單一性別學校好處壞處？

CherryCake

不計名氣，點解會選同一性別學校？

explorerhk

appledai 發表於 16-12-2 23:07
抽獎容易中，但我並不喜歡，比如女孩子一直讀女校是會比較乖，但是大後不知道如何同男仔相處（我指一般情況 ...

點會呀， 我都係讀男校， 咪又係媾到女， 結到婚， 生到仔。

Angelice-BeBe

我自己小學中學，都傳統女校，又無任何同異性相處嘅問題，小圈子，搞是搞非，只要有女仔嘅地方就會有，無分咩學校，而且就算全女校，都總會有一堆人係唔會搞是非，專心讀書嘅學生，問題在於自己選擇同邊一類同學做朋友咋喎

Felix223

其實讀齋唔齋校, 會唔會變宅, 根本唔關事, 都係睇小朋友自己性格和制遇.

964000

香港大部分傳統名校都是單性學校，所以其實沒有太多選擇。如果真的要取捨，我覺得可以考慮小學男女校吧。

retriever

Monstereasy 發表於 16-12-19 16:01
我齋足十五年，認同Derek好難用自身角度去評論一般情況。我過往在女校正正係學會committee, 校隊分子，算受 ...

較認同derek既看法。

可能版友對男女互動既睇法，是男是女也有不同視角。

係咪結到婚，無變宅男，講野唔面紅就無問題？

我覺得講既唔係呢d極端例子。某程度係效率問題。點解有人靠把口就物都掂？ 又有人俾哂成副身家，做牛做馬都唔掂？

互動睇點拿"捻" 條線，見讀男校既係有點"過猶不及"...

Monstereasy

原帖由 fixedstar99 於 16-12-09 發表
你自身個例子又係小學男女校，中學先齋校。
有冇由小學起就齋到中學既人來現身說法呢? 好想知道齋12年既女 ...

我齋足十五年，認同Derek好難用自身角度去評論一般情況。我過往在女校正正係學會committee, 校隊分子，算受歡迎，我既經歷相對美好，而且一班好姊妹係由三歲識到現今，好比親人一樣，所以好喜歡女校生活。

女校是非多，但咪好似睇八卦新聞咁，講一排呢個又講下另一個。而係八婆堆生存要練好一身好武功，呢份武功正正幫到我處理辦公室是是非非，特別係同女上司相處。

不過，有所得亦有所失，當年好多人睇"那些年"都好有感受，我完全無……

FATBJ

我前老闆個女小學至中學都讀女校
到而家讀U, 面對男仔好怕羞,唔敢望對方眼睛,佢話一同男仔講野會好易緊張
身邊朋友都係女性,因為小學中學都係女仔,到而家大個始終好難識到個知心男性朋友

我覺得小學讀男女校真係會好D,起碼識番D男同學,到中學再讀單性別學校
社交同異性相處,一同合作做功課,男女比較等呢d都係從小灌輸比較好

L+H

Monstereasy 發表於 16-12-18 18:53
我由幼稚園開始讀女校直至大學先有男同學。大學學科係傳統男性行業，男性為主導。我反而覺得由於自小在女校 ...

完全同意Monstereasy, 自身經歷和你相似。大學時industrial training 從來無諗過揾男同學幫手，反而我幫佢地攞筆記。
的確，温柔無我份，但我唔粗魯架，相信很多男仕也會欣賞獨立既女仕。我見我同學也有很好既network和幸福家庭。

我囡囡也正讀女校。

dereklg

Monstereasy 發表於 16-12-18 19:20
我由kg開始，女校出身，無兄長，家父亦忙於工作無時間相處。但真係唔清楚各下所講與異性相處問題，如何自欺 ...

okok, 怕左你，你冇自欺。

呢度就係咁，部份人只以個別例子去否定了一般性。

天上面有大黑雲，多數會下雨。
卻有人說，我頭上舊大黑雲是永不下雨的。

cancer 多數會死人。
卻有人說，我太勁，咩病都可以醫得番。

看來還有不少人以為有拍拖/有婚姻，等同熟知男女相處之道。其實只係咁岩撞著 mr. right 而已。

明就明，不明就算，視野需廣闊，企遠 d d才能看見真象。

retriever

Monstereasy 發表於 16-12-18 19:20
我由kg開始，女校出身，無兄長，家父亦忙於工作無時間相處。但真係唔清楚各下所講與異性相處問題，如何自欺 ...

