小一 英文串字

tommyxsarah

小女準備上小一
平時有去開學phonics
老師同我講 佢識讀 但叫佢寫返 10 個都無一個岩

今日第一次自己試下同佢做下串字 結果 一樣

點解佢完全無概念 人地叫佢讀就讀 讀完又寫唔返出黎 比時間佢記 轉頭都係唔識 寫唔出

P.s 佢可以講好流利既英文

唔通學習障礙？？？？？我可以點幫佢定太細 唔洗理住？？？？

1998Ruby1998

我個補習師妹都係咁，升小二，佢媽媽話幼稚園已經去唔同中心學
Phonics，學極都唔得，學到班導師都放棄。

佢讀係冇咩特別大問題（最多都係 “th”發音要堂堂教），但係就串唔到字，stamp 可以串成 smtap、snail 可以串成 smale，真係如果唔夠耐性，會好容易發火。佢成日都話「我聽唔到有呢個音」。

我唯有整 phonics 工作紙畀佢做（Grammar 個媽媽話去 Centre 學，分擔重任），做做下，唔知係咪有效果，定係佢落堂之後媽媽背後發功同佢溫書，叫佢做 multiple choice－which option has the correct spelling，佢竟然可以全部正確，完全唔洗諗、猶豫，仲好大口氣咁話「Easy 啦！」（聽到佢講呢句，我真係好開心）。畀佢望兩眼，programme、peanut、weak 都可以獨立串到。當然，每堂串嘅字都係同一個／相似發音，例如 ea、ee，ai、ei。

我都有幼稚園補習妹妹準備要考 Starters，講野好叻，但係就認字差，唔識串，一落水即穿煲，有 d 字教極都讀錯。上堂就同佢讀 Osborne 書（落堂讀畀媽媽聽，有貼紙獎勵計劃），依家認字認到好多，thought、said、didn't、harp、woodcutter、prison、promise 都認到。串字就麻煩少少，要成日搵辦法幫佢記。拆字（Man-go、r-ice、to-ma-to）、唱歌、打拍子都有。例如 “O' McDonald plays music, p-i-a-n-o”、Twinkle Little Stars 音樂唱 “C-o-c-o-n-u-t, o-r-a-n-g-e-s。佢對音樂幾敏感下，資質 OK，所以成效唔錯，一堂串到 8-15 個字（至於可以記到幾耐就莫論 ，細路仔係要日日提點同溫故知新）。

辦法總比困難多，條條大路同羅馬，只係時間嘅問題。唔知你每次畀時間佢背，係有幾多隻字？我每次都係 3-5 個，視乎難度。
趁依家仲係升小一，種種方法都要試。暫時以你嘅陳述，我地外人好難評估到底係咪有學習障礙，50/50 估估下。貼紙獎勵計劃以小女孩黎講係一個唔錯嘅方法（我個妹妹獎勵夠 50 個貼紙可以去食自助餐，佢幾貪食所以 work）。

lui

tommyxsarah 發表於 17-8-14 23:41
小女準備上小一
平時有去開學phonics
老師同我講 佢識讀 但叫佢寫返 10 個都無一個岩

本帖最後由 lui 於 17-8-15 06:33 編輯

首先，學phonics 應該系同時學到blending , read and spell.冇理由只系識讀唔識串。你自己跟。26個基本音一個syllable 的開始。有d字要食記冇得併就同佢講明。之後magic e (好多字系magic e), 之後再有vowel digraph.雙同音但唔同串法eg meat , meet .
升小一人仲唔理就太遲，另可以請佢每曰寫好短的diary.可以practice d常用字。當然要睇下書啦

retriever

lui 發表於 17-8-15 06:32
本帖最後由 lui 於 17-8-15 06:36 編輯

本帖最後由 lui 於 17-8-15 06:33 編輯

嘩，你要求都幾高喎。

lui

retriever 發表於 17-8-15 07:47
嘩，你要求都幾高喎。

你意思學phonics 要學懂blend , read and spell 要求高？如果系只糸大家俾坊間的centre fool 左啫。

shadeslayer

1998Ruby1998 發表於 17-8-15 00:24
我個補習師妹都係咁，升小二，佢媽媽話幼稚園已經去唔同中心學
Phonics，學極都唔得，學到班導師都放棄。
...

Snail -> Smale 有可能係老師發音問題。

1998Ruby1998

回覆 shadeslayer 的帖子

我又唔覺得自己發音連 m 同 n 都分唔到，我講埋「蝸牛」呢個中文字架啦，分別串左 small、stial、spilm

retriever

lui 發表於 17-8-15 08:06
本帖最後由 lui 於 17-8-15 08:13 編輯

你意思學phonics 要學懂blend , read and spell 要求高？如果系 ...

phonic D rules 應用，仲有小一每日寫日記。。。

一天半天唔難，每天不易。

tommyxsarah

多謝您既建議

小女正正就係呢個問題

我以讀書細個根本無學拼音 死串死記一個字

諗住比女女學拼音 等佢易d 記

點知學左3 年好似仲大獲 好多好簡單既字

讀就識讀 串就係錯曬

我見佢寫得好辛苦 諗左好耐 拼極都拼唔到出黎

例如 :

