小六生好快呈二了, 大家進入狀態未呀?

little_yolky

kin818kin 發表於 18-12-11 14:33
咁無個醒目媽點會有醒目女呀﹗讚埋你係醒目媽，識得提早帶阿女見識下出面的世界
...

其實係EK前輩教既。

佢P4考到15名內之後, 我同佢講, 其實係10名內機會至大D。後來第二年參觀時, 咁啱撞見大師姐, 讀F4了, 佢真係話要10名內至好D, 佢果屆最後既同學真係級10內, 佢自己就級4,所以今次我無講大話。阿女聽到要級10, 所以P5一開始就開衡個turbo。

little_yolky

kin818kin 發表於 18-12-11 14:39
你女好有自制力，無心散。我d 仔女好心散，踢一踢動一動，所以我就想搵間識點拉動學生的學校
...

所以我想阿妹入香島。佢如果入聯中, 鳥語花香, 校舎成條街咁濟, 咁好環境, 你想佢讀書都難。等下個禮拜派成績表, 再同家姐商量自行點揀。佢有同學仔填好喇, 真係快手。

little_yolky

kin818kin 發表於 18-12-11 14:50
我都未到手，你地學校比的意見中唔中肯？

意見？乜意見呀？家長日又無，banding又無, 到時連成績表得個名次咋。 前幾日派咗選校表, 谷入面已經有家長好傍徨了。

little_yolky

kin818kin 發表於 18-12-11 14:59
咁你女學校應該係同我女學校同一個神秘family team........d 學校真係好陰謀，唔比家長知咁多資訊 ...

唔係任佢哋擺佈呀, 佢哋係乜都無做呀。

B1, 都有頭中尾既, 對自行選校嚟講, 相當重要。其實, 我更擔心, 係兩年之後既阿妹..............

little_yolky

IloveJJ 發表於 18-12-11 15:00
點解想阿妹讀香島?香島有乜好?係直資?

係直資, 但初中一個月幾百蚊而已。

香島近火車站, 對我哋呢D跨區好重要, 校風都幾好, 同學仔幾純, 學校功課唔多, 測驗多, 每課教完都有test, 啱晒踢一踢, 郁一郁既阿妹, 而且講明英書中教, 對英文底子唔好既阿妹好重要。而且佢個主科增值指標相當高, 我哋學校B3生都收, 係一所高增值率既學校。

little_yolky

kin818kin 發表於 18-12-11 15:06
仲有兩年米咁早煩啦﹗可能你女會突然開hill 呢

先天下之憂而憂丫嘛 佢想入聯中, 其實今年明顯勤力咗好多了, 問題係勤力咗都反映唔到响D成績度。得科常識、聖經、音樂、視藝高分有鬼用咩。

little_yolky

IloveJJ 發表於 18-12-11 15:01
係咪卷淺所以大家都升先?有無問阿女前後嗰幾個升幾多?

係淺咗呀, 呈一又淺, 呈二繼續淺, 學校老師都相當「nice」。佢個班, 前過佢果兩個, 神人就唔駛理啦, 永遠咁神既, 原來神人原目標係5科100分架！你話點同神人比。另一個都「颷升」呀, 之前同阿女差唔多, 叮噹馬頭, 但今次係標咗去前面, 標前咗幾個港鐵站呀, 阿女就只係行前咗一個巴士站。班入面其他人就唔覺有明顯既升勢, 隔離班就打聽唔到了, 好安靜架。

little_yolky

pypy405 發表於 18-12-12 08:50
5科100分 嘩！ 點讀架

目標, 係目標而已。我當年會考個「目標」夠係4條A啦, 攞唔到之嘛。

不過, 神人都攞咗3科100.............

little_yolky

kin818kin 發表於 18-12-12 09:55
其實係你地老師好，想同學成績表靚靚仔仔

咁又係喎, 平時永遠唔合格D男仔, 今次呈二終於合格, 老師派卷時, 眼泛淚光話：XXX, 你終於合格喇。

little_yolky

IloveJJ 發表於 18-12-12 10:21
果然係神人。
其實你目標係升幾多?

升?! 我目標係保持10名內而已, 無諗過會升。衰D講句, 其實之前從來無諗過阿大可以入到10名內既.......... 奮鬥真係好重要。

little_yolky

kin818kin 發表於 18-12-12 12:16
你地的老師都好感性

呢個唔算感性喇, 佢教咗好耐, 班主任仲誇張, 佢係後生新老師, 佢成日同同學仔講, 同學係佢既仔仔女女。有一次, 班曳仔叫佢：爸爸！班主任...........感動到喊咗出嚟.........................

little_yolky

babycute2009 發表於 18-12-13 08:25
請教我小朋友平時係點樣溫習嫁，有冇補習? 因我小朋友參觀中學後都好上進勤力左，但成績仲退步了，替佢心up ...

小朋友平時咪自己溫習囉。小四開始測考前自己溫熟咗, 由C6同佢考常識、聖經, 其他自己諗掂去。小五前, 只有外籍會話小組堂, 小五開始補數。佢基本上無乜做練習, 不過勁鐘意睇書。