蔡司成長樂鏡片載左有冇真係減慢近視加深?

bestwish

蔡司成長樂鏡片載左有冇真係減慢近視加深?

有冇JM小朋友載緊, 效果點樣?

我囝升小三, 半年驗一次眼, 上次加深左100, 今之加深左50, 已經300度近視了。

想睇下蔡司成長樂鏡片會唔會真係幫到減慢加深速度。

多謝分享

bobbob

bestwish 發表於 17-8-2 15:58
蔡司成長樂鏡片載左有冇真係減慢近視加深?

有冇JM小朋友載緊, 效果點樣?

我仔戴過但無乜用，佢睇嘢習慣唔好，近視仍然會加深得快，所以想減慢首要係改習慣。

bestwish

bobbob 發表於 17-8-2 16:27
我仔戴過但無乜用，佢睇嘢習慣唔好，近視仍然會加深得快，所以想減慢首要係改習慣。 ...

現在冇用?

queeniewingchow

bestwish 發表於 17-8-2 16:52
現在冇用?

我個仔小二開始帶成長樂，小一嘅時候每半年check一次眼，個次淨100度，即係一年就200，帶左之後就每年加深差不多100度，視光師都話對我個仔有用，其實每個人嘅效果都唔一樣嫁。不過我都係想控制得再好d, 研究左好耐，最終決定用埋藥水，即係Atropine,初初醫生開0.01%濃度，半年都有加25度，跟住轉用0.02%，1年半都冇加深過喇，你可以試左鏡片先嘅，因為個個媽媽都係想用最安全嘅方法麻，但係就要等羅，要跟進9個月先知有冇效，如果冇效，到時又會加深左，希望幫到你啦～

bestwish

queeniewingchow 發表於 17-8-2 17:21
我個仔小二開始帶成長樂，小一嘅時候每半年check一次眼，個次淨100度，即係一年就200，帶左之後就每年加深 ...

謝謝你呀! 你仔同我仔情況一樣wor。

你禁大膽用眼藥水。 視光師都講過。 不過真係唔敢用。

retriever

bestwish 發表於 17-8-2 15:58
蔡司成長樂鏡片載左有冇真係減慢近視加深?

有冇JM小朋友載緊, 效果點樣?

剛去過專科眼科醫生既講座。

佢話除左藥水同OK 鏡，其他淨帶 矯視鏡，係無用的。

queeniewingchow

bestwish 發表於 17-8-2 17:29
謝謝你呀! 你仔同我仔情況一樣wor。

你禁大膽用眼藥水。 視光師都講過。 不過真係唔敢用。

無辦法。我個仔小二已經4百幾5百度，唔試都唔得，再繼續加落去，去到10歲都過千度，隻眼一樣會有好多毛病，所以咪試羅，其實藥水用0.02%瞳孔只係放大左少少，唔係完全發大。而ok鏡呢…我初初想試嘅，但係我個仔隻眼好敏感，不停斬眼，同埋停左其實好多case都係有反彈，所以決定唔試羅。我其實每年都去睇兩次醫生，又會去理大見視光師兩次，又會去眼鏡88見果度嘅視光師幾次(跟進成長樂鏡片)，真係好攞命嫁，身心疲倦~其實你問視光師呢…一般都會叫你試ok鏡，問醫生呢…多數叫你滴藥水。

queeniewingchow

bestwish 發表於 17-8-2 17:29
謝謝你呀! 你仔同我仔情況一樣wor。

你禁大膽用眼藥水。 視光師都講過。 不過真係唔敢用。

溜左講~成長樂鏡片唔講可唔可以減慢加深嘅速度，阿仔未帶之前做功課，睇電視，睇書隻眼都會好易累，會出眼水，帶左成長樂就冇喇，仲話睇野隻眼冇咁累，唔好猶疑喇，快d決定試邊個方法啦～

bestwish

queeniewingchow 發表於 17-8-2 18:49
溜左講~成長樂鏡片唔講可唔可以減慢加深嘅速度，阿仔未帶之前做功課，睇電視，睇書隻眼都會好易累，會出眼 ...

