小一 小朋友成績很差。中英數常都唔得。如何幫她？

kelly6688

1）抗拒寫字讀書，覺得的字很難寫。 很多字學過又忘記, 唔識讀與寫 。一寫字就系度扭計,鬧完一餐才乖乖寫。2)做題目與試卷時唔看題目，自己估問題。經常估錯。
3）寫字有時添多一筆 有時漏一筆  。
4）陪看圖書又唔願意讀。有時得看圖。
5)唔會自己拿功課或練習做，要我或者嫲嫲陪在邊才寫。 要催好多次才寫。讀書好似唔係她的責任/她的事。

請問各位媽媽有乜計和技巧可以提升學習興趣與成績？Thanks .

babywoman

我仔小一時大部份雷同。
小一，我每日陪在旁睇住 佢做功課，小二先自己每日在校完成功課，每晚陪睇書，唔駛佢讀，我讀，佢當聽故事，讀讀下，佢自己睇了（大約大半年），不過只限中文，英文仍需努力。
對於功課，但求完成，若有錯，老師會讓他改正，成績唔理，但求合格，而佢又不抗拒學習。逐科搞，當時我仔數學冇問題，最差中文，所以主攻中文，三年班先有明顯進步，跑上級前列。
常識，如果中文得，又肯記，基本上冇問題的了。

retriever

babywoman 發表於 17-7-24 17:48
我仔小一時大部份雷同。
小一，我每日陪在旁睇住 佢做功課，小二先自己每日在校完成功課，每晚陪睇書，唔 ...

很有耐性的媽媽。

kelly6688

回覆 babywoman 的帖子

謝謝您寶貴經驗, 因我要返工.所以之前都系俾她去功課班,但是她很怕個補習老師. 成日哭,, 之後又轉去公文式做功課. 第一學期成績都系唔好.到第二學期第四次考試前一個半月請著私人補習. 她的吸取與成績都系唔入格 . 您覺得這樣的情況要俾她去補習社還是私補好?見過很多私補老師,又唔係好理想,唔係好夾到.唉,現在個私補老師又無按照預定的時間上堂.

brother4

特殊教育，有很多方法/訓練，不妨一試。。。
另看一次全小學雜談，都好有用。。。以上兩種自己有做

babywoman

回覆 kelly6688 的帖子

我識得嘅，如果送補習社做功課的，最後得到的結果都不太理想。私人補，撞手神，亦好難遇上合得來又教得好的。
既然你囡害怕補習社的老師，那應該停或轉，這已會打擊她的學習興趣，甚至會引申更多問題。我仔這幾年只在外補英文，我的前提是，他喜歡那個老師，否則 就會轉。
我有個朋友的小孩讀SFA , 父母在職，小孩放學在家自己做功課，不懂的或做完就我朋友收工再檢查。星期六全日課外活動，星期日會溫習或預習，小孩成績亦屬前列。這個可參考，當然，父母會很辛苦。
今時今日，小朋友讀書，分分鐘大人仲辛苦，時代唔同，所以，才有咁多學校希望做到【家校合作】。

如果是我，我會先讓小朋友自己試下自己做功課，星期六或日幫佢清理做錯的或不懂的。反正初小成績又唔重要，可以不斷嘗試各種方法

Sask999

kelly6688 發表於 17-7-24 17:16
1）抗拒寫字讀書，覺得的字很難寫。 很多字學過又忘記, 唔識讀與寫 。一寫字就系度扭計,鬧完一餐才乖乖寫。 ...

首先check下小朋友有否讀寫障礙，如果有要搵專人訓練。

chung816

babywoman 發表於 17-7-25 08:19
回覆 kelly6688 的帖子

我識得嘅，如果送補習社做功課的，最後得到的結果都不太理想。私人補，撞手神，亦 ...

對，暫時唔好上功課班，要小朋友自己試下自己做
小一應該唔使補習，不如帶他去上啲英文堂，練下oral去玩下，有興趣自然學得好

little_yolky

kelly6688 發表於 17-7-24 18:06
回覆 babywoman 的帖子

謝謝您寶貴經驗, 因我要返工.所以之前都系俾她去功課班,但是她很怕個補習老師. 成 ...

你小朋友間學校好勁的嗎? 如果小朋友自己唔自律, 就唔好讀間咁chur的了, 點解第二學期已考第四次試咁多? 到底一年考幾多次試的? 小朋友跟唔上, 學校又chur, 我都唔想讀了。

bobbob

little_yolky 發表於 17-7-25 10:36
你小朋友間學校好勁的嗎? 如果小朋友自己唔自律, 就唔好讀間咁chur的了, 點解第二學期已考第四次試咁多? 到 ...

