DGS type 父母係點咖呢？

mannitol

原帖由 牛仔小怡 於 16-11-15 發表
聽說DG 是教得淺但考得深，即要不個女叻到不得了，否則父母好難唔洗跟...
...

暫時P1嘅，除咗英文閱讀理解比其他學校深少少，數學會有啲tricky, 其他科都唔覺教淺考深。學校學生，的確有啲咩都補學幾樣嘢，但都係因為家長要忙於工作，唔夠時間顧掂小朋友嘅學術。學校唔會要求學生咩都學，而係會俾機會學生去發掘興趣，搵到自己專長。所以樂器班會有試堂，試啱先俾錢學最少一年。學生可以自由選擇玩咩學咩。唔似有啲學校，係老師assign個小朋友去學咩。另外，家長當然會緊張自己小朋友嘅成績，但起碼大家都知道，盡力了又keep 到升班就好，唔會因為要煩升中去迫小朋友做做做補補補。

mannitol

原帖由 damonho 於 16-11-17 發表
會唔會成日捐錢?

所以捐款屬自願性質，你唔捐或者唔記得捐都冇人知。暫時只有家教會籌過款，但因為家長唔洗交會費，又不時有資助學生嘅活動，捐款捐多少咪當自己俾會費囉。另一次唔記得捐俾咩機構，都只係要求學生自己响零用錢攞$5出嚟捐。再另外一次係叫學生帶可回收膠袋，學校再攞去俾某機構用嚟做返啲有用嘅嘢，捐俾基層用，連錢都唔洗出。其實我唔明，點解啲人成日有“私校（幼稚園~中學）成日要家長捐錢，籌款”呢個誤解？

mannitol

原帖由 hkpama2011 於 16-11-15 發表
我諗緊洗唔洗跟個女啲功課，跟得好緊，或者要成日同佢去學呢樣學嗰樣。
自問我唔係好aggressive 嗰類父母 ...

其實無論响咩學校，跟唔跟功課，學唔學多幾樣嘢，都係適隨專便。睇吓你自己過唔過到自己嗰關啫。我覺得，响一間可以直升中學嘅學校讀，已經比較輕鬆。幫小朋友打好基礎，搵到自己嘅專長興趣，令佢能夠自主學校就好了。

mannitol

原帖由 Ocean419 於 16-12-14 發表
請問每天功課量約多少？測考默書頻繁嗎？學校有冇一體一藝要求？

以P1呢3個月嚟講，每日少於5樣功課，1小時內會完成。英默6次，範圍約6~8頁故事書內容。中默4次，範圍是一課內的詞語。數學小測差不多每星期一次。另外還有零星的listening and comprehension 小測，約每樣2~3次。每年3測2考。沒有要求一體一藝。

mannitol

原帖由 edniebridge 於 16-12-15 發表
謝謝分享。請問初小是否粵教中？

是。到小四才有兩班會普教中。

mannitol

原帖由 edniebridge 於 16-12-15 發表
請問普教中是否所謂精英班呢？

唔知喎。