黠樣供 ...英國留學, 1 年學費等要預$40萬左右, 真係唔野小

亮燈

洋子 發表於 17-5-9 14:34
所以我想表達的重點就是出國讀書吾可以單計一共供了幾多錢，以後小朋友一個月可以搵幾多錢．．．仲有好多得 ...

想法一樣，完全同意。

亮燈

過客 發表於 17-5-10 07:23
請問一年既學費証明是用英鎊定Hk＄比佢睇？

係一年學費加生活費，我用紅簿仔俾佢就得。

亮燈

rba93 發表於 17-5-10 15:48
我囝都係讀咗2個terms, 但就冇你囝成效咁大，因學校放假時，不論在英國，還是回香港，都是打機⋯打機⋯再打 ...

阿細都有打機，好正常。只要佢自律，係成績度睇到佢既努力就得。

亮燈

MewB 發表於 17-5-12 23:28
很有趣的討論, 很佩服家長這麽偉大, 孤注一擲,破斧沉舟來使自己孩子重拾讀書樂趣!  不過我份人比較現實,  ...

每個人諗法唔同，我既諗法好簡單，亦同兩仔講明，我只係一個打工仔，唔係李嘉誠，就算我係香港首富，我都唔會俾一分錢你地，因為你地細個既衣食住行、讀書費用，已經係我既責任，全部供給晒！到你地讀完書，就已經成人兼出身，到時我既責任已完成。
之後佢地要獨立自主，唔好靠我地，咁係冇出息。我有錢都留俾自己兩老退休用，絕對唔會留俾佢地，因為我覺得會害左佢地，自己既生活要靠自己，無論將來飛黃騰達又好、瞓街又好，與我無關。
但現在供書教學就係我既責任，只要有能力，我義無反顧支持佢地，直到完成責任或身無分文為止，呢點佢地係好清楚，我亦冇可能及冇能力養佢地一世。
將來係點？就睇佢地既造化喇！

亮燈

noel2010 發表於 17-5-13 09:33
對，我都是同個仔講，我日後唔會留錢比他。有的都寧願花在兩公婆身上。就是兩公婆白手興家的道理，懂得努力 ...

冇錯，父母既錢係自己努力賺番黎，所以成果係要自己享用番，天公地道，唔係欠左子女，只要完成責任，將來子女是龍是蟲，就係靠佢地自己喇！

亮燈

MewB 發表於 17-5-13 12:43
很難得大家的觀念這麼傳統, 認為為兒女讀書, 做父母的傾家蕩產在所不辭, 之後自身發展與人無尤.......在我 ...

如果我同閣下既想法一樣，我就會用400萬教佢炒股好過啦！讀乜鬼野書呢？如果要係香港發達，只有炒股、炒樓先做得到，讀書？浪費時間啦！當然，對一般香港人黎講，買樓係佢地一生中最偉大既成就，但我絕對唔會咁諗同咁樣教仔。
仲有，如果要計算到咁盡，我就絕對唔會生孩子喇！又要留錢俾佢買樓，又驚佢接受唔到現實既殘酷。
總之各施各法、各行各路，祝你成功！