請問應選擇 IB 還是 A Level 課程？

nintendo

a_for_apple 發表於 18-3-27 13:23
小朋友專注力弱，唔鐘意做功課，特別係要寫字嘅功課，好唔鐘意寫字，串字默寫能力弱，嚟緊升中，有考慮轉 I ...

其實都五六年班，除非有學習障礙，做功課應該是學生本份，唔鍾意也要做。
事實，上到中學，國際學校也會開始有較多功課。
其中，IB 是最多 written homework / project ，但即使英美加澳的課程，如果英文文筆唔好，唔喜歡寫作，一樣冇運行。
考插班國際學校中學，首先要能說流利英文，部分學校的 admission written test 都好難。
以你形容你小朋友的情形，恕我直言，好大機會考唔到，
但如果堅決試，都可以試考新學校，到時考到才打算。

nintendo

a_for_apple 發表於 18-3-27 22:32
Thx Nintendo! 我知道 IB 多嘢寫，但我預測到佢唔會過到 DSE 中文科，身邊有啲讀國際學校嘅朋友都覺得阿仔 ...

我唔知你朋友係真心，定只係講客套說話，但讀唔掂 DSE ，以為去 IS 就得，似乎將問題簡化了。要看清 "因" 和 "果"。
不喜歡做功課，是目前的 "果"，你要看清到底 "因" 係是 dyslexic ，定只係懶，
轉去 IS ，"因" 唔會消失，所以佢可能仍然有唔做功課這個 "果"。另外，你估佢留在 LS 過唔到 DSE 中文，但解決唔到前面的 "因" ，根本讀任課程，何科都可能唔合格。
去到 IS ，英文差少少，唔單止過唔到英文，可能其他科都過唔到。
以 IB 為例，Math 不是只計下數，係有一份大功課要寫論文。
入大學，一係睇公開試，一係睇平時分，IB 就兩方面都計。
解決唔到 "因"，做功課測驗考試都難有好成績。
講好聽的說話好易，反正唔係我個小朋友，點你行咗一條路，六年後有乜結果對我冇影響。

nintendo

a_for_apple 發表於 18-3-28 10:18
多謝意見！朋友意思係有啲 SEN 去到 IS/外國，遇到啱嘅教學方法，好嘅老師，都讀得好好。反正 DSE 一般學 ...

已經確定是 SEN ?

唔知你朋友的經驗，但我兩個仔女已經入了大學，以我個人經驗和觀察，我就唔會太美化 IS 或西方教育。
西方教育和香港式教育，主要不同是理念，幼教和小學教育模式分別最大。
我個人反而認為，如果是 SEN ，小學就入 IS 會得著最大。
上到中學，尤其高中，IS 都係分科教，個個要坐定定上堂，功課測驗考試也要求高。
分科科目老師有課程要跟，一班人數係少，但也二十幾三十人 (有些學校可能一班十幾人)，
點都冇可能有多餘時間處理個別 SEN ，一定全班照跟住教，最多容許個別 SEN 學生遲三幾日交功課。
SEN 個案可能交比 home room teacher 或 consellor 處理，但主要也只是和家長溝通，課程也要跟著行。
聽過有某些 SEN 服務是要另外付錢，其實也公道，IS 是私校，不可能大鑊飯要全校學生分擔 SEN 的開支。

建議你去做 school visit ，了解下學校有多少 SEN support 。