有冇人讀緊i 位或者9月入i 位一齊傾下?

daibolam

有冇人讀緊i 位或者9月入i 位一齊傾下?
我囡9月就36佪月。派入i位n 2. 校長態度唔歡迎, 叫我番去諗下要唔要呢個i 位(我一開始就講!!我要!!。如是者問多我幾次。我最後同佢講:我今次唔要,我要再排隊再排一兩年,我無可能唔要)

daibolam

我地一家人。主任。i 位老師。校長同一間房。佢一開始望過下我個女,然後話個社工好差,無比齊資料佢,我咪答佢你要乜資料我而家話你知,我話我個社工只係見過我個幾鐘,只係申請i 位嘅過程。 個校長話我已經追左社工,唔洗問我了(咁個社工咪打俾我問囉)。
佢最後無正視個主任,放低一句,“差幾多。” 就離開課室。校長講左3 次+話學校行共融教育。 但態度明確,係上面要佢間學校行共融。老師感覺上有愛心同喜歡我女兒。唉。校校一聽到我囡上密集班已經好嫌惡。老公安慰我做行政係需要呢類人。反正課室內不會有校長

DENNIS201

個校長好無愛心wor...
上年我仔去I位見,個校長都好包容
會主動介紹駐校老師,又一齊傾小朋友情況,學校設施咁
宜家你個校長似交差拎資源
建議你搵社工再排第二間I位

daibolam

原帖由 DENNIS201 於 16-04-28 發表
個校長好無愛心wor...
上年我仔去I位見,個校長都好包容
會主動介紹駐校老師,又一齊傾小朋友情況,學校設施咁 ...

我唔明點解好似想趕走我咁。我走左又有下一個。評估報告好差。但個人好close to age

DENNIS201

咩評估報告？

crystal媽咪

態度差的係i位校長？？？
但而家唔要個位又再排隊，
除非自己比錢出去訓練(但少左一般社交相處學習)

最緊要老師好

寶貴訓練時間轉眼就過

齊齊加油

個校長咁嘅
可以透露吓係邊區或乜嘢機構嗎？
等其他排緊/讀緊的媽媽留意吓

daibolam

一定會讀架喇。其他學校係咪咁?原本諗住排到i 位。出面啲訓練可以停一部份。但見完校長。我諗緊洗唔洗隔日走堂出面上訓練啫

yamadalei

當年我兩個仔N班未派到i位，我面試時好蠢咁講左呀仔排緊評估。屋企老人家一次湊兩個湊唔掂，好需要全日服務。學校唔介意佢地遲緩收左，講緊係三四百人爭二十幾個位，未計世襲唔憂學生。
其實我好感動，揀i位都揀返呢間學校，而家呀仔日日有特殊導師堂同家居訓練，進步好大，大半年追返曬大小肌。
言語都進步得好快，從主要單字到而家可以傾電話，都係大半年既事。

我下面講既野可能唔好聽⋯
同好多媽咪交流過，i位特殊導師係整個服務既關鍵。
如果做得好，老師可以配合埋學校課程結合治療師俾既訓練重點去設計1:1治療堂，令遲緩既小朋友都可以明白大班教學內容，唔洗主流課程聽唔明變左慣性遊魂。佢亦會根據治療師既建議去做每日1:1訓練。佢都會參與觀察小朋友課堂，觀察佢地社交同情緒，從而改進社交小組既。
好不幸嘅係，呢啲所有野都係要得到學校嘅安排同埋配合，而i位老師都係受學校調動同管理。
曾經聽聞過i 位學校，竟然將i位老師調去代課，或者安排普通校務，所以揀學校之前，不妨打電話去問左i位如何服務先。
其實校長唔想收個N班既特殊教學需要小朋友係正常，因為普通既N班小朋友已經非常難照顧，頭幾週要調動所有可用人手去幫幼兒適應，何況係特殊需要幼兒？但拒絕對唔應該表達出來。
但你而家決定左入學，就無得轉校，我勸你問多D資料，諗清楚先。

momo;);)

原帖由 yamadalei 於 16-05-13 發表
本帖最後由 yamadalei 於 16-5-13 20:15 編輯

當年我兩個仔N班未派到i位，我面試時好蠢咁講左呀仔排緊評 ...

你小朋友點解可以用大半年就追反大小肌同言語架？你係咪日日同佢家居訓練？

ACB

我仔當年試過派到去一間i位幼稚園,記得果日去見個i位老師,佢地接見我地係一個班房,房來有一個氣球,我仔就望住左個波,個老師就話,佢呢d咪係自閉啦,我回應我仔沒有自閉的,佢竟話醫生報告有寫,你估你係家長就什麼都知咩,又話呀仔坐唔定,佢一定有方法整治到佢

之後,我走去評估中心找返個社工,講返呢件事,後証實我個仔係真係沒有自閉的,我對呢個老師實在太沒有信心,所以當時我唔要個位,寧願再排過

yamadalei

係呀，幾乎日日都有。
評估時2.4歲，整體遲緩9M同12M。
之後讀N班進展都一般，到K1讀I位時話遲18M添。
而家I位老師日日都有功課，日日唔同，都幾有趣，所以呀仔進步得好快。

ACB

回覆 yamadalei 的帖子

是的,我仔以前那一間學校,就係安排個i位老師升做主任,做好多行政工作,好多時也回應自己好忙,未有時間同小朋友做訓練

yamadalei

其實呢D情況，我覺得學校應該請多個特殊老師喔。

daibolam

原帖由 yamadalei 於 16-05-13 發表
本帖最後由 yamadalei 於 16-5-13 20:15 編輯

當年我兩個仔N班未派到i位，我面試時好蠢咁講左呀仔排緊評 ...

好多謝你咁詳細嘅分享。我找天再去了解一下佢地點安排。

daibolam

原帖由 ACB 於 16-05-14 發表
我仔當年試過派到去一間i位幼稚園,記得果日去見個i位老師,佢地接見我地係一個班房,房來有一個氣球,我仔就望 ...

個i 位老師好奇怪喎。態度咁一啲都唔似i 位老師。似啲一般見識的師奶

daibolam

原帖由 yamadalei 於 16-05-14 發表
係呀，幾乎日日都有。
評估時2.4歲，整體遲緩9M同12M。
之後讀N班進展都一般，到K1讀I位時話遲18M添。

學校校長本身有heart, 明知小朋友難搞仲肯收佢地入普通n位。佢態度明確連帶個i 位老師可以專心教小朋友。你小朋友進步咁大真係好難得。我都諗住當入左普通幼稚園。 出面跟開個pst 好好,靠晒佢了。

cheung_cnine

不需要理會校長, 重要係i位老師好晤好, 有無愛心!
如果學校真係覺得小朋友不合適i位, 學校會去信要求小朋友轉S位的.
有位就要左先, 要轉都等排到其他位先轉...

Aomuimui

請問I位係米全日制?

如果全日制，放學都冇乜時間做家居訓練啦，家長又要好早放工

claudialuk2011

原帖由 Aomuimui 於 16-06-17 發表
請問I位係米全日制?

如果全日制，放學都冇乜時間做家居訓練啦，家長又要好早放工

係全日，四時多到六時放學,