Fish 寫左fesh
Teeth 寫左 Teth
Peach 寫pich
teach 寫tich
Out 寫 uto
There 寫唔出


正正係您講既middle sounds 既e ee ea ei ai i
果d搞錯曬

我認我自己係放曬手 因為平上幼稚園老師 同centre 老師都話佢英文top 係above average 以上& top 果批 所以無咩點理

琴晚我真係大受打擊

而我既phonics 真係有限公司

我會加緊同佢練習下 希望可以有進步

多謝您 推介您既Osborne 書 會好好做拌讀娘

tommyxsarah

retriever 發表於 17-8-15 07:47
嘩，你要求都幾高喎。

我自己都唔係好有要求既人

但我都認同小一 唔開始理 幾時理

幼稚園都玩左3 年唔通hea 到呈分先黎緊張

lui

retriever 發表於 17-8-15 09:04
phonic D rules 應用，仲有小一每日寫日記。。。

一天半天唔難，每天不易。

講開又講，原來幾多幼稚園k2/3要寫中文或英文日記，我女冇。以前我覺得冇謂。但其實系我們覺得冇可能。唔糸冇可能。每日少少，10個20個字不難，但系個開始。有用！我女依家寫緊，除左diary佢日光日白也寫野,自己整ticket寫字，boarding pass呀。佢地用得多就憧。remember 少少長都可以寫。我同佢溫phonics.已經不是一般。我玩埋puzzle ( across and down)同analogy synonyms

tommyxsarah

lui 發表於 17-8-15 09:16
講開又講，原來幾多幼稚園k2/3要寫中文或英文日記，我女冇。以前我覺得冇謂。但其實系我們覺得冇可能。唔 ...

中文日記就有
英文無呀 平時幼稚園英文抄抄寫寫 又唔洗默書 串字
所以我先一直發現唔到佢呢個缺點

您勁呀 好比心機教小朋友

retriever

lui 發表於 17-8-15 09:16
講開又講，原來幾多幼稚園k2/3要寫中文或英文日記，我女冇。以前我覺得冇謂。但其實系我們覺得冇可能。唔 ...

好似有D 女校幼稚園，已經寫周記。

不過我覺得困難在於每天，同埋固定形式。

我細路平時畫埋D 無謂野，但要每天既定形式唔知女仔係咪易跟D？

lui

tommyxsarah 發表於 17-8-15 09:11
多謝您既建議

小女正正就係呢個問題

如果上左三年，你應考慮不要再上。自己教。
你個女未分到short vowel 同long vowel 所以i寫左ea .or e 寫左ee.

lui

tommyxsarah 發表於 17-8-15 09:29
中文日記就有
英文無呀 平時幼稚園英文抄抄寫寫 又唔洗默書 串字
所以我先一直發現唔到佢呢個缺點

咁發現到就行動了，還有時間！我女也升小一，不過我要攪中文多d

retriever

tommyxsarah 發表於 17-8-15 09:11
多謝您既建議

小女正正就係呢個問題

PHONIC 係幫細路記個字，或者估。

字母對字母對番個字出來，要準確我諗唔係咁。

要本來對個字有印象，再靠個音估估下。

lui

retriever 發表於 17-8-15 09:30
好似有D 女校幼稚園，已經寫周記。

不過我覺得困難在於每天，同埋固定形式。

學校就既定，自己可以改既。用畫紙用彩紙。教下寫野可以有好多種，不一定平舖直敍悶到暈。可以寫某小小，深入既。又可以寫感受。或者發下白日夢。可以寫menu。

lui

retriever 發表於 17-8-15 09:35
PHONIC 係幫細路記個字，或者估。

字母對字母對番個字出來，要準確我諗唔係咁。

佢個case不是因為冇記憶問題。如果meat 串meet冇問題，併是對的。佢個case系攪錯音。
Fish i short vowel mix up e open syllable 的音。

1998Ruby1998

回覆 tommyxsarah 的帖子

學左 3 年都咁！其實係咪 Centre 唔得？ 依家出面咁多唔同 Centre，要搵第二間唔係難事。
我個升小二嘅妹妹就係同樣分唔到 long short vowels，好大機會係自己讀得唔字正腔圓，誤導自己。唯有工作紙有一部份係要分長短 vowels（其實就係要佢睇住隻字，留意有咩唔同串法），依家好左 d，當然 ea、ee 因為大部份情況下發音一樣，所以會有困難。不過已經好好，冇再搞亂 i 同 ee。我母校又唔教拼音（少之又少），更莫論 IPA 等等，但係英文又教深一年，所以好多字串唔到，Science 科更加唔合格。佢媽媽話真係畀佢激死，最慘係佢唔敢試、怕錯、記憶又短、眼力又差，可惜佢自己打工，完全冇時間教。

話說剛剛同個幼稚園妹妹上堂，串動物名，用「兒歌串字」方法幾有用，串到 12 個，包括 giraffe、chicken、horse、sheep、mouse（佢有睇米奇妙妙屋，所以識串）、spider、hippo 等，到落堂都仲唱到。你都可以試下呢個方法。

little_yolky

1998Ruby1998 發表於 17-8-15 10:22
回覆 tommyxsarah 的帖子

學左 3 年都咁！其實係咪 Centre 唔得？ 依家出面咁多唔同 Centre，要搵 ...

其實, 又有D係因為有部份小朋友係唔聽人講嘢的, 即係俗語話：左耳入右耳出。我家阿細係咁, C6係咁, 連工人都係咁。

又有D小朋友, 係理解唔到就理解唔到, 就索性死抄, 好似我阿大咁, 佢唔識, 唔明, 咁就索性抄識佢。然後大大下, 見多咗, 依家就識了。