[ IB 2018 Results ] 38->42*名狀元各校分佈 (*last updated: 10/8/20

bobbycheung

mamaishere 發表於 18-8-8 12:19
本帖最後由 mamaishere 於 18-8-8 12:24 編輯

本帖最後由 mamaishere 於 18-8-8 12:22 編輯

大家都知比較 IB 滿分人數(亦即所謂＂狀元＂)係無意思，因為考嘅科目唔同，難度亦唔同，在大學眼中嘅weighting也不同。
大家都知比較 IB 平均分係無意思，因為唔知當中有幾多個同學係攞咗美國大學嘅 unconditional offer 因而hea 住嚟考。
大家都知比較每間學校所得到嘅大學 offer 係無意思，因為叻嘅學生一個人隨時有幾個頂尖大學offers。美國大學更加有 legacy 嘅因素。
大家都知就算全校都係狀元都係無意思，因為人地考滿分唔係等於自己嘅細路都會考滿分。

回想我過去都曾經好熱衷詳細分析及比較各間學校嘅 IGCSE 及 IB 嘅成績，他們嘅畢業生有咩大學 offer 及去邊d大學。目的係希望幫小朋友搵間＂更好＂嘅學校。但當最終轉到自己心目中理想嘅學校時，就發現每間學校都有自己嘅問題，每一間都有好及差嘅老師，正所謂”外邊人睇就頂瓜瓜，裡面人睇就XXX”。最終發覺學生嘅成績係靠小朋友嘅努力(加上屋企嘅支持)多於一切。

bobbycheung

帝非天 發表於 18-8-8 17:50
仔細比較是沒有多大意義，但可給予一個宏觀的感覺，而若有孩子就讀在某學校，那學校近年學生公開試成績如何 ...

這裡講的是比較學校舆學校之間嘅成績。至於將自己子女的成績與其他同級同學比較，我就從來都無做過。因為好少人會話比你知佢嘅成續。唔好話成績，有無去補習或去邊度補習等話題都唔會講。至於學校公開試嘅成績都唔會好詳細。例如幾多人考獲幾多科 IGCSE A* ，又或者 IB 平均分等。但唔講咩科目，變成參考價值大打折扣。我成日覺得將來嘅成績無得預計，因為考試好多時有意外。比較吓Predicted grades 同真正考出嚟嘅成績就知好多時真係無得估。我對子女只要求盡力而為，攞個好嘅Predicted Grades及盡力考好個試就OK。仲有樣野，就係小心以往年嘅成績可以考進甚麼大學來做今年嘅指標。這是個人經驗，例如以2年前嘅IB成績可能可以考入Ivy League，但今年同樣或更好嘅成績就唔得，係因為要考進Ivy League等美國大學這2年明顯困難咗好多好多。

bobbycheung

唔想拗。祝BK各位家長一切順利，後會有期。 :)