你囝真係好深wor

MMVV

queeniewingchow 發表於 17-8-2 18:44
無辦法。我個仔小二已經4百幾5百度，唔試都唔得，再繼續加落去，去到10歲都過千度，隻眼一樣會有好多毛病 ...

以我所知近視因為眼球拉長，其實近視眼藥水會控制眼球拉長嗎？

mimi222shi

用過一年0.01眼藥水, 好怕光/瞳孔放得好大(醫生話佢好吸收藥)/睇野有模糊, 近視有加深.
頭半年加深50度, 後半年加深125度.
我感覺係副作用有齊, 但控制唔到近視.(醫生話有啲完全沒有加深)

眼球長也和高度有關,高得快加深得好快

marie12345

蔡司戴過無用，現開始戴矯視鏡，减到度數但要戴多年，期間要成日keep住check眼。

mimi222shi

之前覺得矯視鏡風險大, 加上超級敏感眼, 在沒選擇之下試了, 暫時沒有加深過.
但首要係小朋友要肯試/注意鏡片清潔/定期驗眼.

bestwish

mimi222shi 發表於 17-8-3 11:42
之前覺得矯視鏡風險大, 加上超級敏感眼, 在沒選擇之下試了, 暫時沒有加深過.
但首要係小朋友要肯試/注意鏡 ...

即係 con ?

mimi222shi

夜戴矯視硬鏡, 係會唔舒服和風險, 但暫時控制效果理想.

一般眼睛較大, 唔使夾硬整開眼皮的人, 尤其小朋友, 會較易接受試戴.

我小朋友以前連滴藥水放大瞳孔都扭計, 之後每晚有滴藥水, 後來試戴OK鏡一TAKE過搞掂, 最好之前同小朋友講解下先.

Christi

mimi222shi 發表於 17-8-3 11:25
用過一年0.01眼藥水, 好怕光/瞳孔放得好大(醫生話佢好吸收藥)/睇野有模糊, 近視有加深.
頭半年加深50度, 後 ...

眼球長度和高度有關，高得快深得快》》這個point 可以解釋多少少嗎？謝謝！

nobletree

我去了红磡理大驗眼,又係加得好快,配左矯視眼镜,但個镜片美觀麻麻,但視光師話依隻最安全和研究结果最有效,唯有試下,都幾貴,希望有用

queeniewingchow

MMVV 發表於 17-8-2 22:43
以我所知近視因為眼球拉長，其實近視眼藥水會控制眼球拉長嗎？

其實Atropine即係平時用黎驗眼嘅放曈藥水，不過濃度唔一樣，滴左放鬆左眼球嘅神經，令到眼球唔會拉長，亦都因為咁，眼睛唔能夠自己調節，而令到睇近嘅野會唔清楚，同埋會怕光，當然因人已而，唔試冇人答到你。我個仔因為加得快，又深度數，所以一試，佢so far冇怕光，睇近野就只睇到兩隻手掌距離眼睛嘅野，再近就會唔清楚喇，但其實可以改用其他鏡片就可以解決e個問題。同埋長高嘅同時係會拉長眼球嫁，醫生就話滴左藥水最多都係一年加大約25度，我個仔就高左但未有加深度數。

mimi222shi

Christi 發表於 17-8-3 21:18
眼球長度和高度有關，高得快深得快》》這個point 可以解釋多少少嗎？謝謝！

...

呢點眼科醫生同老公上網睇近視成因都係咁講, 但高度根本不能控制.

好多野都係因人而異, 滴藥有人真的沒加深近視
理大話我小朋友唔適合戴矯視鏡, 叫我唔使諗(活躍+敏感眼睛),
但我去其他地方配又戴到,仲要一次過搞掂
有啲人點打機都唔會近視...

我每次帶佢驗眼都有壓力, 有人選擇咩都唔做, 但我做到就做,希望控制到.

LeeCC

nobletree 發表於 17-8-3 21:41
我去了红磡理大驗眼,又係加得好快,配左矯視眼镜,但個镜片美觀麻麻,但視光師話依隻最安全和研究结果最有效, ...

請問矯視鏡是否就是蔡司漸進鏡？