九龍真光好，定福小好？

jamieyanyan

原帖由 siubbsw 於 16-07-28 發表
今年簡介會上，有提及福小前年走了一半老師，都幾驚嚇。 另外，識好多家長都覺得學校有點左派。
除此之外， ...

我都有去簡介會，公道啲講，當時校長講咗，臻美接辦係有好多問題，好多老師冇基準，課程及教學方等問題，福建中學接辦後要顧及福中成績，所以大力改革，啲老師頂唔順走，都正常。校長亦有講依家呢批新老師有直私及國際學校經驗，教師團隊亦已穩定。左派唔左派，真係見人見智，我問嘅家長同老師都唔覺學校裡面有提大陸嘅野。交流有番大陸，但都有去唔同國家，簡介會單張上都有寫英國交流，facebook上睇到有班學生喺紐西蘭，個團好好玩咁，都幾吸引。整體上我覺得係國際學校味道重過左派喎。

jamieyanyan

原帖由 Minnie11 於 16-07-29 發表
福小我無聽簡介不過有去開放日周圍睇。看了英文話劇見小朋友(三四年級）的英文只屬普通港童水平，口音不準 ...

我兩種小朋友都有見到，有啲好外國人，有啲好本地。不過都好有自信，好敢講，好自然。去咗幾間直私，都差唔多，總結係：如果想要外國人口音，除非去國際學校，或移民。又或者本身家長自己好native。因為就算學校比到環境，小朋友唔一定自然就學得到。其實學英文最重要係運用，我個人覺得口音只係虛榮心。再睇番簡介會果幾個表演同司儀，應該有差不多一百個學生，大部分都流利英普，好少見學校有咁多學生可以上台表演而大部份語言水平唔錯，印象都幾深刻。

Grammar 又係好得意，去幾間直私學校開放日都見到普遍學校明顯錯都唔改，我都有問老師，老師話果篇係睇present tense, 所以集中改present tense.

九真我冇去，唔係太清楚。但福小整體印象係學生好乖，有禮貌，有啲怕醜但主動招呼來賓，好鍾意自己間學校，同老師有講有笑。坦白講，福小我未必係最心儀，但係又唔覺得好似大家講得咁一般。呢度火藥味都幾重，其實福小都唔易入，咁多人揀梗有啲原因，大家無謂勞氣，各花入各眼啦

jamieyanyan

原帖由 luv2015 於 16-07-30 發表
2間地區咁唔同，真係睇下自己本身住邊，尤其福小唔知點解，校車覆蓋地點真係唔夠，我朋友住tko啲屋苑諗住會 ...

福小喺地鐵站隔離，將軍澳撘幾個站就到啦，邊有人撘校車