收生準則

woodylee

我知道每間的收生準則各有不同，但有無人知道一般會用咩來決定收生取向呢？
大B細B？
父母職業？
地址？

ilmummy

回覆 woodylee 的帖子

我覺得都有關，同埋有冇發現，通常學校都會問平時邊個湊？有冇兄弟姐妹？我諗應會考慮家庭背景，睇下系屋企父母同小朋友互動多唔多。總之呢個問題可以有一千幾百個答案！

Bubufifi

好難有答案

Ulong

個個小朋友都表現好，做到要求嘅野，收生呢啲真係緣份遊戲

woodylee

我今日有問過playgroup的老師，佢地都話每間要求都唔同，二來都好睇父母喎！我話有d無問父母野架喎！老師話當考小朋友時已留意父母的舉動

星星的後裔

以前都以為學校睇父母職業分階級. 現在我會話, 除部份神校外, 多數都唔係真係在意階級, 而係關心你有幾多時間同有幾願意投入時間在小朋友成長上. 始終家校合作小朋友成長才理想.
而且私校收學費已分了階級, 唔需要再由職業分多一次.

fionyyl0204

woodylee 發表於 16-12-16 23:18
我今日有問過playgroup的老師，佢地都話每間要求都唔同，二來都好睇父母喎！我話有d無問父母野架喎！老師話 ...

咁其實係考家長，唔係小朋友啦，咁佢地會睇家長d咩，先會收小朋友呢？咁岩岩我個囡見完個間，應該唔會收我個囡喇，我覺得自己嘅表現唔好

ilmummy

回覆 fionyyl0204 的帖子

都捉摸唔到架！如講考家長，我都有鼓勵個仔同其他小朋友一齊玩同分享，佢都有做，佢答唔到嘅都有引導佢，最終亦講到個答案，仲向老師主動表達自己嘅教育理念tim，老師都冇問嘅！唔通咁又唔可以？真系唔知人地想揀咩學生。

Monstereasy

原帖由 woodylee 於 16-12-16 發表
我今日有問過playgroup的老師，佢地都話每間要求都唔同，二來都好睇父母喎！我話有d無問父母野架喎！老師話 ...

我覺得會睇家長行為，試過interview家長圍圈坐，坐位數目剛好，但有家長一人佔兩位，其中一個坐位放手袋，要老師出聲先肯拿開手袋…