世襲生增致超收 競爭恐加劇

ffaye

原帖由 twlo 於 15-11-27 發表
宗教分的問題，主要來自父母。
本人舊年大抽獎，由於原區加舊生有二十分，而母校是天主教學校，如果我去領 ...

我同你一樣。舊生有20分但要抽。點解唔攞埋宗教5分？因為真係過唔到自己嗰關。仔女大左去信主一件事，但如果自己為左小一去偽信一個suppose係信一世既宗教我會覺得係出賣左自己同小朋友。

我唔反對有呢5分，而且教會好寬宏，視任何走向主既，包括為5分而信既都係主既呼召，認為係種左粒種子等待將來發芽。但我自己會睇唔起為呢5分而信，用完呢5分就消失於教會直到永遠既人。

ffaye

原帖由 tkinwong 於 15-11-27 發表
計分制或世襲生的討論年年在教育王國都有。我認為最公平的方法得兩個極端，一是像考私立和直資一樣，個個都 ...

我唔敢大大聲講呢個point,因為本身唔係呢類講求school spirit 學校畢業既未必會明。

响大家怒罵個制度既同時，有無人都為學校諗下？少左一班die hard校友，間學校又點會有咁多人力物力去攪好佢？

ffaye

原帖由 Twongcw 於 15-11-27 發表
回覆 se6b03 的帖子

自行計分同大抽獎的student mix當然不一樣。。。

不能認同更多。

我見過db仔已經做左醫生，到學界比賽會打校呔番工。

呢d就係佢地既spirit,薪火相傳。

ffaye

原帖由 Char_Mom 於 15-11-27 發表
所以我看不出 DSS vs 津貼名校school spirit的分別！

我並無直資同津校有分別既意思，只係咁啱我識既係db仔啫。而且好多直資名校多年前都係派位，亦係依家做醫生嗰班人讀書既年代。

ffaye

原帖由 ajfamily 於 15-11-29 發表
因為有一半位分咗去按居住地址做大抽獎，所以我反而覺得要在大抽獎時加一個限制，即起碼在該區連續住滿1年/ ...

其實計分只係2成左右學額，而個計分制度有人話公平有人話唔係，講到尾大部分人都係企响自己利益去睇。老實講，我覺得學校對自己宗教或舊生有偏好都唔係過份吖！

要鬧不如鬧假地址嗰班人。佢地影響緊4成半學額。大家見到身邊有人用假地址有無拎起電話舉報？定係因為係親戚朋友就另計？唔識既又影響唔到自己所以唔理？响現有制度下，呢d都係大家可以做既，咁最不滿嗰班家長有無挺身而出？

ffaye

原帖由 ajfamily 於 15-11-30 發表
如冇記錯，世襲生這產物是80年代初才出現，因此如果你生於70年代尾前就不是這個制度了。所以我父母有幾個孩 ...

去到呢d時間，通常都會有人好不滿現有既制度，覺得佢地心中既制度至係最公平。

其實每個制度都會有人覺得公平有人覺得唔公平。例如，如果我住12網隔離街住左20年，又係响隔離街嗰間12網既舊生。咁又點至對我公平呢？可能我講遠左，但都想大家開懷d,6月大家睇運氣囉！之前都提過，要鬧不如鬧借地址班人，你要有3,5,7年住址証明？我識人出世紙已經用定假地址報！

ffaye

原帖由 shersiu 於 15-11-30 發表
有兄姐在校讀緊，弟妹必收能方便照顧，合情合理。但父母舊生加5分絕不合理 ...

正如隔離舖都有講，除非你讀私校或母校拆左或後生到母校係直資，否則大家都有舊生分。你講既唔公平係講緊要入某間較出名學校而自己唔係嗰間學校舊生既scenario.

我自己並非名津出生，但就算自行唔夠分去揀名津，我都情願小朋友入自己母校多於其他差不多的小學。其實對母校較有親切感，想小朋友入番都好正常，而學校對舊生相信亦抱有類似態度，所以舊生分公唔公平非常見仁見智。

ffaye

原帖由 shersiu 於 15-11-30 發表
回覆 ffaye 的帖子

名校對於想入又入唔到，當然酸葡萄，我只想帶出一點沒有名小名津一樣可以有成就，如果 ...

