想問 西貢崇真天主教小學，好唔好 ？

blairlikamei

我住將軍澳區，我有朋友初時就係貪佢唔多功課，環境又OK，所以先想比個仔入去讀，希望冇咁大壓力。頭個一兩年都讀得幾好，但自從換左校長之後，就差左好多啦...變左下午時段係課外活動，原意係幾好，主要想比學生輕鬆下，玩下，但實際上完全係兩回事，話就話多課外活動，但名額有限，首選都只係比D勁既學生參加，佢個仔好想入田徑、羽毛球個D，但報左兩年都揀唔中，校隊又黎黎去去都係個D學生，其實同普通學校行精英制冇咩分別。而佢個仔本身中文唔好，而係個個時段，學校就安排導師幫佢地補課，你地諗下，見到其他同學仔有得去玩，但自己個仔就要補課...
雖然佢功課真係唔多，但老師又冇咩要求，佢個仔同我朋友講，話大把同學都唔交功課啦，點解我要交，真係激到佢彈起!
隔離班有個老師重離譜，功課唔收黎改，而係叫學生係堂上面對完就算，重要已經唔止一次，搞到成班家長同校長投訴，但校長就不了了之，聽講投訴完過多一排，個老師又係叫D學生自己對就算...
呢間學校呢幾年話發展STEM，甚至有電視報導，但原來上堂個陣好多時老師只係比佢地砌下LEGO，根本冇咩學到...以前個仔返到屋企都會好興奮咁同我朋朋友講，上堂學到D咩，但呢一年就好少，原因係原來D老師成日請假，然後穩代課老師黎睇住佢地做功課，有時甚至試過一日有4,5係代課，好無奈



本身重諗住比個小朋友入去讀，但依家...唉...唔係有朋友個仔讀緊，都唔知原本係咁，重以為真係咁好，但原來佢係包裝得好，好想同其他家長分享下，唔好再有人中圈套