係咪上下學期各2次考試，咁第2學期嘅第2次試咪成年幾第4次囉

little_yolky

bobbob 發表於 17-7-25 11:01
係咪上下學期各2次考試，咁第2學期嘅第2次試咪成年幾第4次囉

所以要睇睇學校chur唔chur, 如果一年四考又有測驗又有默書, 再加上功課多, 真係唔得了。因為一年班要估題目, 即係無讀題, 有好多學校一年班都有讀題的, 如果樓主小朋友學校要求高, 但小朋友未ready好, 長遠係會繼續惡化落去。我哋學校到二年級上學期都仲有讀題。

小朋友情況唔單止係學習懂唔懂的問題, 直頭係唔想學, 呢個係重點, 小朋友唔想學, 有幾好補習都無用。樓主一定要辛苦D, 趁暑假無測考壓力, 一齊睇多D圖書, 佢愛看圖, 就讀繪本, 佢喜歡的題目, 只好由最基本開始了。oxford reading tree都好大張圖, 低level的每頁也只有一兩句, 要由淺入深。只好首先提升返個興趣, 減底厭惡, 然後有系統地逐科KO。每晚講一個廿四孝故事, 或西遊記一回, 積埋一個暑假50日, 都睇好多書了。寫錯字可以提一提佢, 因為中文字好多時有字符聲符, 有時寫錯咗會唔合理, 好似阿女成日寫個「春」字寫咗目字部, 咁提一提佢春天係季節日子, 同對眼無關, 提一提, 佢就記住了。

Yanamami

Sask999 發表於 17-7-25 08:20
首先check下小朋友有否讀寫障礙，如果有要搵專人訓練。

我同意……楼主应該带仔去check下先，求个安心~係既話，要專人教点做，唔係既話，起碼撇除SEN, 再揾方法教~
楼主俾多d info先得……幼稚園时情況如何？肯寫字？小肌肉ok? Happy kindie? 而家小－普教中？有無pth底？－向專注力如何？坐唔坐得定？幼稚園老師評語係乜？老实，好少小朋友中英数常都唔得……

little_yolky

Yanamami 發表於 17-7-25 11:52
我同意……楼主应該带仔去check下先，求个安心~係既話，要專人教点做，唔係既話，起碼撇除SEN, 再揾方法教 ...

另外, 仲要指出, 樓主所謂既「唔得」有幾唔得, 有人95分都覺得唔得, 阿細合格就已經覺得自己好得。

MrBeast

little_yolky 發表於 17-7-25 12:03
另外, 仲要指出, 樓主所謂既「唔得」有幾唔得, 有人95分都覺得唔得, 阿細合格就已經覺得自己好得。 ...

之前試過答左一大段，原來個阿媽expect 9x分，登時“車＂一聲

MrBeast

kelly6688 發表於 17-7-24 17:16
1）抗拒寫字讀書，覺得的字很難寫。 很多字學過又忘記, 唔識讀與寫 。一寫字就系度扭計,鬧完一餐才乖乖寫。 ...

其他網友已提出的好方法我不重複了。

若果有一小朋友手腳協調弱，你覺得父母就咁送佢去泳班佢就會自然學到嗎，小朋友又會喜歡、主動話去上？還是先安排些手腳協調的訓練然後才去泳班較好？
協康有個「聽說讀寫小奇兵」講座，看看仲join 5 join 到

Lu324

MrBeast 發表於 17-7-25 12:38
之前試過答左一大段，原來個阿媽expect 9x分，登時“車＂一聲

但其他家長睇到，一樣有幫助。

Sask999

MrBeast 發表於 17-7-25 12:52
其他網友已提出的好方法我不重複了。

若果有一小朋友手腳協調弱，你覺得父母就咁送佢去泳班佢就會自然學到 ...

協康個講座真是十分好！

Jane1983

同意大家建議，帶小朋友check吓，確保無特別需要額外關注的問題先。

跟住，無其他橋，就係樓主和亞女好好傾吓 ，之後就bite the bullet。日日和小朋友坐定定，每科每日執少少，打好個底。好多嘢開始的時候都係難，但工多藝熟。小學課程你追求科科一百分，做級一就唔敢講，但求個中上，並唔係咁難。

kelly6688

謝謝各位的寶貴意見， 學習中....