英國租車自駕探仔，大家有沒有推薦車公司和相關保險？

kit2004

我剛剛英國探仔回來,租了兩間租車都有不愉快經歷. 去到佢地係冇你初初選既車款.係都要你加錢upgrade.我地初初online選係旅行車.點知去到比架車仔我地. 加gps 同其他加多左180磅.嘈左好耐先話免費upgrade我地部車,比車仔大少少.部車係新但放3個喼都攪左好耐.

到第2間仲衰,其實兩次我都有買全保,去到又係話冇你選既車要你upgrade.因為我地好趕時間check out 我地話唔要.跟住就sell你保險.話同佢買會平過同rentalcar買,叫我地cancel rentalcar保險幫佢買.我地唔想甘煩唔買想即拎車.佢態度就開始衰.專登慢吞吞,我地係1030拎車,玩野話依家1015.跟本攪埋再行去拎車都過晒啦!我地填野續樣問.仲要交車唔同地方要加幾十磅.我真係覺搵苯!仲要行去拎車.最後拎車終於係架旅行車.但都浪費左好多時間.不停sell. 到車場後我地加左gps.初初黑人幫我地整,佢好似唔係好識就搵個白人.架車有gps但相當垃圾同慢. 我地爭拗話比左錢就應該另外有gps.個白人態度就開始衰話要我地適應.嘈緊之際個黑人自己搵左部gps比我地.(佢都算好人) 黑人再試set車本身 gps佢都set 唔到啦!好在多左同我地係比左錢.

佢地好似唔想我地同rentalcar 租車,想直接同佢租同買保險.但銷售手法真令人討厭! 浪費好多好多時間.

kit2004

喧嘩 發表於 18-6-13 06:56
咁差? 你喺rental car租邊度攞車? 我直接hertz 租, 買左全保, 加gps要百幾磅所以我地唔加, 我暑假先去, 都 ...

第一間heathrow 機場Sixt, 其實個女人衰唔晒不過態度差過乜. 最後free upgrape比左架新車我地.因為部車本身冇gps要另加.但入面個charger 後面座位叉唔到. 得前面可叉.攪手部電話又成日冇電所以比佢叉. 所以我冇開google map.要開5,6個鐘電話一定冇晒電. 但車個gps我係台灣用過係ok. 我地2大一中喼.攪好耐先放到,成頭汗又浪費時間!嘔血

第2間係london king cross 叫easirent,呢間就真係衰到冇人有,比說話我地聽.我英文講唔叻但我識聽囉! 跟住攪手話佢都唔想係rentalcar comment寫甘多野先收聲. 佢隔離果個人都知衰對我地都有d禮貌.


係網比晒車型你睇都唔係果回事,全部都冇,旅行車變車仔真係嬲架!


不過錯有錯著,我地係sixt架車唔太大唔係旅行車, 我地去cornwall, famouth 同上山頂,原來係好窄既路,全部都係,單程路雙線行車.成個田園,山都係,揸大架d都好煩. 真係好貼. 又真係租岩車.


到旅行車係車呀仔回校,而放喼就好好多啦,打橫打棟都冇問題,舒服好多.


買全保點都安全d. 但以後都係自己買個gps,費時比人禁住搶. 又怕唔識用人地果d同垃圾gps.

kit2004

TKSMOM 發表於 18-6-13 11:31
回覆 喧嘩 的帖子

早幾年去英國玩，經Hertz租了車，收車時已經覺得那車很差(大大小小花痕十幾噠，又有輕地 ...

所以拎車時一定要check,我錄影同影相,有花痕同佢講同叫佢mark低.