如果本身是Christian, 會否讓小孩讀天主教學校?

Charlie妹

我本身是Christian, 小孩正返基督教學校，星期日一起返基督教教會。最近心儀一間天主教學校，主要是課程比較吸引。但我內心有點矛盾，因為始終兩教派有些分別。有家長有類似的掙扎嗎？或應該讓小孩自己選擇宗教? 先謝謝各位意見。

tkinwong

我讀天主教學校長大，天主教小學每天會念聖母經，也會教天主教的聖經，包括「聖母」、「聖人」這些基督教反對的說法，你反而要問下自己是否接受到。

1998Ruby1998

我領洗左基督教，小學前有返教會，大抽獎入左天主教學校，讀左 12 年。

其實又冇咩特別衝突，只不過係念經同讀聖經果陣有 d 奇怪。天主教讀到「免於兇惡」，就「亞孟」。基督教就會讀「因為國度、權柄、榮耀，全是祢的，直到永遠。阿們」。

d 人名唔同都會（耶和華->耶穌，出埃及記->出谷記，雅各->雅各伯，彼得->伯多祿），如果要考聖經的話，會辛苦少少，有機會寫錯名。

天主教冇崇拜，叫彌撒。

不過都好快習慣左，之後去返基督教教會，反而唔記得曬 d 基督教名稱同禱文。學校照返，教會照去，就當宗教多面睇。

fatchoibaby

放心啦
我本身十六歲基督教受洗
偏偏監護人係外國某知名神父
出入修道院同基督教會
你會發覺即使宗教不同但你可以欣賞人格

LittleButter

我們一家也是信基督教的，一家四口每個星期日也是返基督教的教會。大女就讀天主教女校，現在P3。我們發現問題不大喎！當然真的有少少名稱不同，但是我們一早已經告訴女兒，而且每晚睡覺前仍有講聖經故事的時間，以及一起祈禱。暫時仍不覺有什麼大問題呢！

bobbob

tkinwong 發表於 17-11-19 22:51
我讀天主教學校長大，天主教小學每天會念聖母經，也會教天主教的聖經，包括「聖母」、「聖人」這些基督教反 ...

唔係間間要念聖母經同天主經，起碼我以前讀嗰間唔駛，聖經科都係聽下聖經故事，無乜嘢令人反感

bobbob

1998Ruby1998 發表於 17-11-19 23:08
天主教讀到「免於兇惡」，就「亞孟」。基督教就會讀「因為國度、權柄、榮耀，全是祢的，直到永遠。阿們」。

嗰幾句係新教後加，天主教比較古老所以無加響聖經度

silvia_ng

我天主教，但比呀女讀基督教，個仔讀天主教學校，我個人冇咩所謂，信仰種子，天主會安排。

Monstereasy

bobbob 發表於 17-11-20 00:33
唔係間間要念聖母經同天主經，起碼我以前讀嗰間唔駛，聖經科都係聽下聖經故事，無乜嘢令人反感 ...

一間間，有部分聖母月聖母巡遊，唸玫瑰經，可能有部分基督徒難接受少少。

MrBeast

不是同一個神嗎？真的要分咁細？不如問下神父

bobbob

MrBeast 發表於 17-11-20 12:45
不是同一個神嗎？真的要分咁細？不如問下神父

我經驗係通常天主教徒flexible啲，新教徒好多時連拍拖都要揀教友，如果要結婚一定要對方入埋教先可以響教堂行禮

Monstereasy

MrBeast 發表於 17-11-20 12:45
不是同一個神嗎？真的要分咁細？不如問下神父

我天主教，個仔就基督教學校，我完全無問題，同一個神，不過，身邊基督教朋友睇法一般有分別。

MrBeast

bobbob 發表於 17-11-20 12:49
我經驗係通常天主教徒flexible啲，新教徒好多時連拍拖都要揀教友，如果要結婚一定要對方入埋教先可以響教堂 ...

同感，我都有些基督親友連重陽清明都唔去拜，其實都只是民間傳統習俗，anyway, lei d topic 敏感，我都是b 咀為妙

retriever

Charlie妹 發表於 17-11-19 22:34
我本身是Christian, 小孩正返基督教學校，星期日一起返基督教教會。最近心儀一間天主教學校，主要是課程比 ...

天主教FLEXIBLE D。

所以反而是你是否能接受天主教禮儀，或你細路行這些禮儀。

主要係敬禮聖母，同聖人等。

bobbob

Monstereasy 發表於 17-11-20 12:44
一間間，有部分聖母月聖母巡遊，唸玫瑰經，可能有部分基督徒難接受少少。
...

咁我以前嗰間修女學校係非常之hea囉
講開又講，基本上基督徒係泛指所有基督宗教教徒，所以我會用基督教徒或新教徒嚟指信奉基督新教嘅教徒

貝珠

我識有d天主教徒，專登擇日鬧刀生仔，相信命理風水都有，flexible 到一個點....

Monstereasy

貝珠 發表於 17-11-20 13:20
我識有d天主教徒，專登擇日鬧刀生仔，相信命理風水都有，flexible 到一個點....
...

以前讀大學，教授有講過風水其實可以係古代環境學，而命理星相某程度上係統計學同天文學。如果跟古籍，其實唔係神怪論，不過後人將理論神化。
不過，太離題，而話題太敏感。

Franceschingyi

silvia_ng 發表於 17-11-20 12:33
我天主教，但比呀女讀基督教，個仔讀天主教學校，我個人冇咩所謂，信仰種子，天主會安排。 ...

我也是天主教徒, 仔仔剛收到聖公會聖三一堂小學OFFER, 入基督新教會學校我們都完全無問題, 相信一切天主自有安排。

1998Ruby1998

回覆 MrBeast 的帖子

母校最鼓勵人地拜山尊重先人

TsurugaRen

I have the same problem here. I am Christian and my child just got offer from a catholic school. I think it is still okay for primary school as they will only cover stories from the Bible. But the differences will more obvious in secondary school where the religious studies class may cover theology concepts in a deeper level.