*急*升小二想轉校,選崇真,崇真国際定聖母好?或有無建議?

tsmum

Baby_zoe ,

我想你囡囡是對學校某方面有不滿或有她說的緊張情緒或太悶或是其他原因,因此會在學校有暫時失憶,舉筆又寫不出字來又或是怪異的行為的問題,這也許是她情緒上本能的抗議表現. 一間好學校并不代表適合你個女,特別是重讀,面對自己的同學全升班,見到佢地都覺得自己好醜(我細時成績好,但因年齡太細被安排留班,痛苦了很久,很憎恨學校),要重讀就不如轉校. 而且間學校雖好但紀律嚴, 加上主任和老師對你囡囡有負面的印象,不是在此校重讀就可以解決到問題. 說真一句, 政府的評估結果,不可能即時幫到你解決囡囡的問題. 評估結果只可以讓你了解囡囡各方面的能力而做針對性的治療和能力的提升. 這是需時的.

如果在家什麼都識,只是在學校不肯表現, 這樣就要讓她留級嗎? 你應是最了解自己個女的人, 你認為她在家o.k., 那為什麼要她留級? 你可以和囡囡探討一下她理想中的學校.  我為囡囡選校是以她標準以主. 我囡囡現在很享受她的校園生活.她曾被評估評為遲緩,後來轉了兩次學校,她現在在學校是全級第一,最主要是因為她享受學校生活,受老師注意和老師有愛心. 所以慢慢增強自信. 你可否找一些學校傾一下你囡囡的問題,看看學校對這類學生是否有support? 再決定去留可以嗎? 認為找到合適的才退學亦可? 多了解其他學校未免不是件好事!

我的意見很主觀, 供你參考!

babyhowie

其實你囡囡過去一年已經話學校教d野好悶，
如果要佢repeat，可能情況更壞。
另一方面，如果真係有學校肯收佢讀P.2，
咁或者真係不況一試。
其實觀塘去沙田都唔係好遠o者，
搭校車，經大老山一出一入都唔洗半個鐘，
你不況趁暑假同囡囡一齊走訪多幾間學校再決定。
最緊要個小朋友鍾意間學校，同讀得開心！

我女小一攪珠入唔返佢讀幼稚園個間小學，
兩年黎係另一私校一直讀得唔開心，
放襯學校假都要返舊校探老師，
好彩佢成績好，小三終於可以插班去番心儀小學。
小朋友可以係一間適合佢o既學校讀書好緊要，
效果亦好唔同！

我細個讀書個陣，都可以因為唔鍾意個老師而次次唔及格，
相反，同一科另一位老師教，只要我喜歡，
我可以次次100分，真係唔到你唔信！

Good luck!!

Baby_zoe

各位心靈雞湯,

今日,班主任約見,卒之同個女一齐,同時見校長,班主任及英文科老師.

原因當然係傾留班問題,她們態度很有誠意及友善,解釋比小女聽要佢留班原因,好細心解釋个女知佢唔寫嘢,轉去其他学校的後果都會一樣.個女由極不情願留班变為非常願意.

校長仲特別安排个女跟番依家个班主任同英文老師,話所有英文書會轉出版社,叫佢唔駛怕重覆再学過同一樣嘢.
之前鬧得最勁个英文老師態度亦非常好,佢地摸通咗个女性格,都知對佢要多讚賞, 見第三个term係有改進.但大家都覺佢寫始終係好弱.

个女都OK,阿媽一定支持!


今日,真係＋萬个意想不到,未見之前仲以為想游說我幫个女轉校tim.

Charitymami

Bady_zoe,

我想學校都是有教無類的。

既然學校, 老師都願意配合, 和囡囡亦自願留低, 總要比轉校重新適應環境都好得多。

希望新的學期, 囡囡都有新的開始。

babyhowie

咁米好囉！既然學校咁有誠意，
就俾多次機會大家啦！

Good luck!!   

Fanny_Lee

由學校D行動,令我對呢間傳統教學嘅學校"另眼相看", 冇咩學校可以自我檢討教學法,而肯作出適當安排,去幫助特別嘅學生. 尤其係個英文MISS, 因為我見過有d先生,完全接受唔到自己教學係唔啱某d學生,重話係d學生問題....

Anyway, 可喜可賀    

virgokaren

最緊要係大家都願意！
希望你下學期報告好消息過我地知！

反正你囡囡只是P.1，仲有大把時間....追.....
祝
快樂！