可能derek講男校。係開心但男女相處互動係差d.

fixedstar99

Monstereasy 發表於 16-12-18 19:20
我由kg開始，女校出身，無兄長，家父亦忙於工作無時間相處。但真係唔清楚各下所講與異性相處問題，如何自欺 ...

多謝分享! 照咁講，如果女仔本身已經性格較“硬”，獨立好強，想佢培養返d女性既溫柔，似乎讀男女校好d? 女校會令佢更獨立更不懂得溫柔?

Monstereasy

原帖由 dereklg 於 16-12-05 發表
本帖最後由 dereklg 於 16-12-5 12:40 編輯

除某幾間專出 gay 佬的男校，或les/tom boy 風氣盛行的/女校 ...

我由kg開始，女校出身，無兄長，家父亦忙於工作無時間相處。但真係唔清楚各下所講與異性相處問題，如何自欺欺人？
大學時，一樣會拍拖，班中男同學至今亦為好友並相處無問題。
大學時，搬搬抬抬的工作，有些女生會等男同學去協助完成，而我會自己攪掂。有些男同學覺得驚奇，而呢點正是女校中訓練自己完成所有野，不論是做話劇背景木工或搬運工作，我們都要自己完成。
欠缺既係一份女生的柔弱，但多了一份傲氣。

Monstereasy

原帖由 retriever 於 16-12-09 發表
本帖最後由 retriever 於 16-12-9 08:45 編輯

同意。

我由幼稚園開始讀女校直至大學先有男同學。大學學科係傳統男性行業，男性為主導。我反而覺得由於自小在女校成長，個性較獨立，所以同男同學相處亦無問題，完全無隔膜。時至今日，工作上亦以男同事較多，有趣地僅有既女同事亦多來自女校。

過往亦有老行專形容我地呢班女生係"鐵娘子"，有時工作上比男同事更狠，更硬淨，沒有一般女生既扭擰。
好處係獨立，壞處係太獨立……

我十分喜歡女校成長環境，亦安排女兒讀女校。

retriever

chumiguan 發表於 16-12-9 11:52
本帖最後由 chumiguan 於 16-12-9 11:56 編輯

Agree with Safeway, but not too agree with your propo ...

相互尊重，都可以據理力爭既。

一般講或睇到他人既性格，其實係collective既，包括左多種因素既結果。。。

你講唔關practice事，係幾有意思既論點。

Franceschingyi

Tintin926 發表於 16-12-3 19:17
女一定讀男女校
男一定讀男校

絕對同意.男仔心智發展慢, 思想簡單又衝動,
始終男女的發展有很大不同, 所以讀小學我都會選男校為優先考慮.

crysta2l

我囡來年會入女校, 我都希望兩性交往可以平衡點.  而且校外的社交也是一個SUPPORT GROUP, 男校/女校或男女校也好, 萬一有排斥, 也多另一班的朋友.
  我囡現在除了學校, 就是合唱團, 芭蕾, 都是女孩子佔大多數.    除了童軍, 大家有咩意見是多D男仔參加, 多D交流的?   

chumiguan

Jane1983 發表於 16-12-9 12:33
回覆 chumiguan 的帖子

女校出來的女生在兩性關係方面，表現係咪特別差，係無 credible的研究可以睇。始終 ...

Agree. 各抒己見，各有自身體會。
尊重。

fixedstar99

safeway 發表於 16-12-9 10:15
不認同支持讀單一性別的就是只考慮成績。咩學校都有好處壞處，好難一刀切先設定單性或雙性校較好，應整體 ...

你自身個例子又係小學男女校，中學先齋校。
有冇由小學起就齋到中學既人來現身說法呢? 好想知道齋12年既女性有咩體會

Jane1983

回覆 chumiguan 的帖子

女校出來的女生在兩性關係方面，表現係咪特別差，係無 credible的研究可以睇。始終每個人性格、家庭環境、際遇唔同，太多其他因素。
大家係度各抒己見，唔會要求人地一定認同自己。真心覺得讀書叻，係邊度都叻，我自己當年的中學好一流，但功不抵過，真係唔值得。