好補習老師，可遇不可求 (有點長)

Iloveoldseafood

(謝絕廣告)


兒子小一時就讀英小，由於英文科教深一年，下學期經網站中介找到一位恒生3年級哥哥補習。

佢是小兒第一位1:1導師，我幼時只在補習社補習，不知道上門補習情況，佢一坐低就如熟手技工一樣，懂得如何教小兒，如何找小兒的弱點，有耐性盡責，超時都唔起身，總之第一堂已令我和老公好滿意，還不定時預備教材，可惜他只教到小兒小一期終試，需要預備4年級畢業，我也打算新學年加人工俾佢，佢點都唔肯繼續教，無論我喊晒幾乎下跪也唔肯，佢都好盡責，搵到暑期工後，每日放工都趕來，直到小兒考完大考。

到了小二，找了第二位哥哥，佢自稱有經驗，來到卻不懂發掘弱點，臨夠鐘竟在座位發呆望住小兒等夠鐘，佢當然冇第二次補習了。

其後搬屋轉校，有感小兒資質平庸，為他選中小，有段時間我教到，暫不補習。

今年小三，第三位哥哥出場，第一日，佢問我教乜?我好奇怪有此一問，第一位恒生哥哥是不會咁問!

我就是英文差教唔到，我識摸英文弱點，就不需你來啦?

然後每次我/家人行過，不論入鄰房/去廁所/裝杯水飲下，有時真是純粹行過，佢總會超過90度角望出來(補習地點在睡房內，冇關門，我和家人已除鞋無聲)，如果佢專心教小兒，又點會知道有人行過?
佢教小兒聲線好細，幾乎聽不到，如果佢正常咁教不偷懶，又怕乜被人望?1.5小時內，行過好難避免吧?

以前舊屋冇房，恒生哥哥從不會望，好投入地教。

自問已不似姑奶家有4睡房，仍安排在大廳補習，我也是打工仔，將心比己亦不喜歡被人望住做野。

其後，我發現有不少默書，及罰抄，每個錯字罰抄5~10個不等，付錢罰抄?不是吧?
我明白好難遇到第二個恒生哥哥，總不會這樣補習嘛?罰抄可以交給我嘛!

還有一樣，佢問我借字典機/字典找生字教小兒，恒生哥哥從來無問我借，佢不是應知道，什麼年級學什麼生字嗎?

現在，第四位哥哥了，暫時睇佢有些恒生哥哥影子，希望不用再換人吧!

brother4

先自己是家長，其實4位補習老師都OK，好看家長同老師開始前有冇溝通好，孩子們請過連自己數不清補習老師，咁多年得一個最好，好原因亞大平時小學6x分，佢教完後呈分有8x分，可惜和你一樣，冇時間教因大學畢業，現做學校老師太忙了!老師見亞大底差，上堂教/做番前一年課程，有番信心，慢慢加深，另亞大有學習障外 ，老師都攪得掂，真係寫得服 字。

chrischeung

回覆 Iloveoldseafood 的帖子

我大仔已中二，由細到而家一換補習就煩，真的有心又教得好很少呢，還要專科專補，見有些補習求其，有個好經典，連中一數學也不懂郤教數，亞仔問他測驗改正，他叫亞仔諗了一堂也不答，
有個上堂玩電話
有個不停鬧足三個鐘....
真心覺得教得好也有几個，有個而家還教緊，現在試緊個英文，這二堂我也非常滿意只可借她冇時間比多一堂我細仔上，一句講哂搵補習要撞，家長亦要留意老師有冇教錯和進度。

每日媽媽

Iloveoldseafood 發表於 16-11-24 17:43
(謝絕廣告)

同意，好老師難求!

順便問下你係從咩途徑找老師呢？


試過有個之前已在電話講過小朋友的弱項，點知上幾堂都只是問有冇默書，跟著同佢溫默書，咁我駛咩叫佢補，我自己温都得啦!