100%認同沒有名小一樣可以有成就。小學只係幾歲人仔，所以父母唔插手都唔得，但將來成就又點可以著眼响呢一小處。只需環顧四周朋友同事。唔係名小而位於高處既大有人在。

講到中學大學，呢d已經唔多到我地張羅，靠仔女自己能力了。佢能力係唔得既，比埋嗰10分佢都無用，棧大家痛苦。

至於變直資，反對既可能係因為由25分差不多收硬變要考。而學校就想自己揀學生。我相信同依家一樣，任何一個制度都有人贊成同反對。


題外話，咁大個都仲要以我情意結去幫佢舖排的話，咁佢資質好極有限。

ffaye

原帖由 shersiu 於 15-11-30 發表
回覆 ffaye 的帖子

名校對於想入又入唔到，當然酸葡萄，我只想帶出一點沒有名小名津一樣可以有成就，如果 ...

而且，我相信學校轉直資既原因唔一定係純要揀學生。直資响課程同資源調配上比官津靈活。

好多出名直資既資源都靠校友捐獻。back to the point ,校友對學校有一定既支援。

ffaye

原帖由 shersiu 於 15-11-30 發表
回覆 ffaye 的帖子

中學以至大學雖然唔到父母全權話事，但意見很重要，難道他們不能以父母為榜樣，對該校 ...

難道中學大學都要以住址去揀學校？每個階段有唔同既能力同需要，不能以一蓋全，一本通書諗到老吧！俾佢讀醫，無能力只得情意都無用。

ffaye

原帖由 shersiu 於 15-11-30 發表
回覆 ffaye 的帖子

我又冇講過用住址分大學喎，況且現在升中都可選擇跟住址定係小學校網啦…至於對醫科有 ...

因為你提到中大學都用舊生分呢套小學入學標準，所以我至會提埋住址，因為都係同一出處。

其實我意思只係小學標準未必需要或能夠套入你所提既中大學標準。至於讀唔讀到，大家都知道津小收生小朋友咩程度都有，並非以學習能力收生。相反，升中已用個人成績做標準。所以讀大學入邊科都要靠佢讀得上至為上策。我幫佢幾多分都無用，最多幫佢俾學費。

我未諗到小朋友第時做咩行業。都係嗰句，睇佢能力！

ffaye

原帖由 shersiu 於 15-12-01 發表
回覆 ffaye 的帖子

我覺得計分制不公平是因為好多時都涉及跨區，而教署又鼓勵小朋友就近入學避免舟車勞頓 ...

相信教署要顧及同鼓勵既唔會只係清一色就近上學，如果係就唔應該有直資私校，同埋要派最近嗰間學校，而唔係俾家長揀區內學校。因為點樣劃區都一樣會有人話唔公平。

我唔係名津畢業，老公嗰間執埋，所以用你既觀點我應該好蝕！不過我又唔覺得宗教同舊生分係唔公平。呢度理性討論都會發現有咁多不同聲音就証明無一種做法係可以令所有人覺得公平，所以我既著眼點反而係虛報地址呢個違反遊戲規則既做法。佢地真係會令住九龍塘既派黄大仙，令本來可以响現有制度下可以讀近d既學校既被派到好遠。

又試諗下，全數跟據住址派學校，會否令名校網既租金樓價扯高？

無記錯的話，加拿大大有d省係以居所去決定讀邊間學校。佢地唔會好似香港人睇香港學校咁極端又神校又寶校。學校當中有較好有較不理想，但平均好多。不過近年已經俾香港同中國既移民改變左，都有學校排行榜，亦有家長報假地址去揀學校。要推行你講既方法，我相信要攪掂左虛報地址同個經濟影響至得。

ffaye

原帖由 shersiu 於 15-12-01 發表
回覆 ffaye 的帖子

如你所說住得越近越優先入讀，除了名校附近樓價租金扯高，一線學校附近的公屋戶即使環 ...

唔好誤會，我並無建議越近越優先讀，反而係舉出呢個方法既某d後果。

其實直資，正如你之前既post都有提，當初係有好多反對聲音。何解上面你會提到佢既收生準則無不滿聲音？而且，好多直私一樣有舊生分的。

明白你覺得話廢除計分制最公平，但即是去番你上面寫既第一句，名校網租金扯高，公屋户不退回公屋呢個世襲問題？

不如大家諗下點樣制止報假地址仲實際啦！

ffaye

原帖由 shersiu 於 15-12-01 發表
回覆 ffaye 的帖子

我之前post話津校申請想轉直資時有不滿聲音，而係回應前文有人話學校偏好想收番自己宗 ...

當然明你講的。你想取消部分現有制度，即是自行嗰part,將位放去你覺得公平既現有校網嘛！

我只好說，各人有一把尺。你既公平一樣會成為別人既不公平。要爭辯不如留番啖氣諗下假地址嗰part,應該更有意義。

睇黎條thread其他人暫時都無興趣，而且要講既都講左，我就講到呢度到止為止，亦多謝你既討論。