又係衰英文科。。

eviepa

只大量練習而唔閱讀，只有死路一條

eviepa

little_kid 發表於 18-3-26 14:34
做英文閱讀理解當閱讀。佢只喜歡看中文書。

做英文閱讀理解只可以講係好過無，不過同標準閱讀功效差太遠嘞。

eviepa

回覆 1998Ruby1998 的帖子

//小朋友有好多野唔鍾意添，做家長咪一樣迫到佢做。你要佢做，實有辦法的。//

細路仔有幾多個唔係畀老豆老母迫去做呢樣、做嗰樣吖？迫唔到根本係藉口。

eviepa

assado 發表於 18-3-27 05:00
英語要浸, 冇捷徑, 如初小打基礎吾好, 高小要準備呈分, 更加冇時間。 英文吾好, 中學更難追上。
...

唔知點解，我個女幾時都咁得閒，初小好得閒，高小準備呈分試都係咁得閒，高中喺佢讀嘅band 1中學文科班考第一都係咁得閒咁考入大學。

點解佢咁得閒？其中一個重要原因係佢細細個就唔做近乎無用嘅練習，將時間放嚮有好大用處嘅閱讀上，一早就打稳中英文根抵。到中學面對住做大量練習、小量閱讀嘅同學根本就無得揮。

eviepa

retriever 發表於 18-3-27 12:41
做閱讀理解當閱讀，咪就係唔WORK 囉。

閱讀理解同純閱讀效果相差太遠

eviepa

kwokbobo 發表於 18-3-27 12:53
借請問係咪中文都是一樣道理呢?因小朋友唔好鐘意睇中文書

都係一樣

eviepa

yovin 發表於 18-3-28 06:47
41褸#細路仔有幾多個唔係畀老豆老母迫去做呢樣、做嗰樣吖？迫唔到根本係藉口

睇到呢個貼 ，真係有啲激氣: ...

妳第一日識我咩？妳肯定知道我教女方針同埋宣揚嘅方法係「愉快」同「有效」。

eviepa

我喺EK講過好多次，個女讀中小學時，佢每月放學後都享有幾小時自由時間玩樂，夜晚我會強廹佢閱讀半小時至四十五分鐘英文。之後係上床講故事、講通識、傾閒計。

eviepa

如果對「強迫」嘅定義夠寬鬆，當年我每朝都會強迫個女由夢鄉起身番學。

我係一個自由主義者，深信如非必要，否則唔好管仔女任何野。

不過作為家長，無可避免地有時要管束一下個女，管束就係強迫佢做唔願意做嘅嘢。如果家長永遠唔管束、永遠唔強迫仔女做佢哋唔願意做嘅事，呢D家長叫做唔負責任。

eviepa

我個女讀小學時唔駛做練習唔駛補習，老豆仲同佢揀咗間好少功課做嘅小學。佢有大量時間玩樂，包括享受中文閱讀嘅樂趣。我只係要佢每晚做少少佢唔係幾鍾意做嘅英文閱讀。咁嘅生活，睇怕好多细路都羡慕不已。但係就因為咁，佢嚮小學已經打稳中英文基礎，中學條路就好行好多。

eviepa

我成日慨嘆，家長每日都強迫仔女浪費大量時間去做無乜用嘅練習同補習。真正固本培原，而且較為無咁辛苦嘅閱讀就話迫唔到！

eviepa

cara.mak 發表於 18-3-28 23:52
請指教當大量閱讀書籍同時，應如何叫小朋友不要一味只看故事情節，如何引導她看文筆及文化呢？
...

和妳想像的剛好相反。正確的閱讀方法是鼓勵孩子「一味只看故事情節」，只要孩子覺得故事有趣，就會專心一致、樂此不疲地看書，自自然然會學到生字、學到語感、學到書中的內容、文化。
相反地，硬要孩子將閱讀重心變成了解書中高層次的東西只會大大降低閱讀趣味，閱讀成效會大大下降。

eviepa

可是，很多小朋友未必有興趣看很多英文書，這也是事實。對於這些小朋友，其實只要有辦法教好文法，生字方面有背到常用的日常詞彙，然後作文但求作到一篇文法少錯誤、不華麗但思路完整、通順的文章，要爭取中上成績也是可行的。//

老老實實，我喺中大畢業，識得好多中文中學畢業考入中大嘅精英。我唔係每一個呢D背景嘅同學都清楚晒佢哋點樣讀書、英文程度點，但最相熟嗰批中中生同學，無人經過大量閱讀，但係全部都經過大量文法訓練。結果係點？無一個嘅文法程度同寫作能力同我嗰個用咗非常少時間喺文法上、都係讀中中嘅女有得揮，而且仲係輸足九條街嗰種輸法。

我個女就係無興趣閱讀英文書嗰類人，但我要佢每晚閱讀。

無大量閱讀根底，學文法、學寫作，談何容易？

eviepa

我响過去十幾年，曾經多次呼籲，如果任何網友認識只做文法而無乜閱讀(閱讀包括英文教科書，但唔包括閱讀理解練習)嘅人可以有高強嘅文法能力同寫作能力請同大家分享吓。不過直到今日，一個個案都未見過。

eviepa

tkinwong 發表於 18-3-29 08:07
所以你個女係最叻那位，至於其他同學，相信也應付到大學的語文要求。

我讀嗰系主要用中文學習，所以無問題。但如果要用英文學習，佢哋绝大部分都有好大困難。但當然，佢哋都係當年top 5%嘅學生，一定可以克服到語文障礙。
英文最差嗰個師兄，到中幾先至識哂二十六個字母，中大面試時連一個鬼佬教授講嘅簡單英文都完全聽晤明，幾乎因此入唔到U。

eviepa

little_yolky 發表於 18-3-29 09:18
有閱讀同無閱讀習慣當然不能比較啦。.............不過, 好surprise原來你當年都有迫阿女的..........:happ ...

我十年前經常講我女兒不喜歡閱讀英文書，講得太多後來少講了：

《為興趣而讀書，上上之策》
https://www.edu-kingdom.com/forum.php?mod=viewthread&tid=2621266


//女兒學習總結

在英文這一塊，主要因為沒有在幼稚園時把握機會開展英文閱讀，所以女兒達不到leisure reading這理想境界，與網上英文列強相距甚遠，是小弟教女的最大失誤。在此亦在此恭喜那兩位網友神級英文的女兒，我對他們又羨慕又妒忌。

我女兒DSE讀七科，其中兩科是從興趣驅動，亦可算是難能可貴，人生總會有不完美。//


正如妳所講，有閱讀習慣當然把無閱讀習慣的比了下去。雖然我女兒英語程度在自幼閱讀的孩子當中差不多是最弱的，很諷刺地卻在她讀的中文小學、band 1中文中學英文名列前茅。

我很清楚知道要培養孩子閱讀興趣，但她沒有興趣我可以怎辦？我沒有一個有信心的答案，當年亦沒有高人能夠提出有效解決方案，於是英文伴讀就持續了整整十年。還好，我視伴讀為樂趣，付出是值得的。不過，我相信這個問題並非不能解決的，日後肯定有一些高人提出建設性答案來解決這問題。


沒有閱讀興趣，伴讀起來自然要留意女兒的神態，看看是否在閱讀了。