40校網 協和小學長沙灣 vs 荔枝角天主教小學

worldcat

利申，非用家。

荔天-課程係偏深，係課堂同學術都要小朋友(加家長)去不斷學習。跟得到，部分家長覺得係happy school，因為功課“量”唔多。跟唔到就會家長小朋友都好忙，甚至有啲辛苦。家長要幫手教，咁小朋友會更容易跟得上。

協和，教得深啲之外，操練相對較多。家長做監督的角色會較重。如果小朋友對操練抄寫唔主動，大人細路都會幾辛苦。

如果家長有能力同有時間，我會選荔天。
如果家長學歷較低或者無乜時間幫小朋友Review課程，協和嘅模式又會比較適合。
以上係以叩門成功，假設小朋友係比較主動學習的類型。

worldcat

Creamypig2008 發表於 17-6-24 10:32
你係非用家，點解你會咁清楚兩間學校嘅教學分別嘅？

因為本身係深水埗大，身邊中小學朋友都好多住返呢區或者係呢區讀書。加上囝囝同學仔嘅哥哥姐姐亦入不同學校。

阿哥係兔仔，所以呢兩年做左唔少research。
呢兩年，有時間就請大假，係心儀學校附近睇下學生放學情況，感受下學校德育方面嘅成果，特別係高小學生更加容易睇得出。
學術方面，功課多少同深淺都可以量化，只要識人讀緊就唔難得知。
同區返教會又參加下小朋友義工活動，亦可以接觸到唔同學校嘅小朋友/家長。
兩間都係好學校，揀間適合小朋友就好。

worldcat

Creamypig2008 發表於 17-6-24 10:31
你給我的意見非常詳盡和中肯，非常感謝你， 你意思係協和的功課會比荔天多？我會慢慢考慮， 本來我揀協和 ...

以你所講，個人意見你囡囡讀荔天會輕鬆啲，純粹量方面，荔天係少操練過協和。其中一位朋友囡囡講協和，小三後都考級二十內，功課七點前做完，飯後練琴同溫書到十點左右。最後入同區b1女校。朋友就話少少辛苦，但都ok。起碼放工返去主要係溫書only。

另一朋友仔現讀荔天，功課唔算多，但日常備課要用更多時間，係備課，唔係溫習。因為上堂教學進度係比較快，所以預先備課會變得重要。呢位哥哥仔係插班入小二，成績中游。

worldcat

Creamypig2008 發表於 17-6-24 11:13
我小朋友其實不抗拒做功課，但對抄寫方面比較抗拒！

唔好講小朋友，就算大人都唔鍾意抄寫。

以小三後計，又想成績中上。
協和，預2.5～3小時做功課/練習，另外2小時溫習。
荔天，預1.5～2小時功課，但預返3~4小時溫習/備課。

worldcat

Creamypig2008 發表於 17-6-24 11:56
協和小學，唔需要備課，都跟得上嗎？

正常課後功課同練習，足夠小朋友熟習課程。如以中游成績計，係唔需要深入備課。

worldcat

Kat_Fong 發表於 17-6-24 12:26
唔好意思，叉開話題。
想請教worldcat 對瑪神有乜睇法？如果瑪神同荔天，邊間好d呢？

成績計荔天，但瑪神係一條龍，好難直接比較。
瑪小好成績一樣可以報b1中學，中上成績唔搏可以直升瑪中(b2a)。

瑪小功課比協和少，多過荔天旅小愛德其他區內一二線小學，但又唔係多好多。

唔追求b1學位，瑪神係區內好選擇。自己係好鍾意瑪神，只係大抽奬嘅概率比較低同位置問題，自己無㨂佢做111。
(自己心中首選係瑪神，旅小，善導)

worldcat

twlo 發表於 17-6-24 13:26
其實瑪神功課又唔覺太多，通常可在校完成或回家多做半小時。由於我是那些升上瑪中就OK的家長。所以，平時少 ...

我所知嘅係協和聖紀文係比較多外，其他都係差唔多，就算幾間二尾三頭嘅小學都唔少功課。只係課程淺啲，用嘅時間又少啲，欠功課又唔會罰得咁重咁解。
瑪小家長，多數就係唔想迫玩升中遊戲，所以同其他區內一線小學比較係無乜意思。
除左兩三間傳統一條龍，仲有幾多津貼學校係一條龍就知。一條龍官津中，好難保持b1，因為係小一制度問題。
校內課程點改都改變唔到40網家庭水平嘅問題。除非瑪小搬去41 11網就最易解決問題。

worldcat

twintse 發表於 17-6-24 13:10
本帖最後由 twintse 於 17-6-24 13:11 編輯

本帖最後由 twintse 於 17-6-24 13:10 編輯

唔太清楚九循，31網？升中計，以我所知油尖旺 深水埗 無乜跌brand情況，你話個別情況就真係唔知喇。

worldcat

vinvintwins 發表於 17-6-25 00:26
回覆 worldcat 的帖子

想了解長協小三要用2.5-3小時完成功課，是今年還是幾年前的事？是個別例子還是...？ ...

上面講嘅係小三或之後。有兩個朋友的意見都係咁上下。時間包括係學校時嘅導課班同網上練習。

worldcat

iampizzamum 發表於 17-6-25 01:57
"校內課程點改都改變唔到40網家庭水平嘅問題。除非瑪小搬去41 11網就最易解決問題。"

以上這個不太明白， ...

白啲講，就係40區學生質素問題。自行同大抽獎都控制唔到學生質素，咁又好何保證小五小六有60%以上b1學生？
2014年後仲改左一條龍中學硬性收85%學位，瑪中更難上返/保持b1c甚至b2a。

worldcat

vinvintwins 發表於 17-6-25 14:24
明白，原來你是根據2位朋友的意見來估評長協的功課量及適合什麼家庭入讀，我還以爲你是在40網的補習社工作 ...

等過一兩年，小朋友升左小三後，又分享下你小朋友情況。

worldcat

vinvintwins 發表於 17-6-26 02:45
再次感謝你的回覆。
長協系推行多閱讀，多思維，少抄寫，快樂校園。

資料要多啲家長分享，當然由一兩個小朋友唔可以確定全部事實。有兩樣補充係唔單止睇兩位小朋友，還有部分其他途徑得知情況，但其他因素唔係自己接觸到同關符人哋工作，所以就唔例明。另一方面我註明小三後的功課量係有原因，遲啲小朋友升到小三可能會有啲轉變。
協和係一間好學校真係無法否認，淨係計整體操行同成績可見一班。協和亦唔係話抄寫超多，我上面所講係相對性。

荔天同協和的教學方式係有啲唔同，最緊要係合自己同小朋友心水。

真心，我唔覺你嘅回覆有任可問題，而且亦需要家長不斷更新，因為學校都會不斷改善課程同教學去配合。

請多啲用家分享，等其他家長參考下，因為自己同其他朋友跟住幾年都要繼續參加呢個小一遊戲。

worldcat

vinvintwins 發表於 17-6-26 11:22
勇於分享所見所聞是好事，建議分享的同時多列數據（尢其非用家），相信認受性會增加。

...

樣樣都要講數據就唔係分享，係分析。

btw, 樓主揀左長協，相信小朋友會讀得開心。