請BK家長交流及分享爲子女選小學校的經歷與體會

CJma

我這一年爲小朋友選學校，真係有感觸。有小小經驗，也有疑惑，所以至今都對選擇有所猶豫，也想聽聽其他家長的意見。
  

CJma

我平日工作好忙，基本冇暇顧及仔仔的功課。所以最初我選中的小學係保良局馮晴，學校也都幾好，又近，離家步行只需5分鐘。我不在意仔仔讀中文小學，主要係將來一定要入英中。
我仔仔有個高一班的幼稚園同學，也係鄰居，已讀緊馮晴，由我家樓下一家補習社代接下午放學，然後補習社裏三個鍾，功課作完，書也溫過，父母放工接返屋企。常見佢一家三口晚飯後散步，真好羡慕。我問過，補習社收＄2580/月。我原本也咁打算。所以，舊年，我也冇搵私校打底，自行收生時選馮晴，冇入到。統一派位將區內區外都選馮晴做第一志願，之後就冇再關心學校的事，只等派位。（待續）

CJma

親戚朋友問起我如何爲仔仔選校，多唔認同我，話小學選既唔好，也難進英中。初時我幷不介意。後來仔仔知道同學都撿著小學（我們認識的都已經有學校在手了），唯獨自己還冇，竟然比老師講，要返大陸公公婆婆處讀小學。老師話比我聽，都奇怪佢點解有咁想法，我一再比仔仔講，爸爸媽媽一定會比佢讀緊間好學校。

所以，越近派位期就越心急，擔心派得好差，就急著補救，五月時寫信去幾間學校求後備位，但也唔考慮太遠既學校。此時，我既想法就變著，覺得若又要搭校車又要交學費，我就希望係英文小學，又要有直上既中學。（待續）

Ted

CJma

What's next??  Very eager to read....

CJma

後來派著第一志願馮晴，聖若瑟英小也收著仔仔。好難撿！

我在BK上四處詢問，也搵朋友、朋友個朋友問，基本上既看法，覺得聖若瑟英小比馮晴好許多，冇乜難撿既，至于中學，若將來仔仔成績好，自然可以入得好中學，若係成績麻麻地，入到直屬既聖若瑟中學也都唔差。

所以而家决定選擇聖若瑟英小。不過因爲佢直屬中學唔係英中，也幾猶豫，主要係要交學費，就要考慮值唔值得。其實，我自己覺得學費＄1850/月算平既，但校車＄690/月就太唔值得，仲要七點前上校車，至少6：30需要起床！（待續）

CJma

寫信之前，我比較多瞭解了三間學校：真道，臻美，聖若瑟英小（按離家遠近排序）。

我的朋友們最稱好的係真道，但係問了兩個真道的家長，都很表示跟得好辛苦，因爲冇功課，程度又唔淺，家長只好多花工夫，小朋友到都鍾意學校。我冇乜時間跟仔仔功課，所以真道唔適合我既情况。據說真道也鍾意招全職媽咪的子女，想來也因爲全職媽咪比較可以配合到學校。

我最想撿既係臻美，也認同佢既教學理念，油塘距將軍澳也近點。不過，後來就驚佢學費漲得太快，擔心日後還會漲，有失預算。(題外話， BK上兩個家長會的TOPIC，提高了學校個知名度，但細心看，也知道也提高著學校漲學費的可能。因爲家長會的一些家長幾維護學校，幾支持學校增加學費。學校越來越成熟完善，有了漲學費的資本，家長又幾支持，……)

聖若瑟英小比較遠D，中學係中中。但係單從小學論，係非常之好既。

另一個考慮，真道臻美係直資，被直資學校收著就唔可以參加統一派位，所以已收新生不會流失太多，聖若瑟係私立，收著既新生可以參加統一派位，所以派位之後會有不少新生流失，所以對我就機會多D。（待續）
  

Mrssslui

I'm waiting to read yr story.
Pls share.