另一個上堂時又同我小朋友寫紙仔傾計，跟住常常話唔舒服，嚟唔到。

仲有個更經典，鍾意上堂時俾限時30至45分鐘嘅練習小朋友做，跟住自己攞部手機出嚟玩，見我經過先收一收機，跟住冇耐又再攞出嚟玩，我心諗一堂的時間只是一個半小時，但也不能全心全意地教我小朋友，現在真是好難找到好老師!

Iloveoldseafood

每日媽媽 發表於 16-11-25 18:41
同意，好老師難求!

順便問下你係從咩途徑找老師呢？

除了第2個，其他3個上補習網搵。
你話有個問有冇默書?
好似第3個哥哥，係咪同一人?

中介話佢港島某英中名校畢業，又話佢有經驗，屈我每小時付多10元，結果沒有自備教材，只懂罰抄，睇住小兒做練習，自己揭其他書扮野，最鍾意問有冇默書，中文都問，中默我都識啦!

中文是教寫作技巧，老實講，我地畢業多年，細微野會忘記，中文生字點會忘記?我地自己都默到啦!

teddybear414

每日媽媽 發表於 16-11-25 18:41
同意，好老師難求!

順便問下你係從咩途徑找老師呢？

我大仔小一時都有搵過上門補習，我承認當時嘅佢係好古惑，由第二堂開始知道個miss好蝦，已經開始耍花招，唔做呢樣唔做果樣，miss都由得佢，搞到全堂都只係係度俾我個仔耍，一係就只係教數（大前提係我一開始講明主要係補中同英文）。。我諗大約兩星期，我轉咗第二個，第二個ar sir仲死，貴都算...一味只係鬧，鬧到我係隔離房都聽到==，個仔最後一聽到要補習就發哂脾氣。。最後轉多個上門，叫好少少，不過都係補咗一個學期，最後自己跟返
到小二就經其他媽媽介紹，踢咗大仔去補習社到而家

laabc

Iloveoldseafood 發表於 16-11-24 17:43
(謝絕廣告)

我小朋友真係好彩，我哋遇到你所謂既第一位恆生哥哥，可惜他現在的時間完全夾唔到。由小囡好憎數學，憎到寧願冇iPad 睇都唔想溫數學到現在主動叫我考下佢數，實在magical.
對我而言，好老師已經係小囡既貴人了。可惜....

十蚊靚菜

Iloveoldseafood 發表於 16-11-24 17:43
(謝絕廣告)

其實咩叫恆生哥哥

huba

十蚊靚菜 發表於 16-12-29 23:30
其實咩叫恆生哥哥

相信是指恒管的學生

http://www.hsmc.edu.hk/index.php/hk/about-hsmc

ANNAFRIEND

我未試過上門的補習老師，我都想找，因為小朋友好快升中，上門慳好多時間，但我知上門難找，所以暫時都唔考慮

py84ko

所以我從來唔會揾在學嘅補習老師。寧願搵全職補習老師。

Mbaby

py84ko 發表於 17-1-2 01:06
所以我從來唔會揾在學嘅補習老師。寧願搵全職補習老師。

請介紹，謝謝！

py84ko

Mbaby 發表於 17-1-2 22:58
請介紹，謝謝！

你係邊區？

CathyChan1126

py84ko 發表於 17-1-2 01:06
所以我從來唔會揾在學嘅補習老師。寧願搵全職補習老師。

無錯，我都係，
全職補習好好多
起碼有心，有時間同我跟，
一到考試就知道要加時
唔會放飛機

py84ko

CathyChan1126 發表於 17-1-7 17:34
無錯，我都係，
全職補習好好多
起碼有心，有時間同我跟，

同意！在學補習老師會因為趕Project, 趕功課……等甩堂。你小朋友考試時而佢又考試。所以唔會搵在學補習老師。

全職補習老師就沒有這問題出現，收費可能貴D，但却被免咗以上風險！

Ah_B

請問如何可以找到在職的補習老師呢？我住荃灣區都想幫亞仔找返到

jenny10

我都想知點搵在職補習老師，謝謝！