【短片：普教中】利嘉兒讚廣東話到肉：點滅呢？除非「被衰退」 (13:12)
以往在《笑談普通話》用輕鬆手法教授普通話的主持利嘉兒，已退出「公仔箱」一段時間，近年才復出主持網台節目及撰寫報章專欄。過去一年「普教中」成為本港熱議題目，利嘉兒早已表明立埸： 「我唔希望我的下一代接受普教中」。
利嘉兒可說是不少港人的「普通話啟蒙」，但她卻堅持反對「普教中」，她解釋說，最首先要分清楚「學普通話」和「只學普通話」，「我唔係話唔使學（普通話），但唔可以用普通話黎代替廣東話。宜家咩語言需求大就學邊樣，我覺得ok嘅，但點解學一樣就要滅另一樣呢？我覺得唔需要『普教中』，只需要喺學科入面加多科普通話就得」。
利嘉兒重申她反對的，是普通話「唯我獨尊」、矮化其他多元文化思維。喜愛學習語言的利嘉兒，在早年日本文化大行其道時亦曾學日語，她覺得學普通話的性質是相近的，但廣東話對香港是更加與眾不同，更加流於生活細節層面，大至政府官方語言、主要傳媒用語，小至日常生活、人際交流，廣東話都是香港的主流語言，故她認為在正常情況下，廣東話不會自然衰亡，「除非係『被衰退』緊啦......」
有指從小以普通話學習中文，可改善寫作能力，利嘉兒直指是很錯的觀念，她觀察過小朋友學習後，得到完全相反的結論：「我發覺好多文筆好、寫野叻的，其實係睇得書多嘅小朋友，唔關佢用咩語言事。」她反而認為不論是寫作或是讀其他科目，如以母語教授，或比使用外語更能引起小朋友的學習興趣。
面對有人認為廣東話族群「自大」的質疑，利嘉兒不以為然，「上海人、潮州人、北京人講的語言都唔同」，她更放眼世界華人，「廣東話喺全世界好多人講緊嘅，話講廣東話是自大的人，其實係無睇過呢個世界。中國咁大，唔通連一個語言都容不下？」
「星爺」周星馳、「發哥」周潤發等人，時至今日仍在內地娛樂市場叫好叫座，利嘉兒指幾十年前內地民眾，以至亞太地區接觸港產片的觀眾，其實都是看他們的廣東話演出：「發哥以前講普通話咩？唔係；星爺以前講普通話咩？都唔係。佢哋啲戲到今日都仲係經典，證明咗廣東話文化有值得人欣賞、值得人鍾意嘅地方。」
不止是影視，廣東歌都曾出現過霑叔（黃霑）等傑出人物，利嘉兒有信心即使再後幾代，他們譜寫的廣東音樂仍然會是經典，「我覺得就算廣東歌、影視衰落，都只會係由我哋自己造成」。
「我比起好多同代香港人普通話叻啲，但好多時有啲廣東話『潮語』會諗唔到普通話點講。」與內地朋友交流時，利嘉兒表示常被問起一些「潮語」的意思，她才發現如「騎呢」這些用語，根本沒有辦法用普通話傳神地翻譯。「廣東話絕對係好到肉，所以點滅呢？除非我地識廣東話嘅呢一代死晒囉……」她對於廣東話的未來還是很樂觀。
發表於 16-1-20 08:55
