2017-2018有入旅小的嗎？

worldcat

patpat904 發表於 17-6-7 14:45
我所知, 乙二中聖紀文同乙二中旅港都有, 証明乙一選這兩間都入曬。

乙二入旅小？請提供資料來源，因為朋友乙一都抽唔中。

worldcat

ying8 發表於 17-6-8 09:21
會唔會將旅小放甲1已獲派，都見有人乙1抽唔中。

甲一同乙一唔一樣？(揀得乙部即係同區，或者跨區)如果甲一乙二，真係抵佢中，可能係最高同最新策略。

worldcat

patpat904 發表於 17-6-8 10:47
資料來源是我囝同學爸爸，乙一基福乙二旅小，派旅小。但我冇問佢甲部點填
...

唔係駁你，但乙二旅小可能性近乎零。因為乙一旅小都唔中，一齊交表的，所以肯定朋友係乙一旅小。

worldcat

iampizzamum 發表於 17-6-8 09:51
對不起，想請問大家，旅小和荔天，哪一間較好？

兩間都係本區一線。
唔講成績，自己意見係。。。(兩間都有相熟朋友的仔女入讀。)

如果小朋友接受大壓力，荔天可能會好啲。佢哋唔係操功課，但全校會係任可時候都係好似備戰狀態咁，學生學術會係日常上堂一點一滴咁提升，個別老師就比較嚴肅或者傳統(好友都識唔晒啲老師)。適應到或追到學校要求，當然無問題，但落後果一批就會比較大壓力。或者掉轉講，荔天要家校合作多啲，因為日常問答或考試都有超出書本上啲知識，學生主動學習會更容易適應學校。要考慮嘅係，如果小朋友追唔上，呢間學校會俾比較大壓力比家長同小朋友，特別係中下游一批，學校本意係好，但未必個個小朋友同家長都頂得到。

旅小相對下會多啲空間俾小朋友發揮，同時學術上都係中上，功課量以現今制度下算適中。學術上學校支援有唔同幫助，學校教學方式對中游學生幫助最大。老師會用比較針對性教學去幫助學生，但當然唔好預期會度身訂造喇。校長屬於新派同有主見一類，到現在眼見行政同教學方向都係跑贏大市。弱點分面，如果你小朋友係好突出，係旅小反而未必會有好多資源提供。校舍比較細，所以體藝活動唔係十分突出，如果打算用將來用體藝幫助叩門，學校方面就無乜幫助。

worldcat

88881111 發表於 17-6-8 11:43
家長填表真系好難說，可能諗兩間都填第一有誠意，又或者好彩，號碼前甲一抽到旅港，號碼後少少乙一 ...

你講開都係，朋友3/6下午考左叩門試。

worldcat

88881111 發表於 17-6-8 11:57
旅港3/6叩門111，7/6叩門是非111。分開考，校網頁寫得好清楚。你朋友有沒有叩到？
...

等消息，佢個囡個班有大約二十人考，應該唔只一班。

worldcat

thyhma 發表於 17-6-8 12:02
大部份同意，但修正及補充的係旅小地方雖然無荔天咁大，但學校好識運用資源，安排學生到外邊練習，體藝成 ...

我講嘅體藝係個人，唔係團體學界賽。個人體藝For中一自行／叩門。

worldcat

yukisch 發表於 17-6-8 12:22
本帖最後由 yukisch 於 17-6-8 12:22 編輯

如果111就係3號手1點前叩門，無理由下午先考叩門試，唔通太 ...

一點咪下午law

worldcat

88881111 發表於 17-6-8 12:38
不是吧！加左幾十個學位都有咁多人抽唔到？下年點算

差唔多喇。當今年有3000學生， 自行收左40%，都有1800大抽獎。

我保守當6成人揀一線做甲一乙一，都有約千一人揀。出名啲就係果5 6間，當佢平均一間200人報一間。以旅小計大抽獎得100左右位都大約有一半人唔中。


下年邊度都死，只要睇到今年教局都係用最簡單最暴力嘅方法解決小一唔夠位嘅問題就知。

worldcat

Hoining 發表於 17-6-9 12:46
本帖最後由 Hoining 於 17-6-9 13:12 編輯

坦白講呢d應該係家長自己去栽培，我有幾個朋友嘅仔女升中時 ...

絶對認同。但部分學校會分資源俾體藝出色嘅學生，我所知旅小無特別安排。
話我白都係咁講，所以旅小比較少新香港人家長揀，呢樣亦都係原因。

worldcat

Hoining 發表於 17-6-9 14:15
本帖最後由 Hoining 於 17-6-9 14:22 編輯

新香港人？我係土生土長三代嘅土砲呀！我覺得我要成 ...

我唔係講你呀。。
你所講嘅咪大多數香港家長會做嘅方式。

40網有啲學校真係會分資源俾體藝好嘅學生，就係想呢批學生入到果注重體藝嘅b1中學。呢種安排方式有部分家庭係好鍾意嘅。

worldcat

starrymama 發表於 17-6-9 14:36
回覆 worldcat 的帖子

我自己係香港出世, 幼稚園到大學都係香港讀, 我小朋友讀旅小係因為近, 小班敎學同唔 ...

旅小多單非學童？反而好幾位朋友講話無乜單非學童喎(相對下)，就算有都係屬於新來港人士(努力適應香港的新移民)。

而新香港人就比較少(要求改變現有規則去配合佢)。

我俾小朋友返興趣班都真係興趣，溜冰 游水 跳舞，呢啲都係擺唔到上枱加分嘅項目。所以都係同啲傳統名校無緣。

worldcat

Hoining 發表於 17-6-9 15:23
認同你嘅講法，德行係好緊要，你睇d高官夠出身名校啦！咪又係禮義廉...
...

樹根哥走左又有個容議員頂上。所以名校最重要，其他乜都可以唔洗睇。

我哋呢啲草民識條毛。

worldcat

starrymama 發表於 17-6-9 16:31
回覆 worldcat 的帖子

我冇硏究人地係咩非, 反正父/母唔似土生土長的香港人.

只可以講，佢地家長係另一種諗法，學校資源應該係俾晒最叻嘅一堆人。所以家長都全面配合學校要求，學校又最鍾意呢類家長。所以有一間學校好受呢類家長歡迎，佢哋圍內人亦好接受。唔叻嘅一批就只有最基本教習資源。呢批家長又覺得係正常，唔叻就唔洗理。
自己個人就接受唔到呢種教學方式law。