseelai

fanay 發表於 19-1-9 07:59
本身我個仔已經唔鍾意英文 如果冇人喺旁邊逐隻字解釋佢聽 佢係唔明 啱啱過咗英文測驗 佢同我講有好多都留 ...

即一升小一要聽得明，又理解到，仲要填充之類？要求好高。是否英文小學所以老師全英語？相信先要他討厭英文，以上家長建議伴讀等都可試，同時令他明白英文是生活一部分，如學校有英文通告，同他一起讀，日常水電煤單也有英文，去食西餐看餐牌之類。父母.亦可以身作則，平日也看英文書什誌等。

funEE

回覆 小寶貝兒 的帖子

The fixes 好似好吸引喎！等我今晚介紹比囝囝先
佢之前睇開caillou 同blippi, 睇到我都覺得悶啦！


Oral班真係幾好，幾個小朋友一齊玩，又一齊學英文！ 樓主可以試下先，比小朋友有返興趣同信心先！
我都覺得係要識聽先識講，識講就開始會識讀同理解，最後係會開始識寫同作！

之前我囝囝學咗phonics, 閱讀上無問題，但就唔識串字，只係串到成個字嘅頭同尾！我試咗帶佢出去私補4個月，點知弄巧反拙！ 依家轉去oral班就開心晒，但有咩方法幫到佢串字？請大家指教下！

SWtwins

poonseelai 發表於 19-1-9 08:36
即一升小一要聽得明，又理解到，仲要填充之類？要求好高。是否英文小學所以老師全英語？相信先要他討厭 ...

搭句咀, 我細路讀官校, 上小一下兩三個月已知根本跟唔上, 學校真係預你入學前係有一定程度嘅英文, 上學期考已有英語口試, 會用英文問關於該課內容相關嘅其他野, 平時要做閱讀理解作業, 呢d我d細路只讀一般幼稚園真係識鬼, 下學期完見家長時, 班主任都提議我出去補, 上到小二即一星期3日上英文補習班(NET), 上左4個月, 效果如何未知, 但個心定好多.

以前覺得自己點會教唔到, 原來有時用錯方法拉牛上樹係唔得架.
再加上依家根本上老師講左就預左家長要跟進, 學生一日響學校5-6個鐘, 教嘅野要屋企再跟進一次, 放學有無5-6個鐘跟進呢?唔食飯唔沖涼都有嘅.

poonseelai

SWtwins 發表於 19-1-9 14:05
搭句咀, 我細路讀官校, 上小一下兩三個月已知根本跟唔上, 學校真係預你入學前係有一定程度嘅英文, 上學期考 ...

多謝你的資料，我小一才學a pen and a man, 今天的課程真的深。問題是這对孩子學習英語是好是壞？

Jane1983

讀書無得唔鍾意，一定要搵到個樂趣先有運行。無見過唔鍾意一科，可以避就避，得閑唔會掂唔會理都可以高分。

作為家長，就係要啟發佢。咁做勝過使錢搵名師補習，興趣從來係學習最好的老師。

Happy_Charles

聽說讀寫的先後最重要。

我囡小一連串字都唔得，雖然幼稚園已有上英文班，但佢真係完全無吸收，到小一英文真係好差，之後搵PRIVATE老師，我老師讓佢對READING好有興趣，加上可能佢一向都講到，佢自己願意睇書，但GRAMMAR仲差些。要一步步慢慢來。

poonseelai

Happy_Charles 發表於 19-1-10 12:44
聽說讀寫的先後最重要。

我囡小一連串字都唔得，雖然幼稚園已有上英文班，但佢真係完全無吸收，到小一英文 ...

聽行先，從孩子腦部發育情况看，6歲前掌管聽覺發展最快，所以6歲前是伴讀黄金時期。

猴子爸

找一些有CD伴读的故事，多听着，又跟着读，教他故事里面的生字，串字，学习怎样应用。一些故事是中英对照的，更容易掌握。
细路多听native speaker的CD， 讲英文都不会太过广东腔。

lucyplus

SWtwins 發表於 19-1-9 14:05
搭句咀, 我細路讀官校, 上小一下兩三個月已知根本跟唔上, 學校真係預你入學前係有一定程度嘅英文, 上學期考 ...

同感，用錯方法真係幫唔到小朋友，自己又勞氣。

去年阿女英文，數學跟唔上，學校不停練習，放學又去補習，始終無大改善。 後來懷疑專注力問題，我地好彩揾到一個有經驗嘅trainer，再針對找方法才見改善。

都係要揾到問題先。英文學習的問題可以係phonics嘅，好影響reading, 又可以係學習動機嘅，要睇學校上堂有無方法幫同學，又或者係其他。

AndrewHo_FB

小一的評估都深.

有 reading comprehension, listening comprehension, grammars 等.

如:
(This/These) is a cat.
(I/They) am a boy.
He and I (am/are/is) going to school.