CJma

我老公見我煩惱，就話，不如再試下其他學校，但係唔要太遠，觀塘區要比聖若瑟近既，再就係北角附近，雖然跨海，其實較九龍灣近。我希望係有直上英中既全日小學，幾乎搵唔到。我又唔鍾意太新既學校，擔心各項配備唔够完善，變數多。咁就冇得撿啦！  當然，搵得到，也未必入得到！咁真個决定著了——聖若瑟英文小學。

CJma

其實我老公對選小學不以爲意，只係看我辛苦，不得不也表示關心。佢認爲，小學好壞能有多大差別，中學先重要。   

CJma

聖若瑟英小interview：

我也係BK上看到，最好父母一起陪小朋友去interview，表示有誠意。但係聖若瑟英小規定只可以一位家長陪同，所以我就讓我老公陪去，也係表示有誠意。還擔心會問家長是否認同教學理念之類問題，所以還逼老公作D準備，替他想了好些問題。結果返來就投訴：首先，都係媽咪陪既，我浪費佢半天時間，其次，冇任何人同佢講野，小朋友在interview時，家長係看唔到既。

我問仔仔interview既情形，好簡單，問了三個問題，廣東話，普通話，英文各一，廣東話問了日常生活既問題，普通話大約係常識，英文問了個好簡單既算數題。
   

Bambi

o甘其實妳而家係咪confirm左聖若瑟英小呀? 好oY呢間學校, 雖然中學到而家都重未係英中, 但至少在小學既英文training唔差, 佢地教IPA phonetic, 唔係間間小學有架. 小學6年內好好讀書, 第日升中唔驚考唔到英中啦.
睇妳講o甘耐, 其實派位都派左1st choice, 都如願啦, 唔係o甘唔好oY!
其實每個小朋友行既路都唔同, 做家長既當然要同佢一齊行, 人地既1st choice唔=適合自己, 問心無愧儘過力就ok.

EstherCheng

好同意 "Bambi" 既講法, 揀學校都有考慮埋自己小朋友屬邊一類. 我仔仔今年K.3喇, 輪到我煩!! 我地呢年仲好大競爭既一年, 真係要步步為營TIM!  

CJMA, 好祈待你既下文呢!!     

cocomama

Dear CJma

What is your final decision?
My son will be P.2 student in the coming Sept.
I can tell U some experiences of choosing school from my son and his schoolmates!

PLK Fung Ching is good school but why don't U select PLK LUK Hing To which has "0ne-dragon system" from primary to seceondary school. Moreover , it is English school! Go to kock the door...........   

easiness

CJma,

請問最後你是否為小朋友選了聖約瑟?  我之前都有為仔仔報了此校, 已且收左佢, 不過最後九龍塘小學又收左阿仔, 所以最後我選了九龍塘小學, 本來一心讓他讀呢間學校, 但是大抽獎又派到first choice, 所以最後兩間都無揀!

yw

hi everyboby,
我好明白CJma的情況，我都和她一樣，原本不太在意有無後備小一學位，直到最後入

EstherCheng

我相信好多家長都有咁既情況...
都係個句, 俾香港政府玩屎....

CJma

easiness,

所以，我覺得我既選校策略錯著。
我聽講仔仔個同學,一早就叩門聖若瑟英小，也收著了, 統一派位跨區派到油天，最終選了油天。
我因爲冇考慮私校，爲求穩陣， 唔够膽博區外的名校。

另一個方面，我真既唔知道應唔應該讓小朋友咁遠上小學？權衡利弊，值唔值得？

easiness 寫道:
CJma,

請問最後你是否為小朋友選了聖約瑟?  我之前都有為仔仔報了此校, 已且收左佢, 不過最後九龍塘小學又收左阿仔, 所以最後我選了九龍塘小學, 本來一心讓他讀呢間學校, 但是大抽獎又派到first choice, 所以最後兩間都無揀!

CJma

cocomama,
我因爲LK LUK Hing To剛轉直資及英文教學，我擔心師資及配套未必即刻可以跟上。

cocomama 寫道:
PLK Fung Ching is good school but why don't U select PLK LUK Hing To which has "0ne-dragon system" from primary to seceondary school. Moreover , it is English school! Go to kock the door...........   

WYmom

It is really a dilemma for parents in choosing DSS as once the DSS accepts your kids, you cannot join the central allocation.  Some private schools also do not allow you joining central allocation. So if apply DSS/private schools too early, it may not be favourable.

ChiChiPaPa

CjMa,

馮晴在將軍澳區，是很top的學校。在BK，很多家長都是比較認識名校區的學校，不知道妳是否已放棄馮睛，還是想再比較一下呢?