YORK KINDERGARTEN的評價

Amymichelle

阿女4年前讀York Pn,語境好,老師有愛心!阿女就好開心,但我覺得紀律就一般!

mebb622

York是行國際化，外面國際學校也是紀律一般但happy school，要紀律好搵傳統學校，只可以講冇一間幼稚園係完美，除非你自己開

belgiumchoco

原帖由 Karenlai1101 於 15-11-07 發表
好想問下雜費係幾多？
我見York K1學費都係五千幾，點解咁多人話貴呢？依家私幼通常都係呢D價架啦



  ...

茶點$400幾/月，雜費好似$2000幾/半年，書就另計。到k2仲有cambridge班，$5000幾/3個月。不過以上既都可以唔買。學費16/17年應該$6000幾啦，不過本地班就平幾百。

佢係算貴，但係小朋友真係學到野又讀得好開心。

maggie_fan

原帖由 belgiumchoco 於 15-11-08 發表
茶點$400幾/月，雜費好似$2000幾/半年，書就另計。到k2仲有cambridge班，$5000幾/3個月。不過以上既都可以 ...

其實係咪真係啲人講到咁commercial?

mebb622

你所說的commercial定義是什麼？學費貴？週街都咁貴，咩都係錢？你有權自由選擇唔報，你情我願

Karenlai1101

其實私幼價黎講都唔係天價姐，唔知點解D人講到天價咁 -.- 我見維記一個月都七，八千學費，末計雜費，但冇人話維記天價
請問校車點差法呀？等我心中可以有個底，唔該!
我女係細B，仲要被動型，被人打，推，扯，搶嘢都冇反應，都有少少擔心呢間學校會唔會照顧到佢，始終佢地一班咁多人

maggie_fan

原帖由 mebb622 於 15-11-08 發表
你所說的commercial定義是什麼？學費貴？週街都咁貴，咩都係錢？你有權自由選擇唔報，你情我願



  ...

我就係想了解間學校先問下係點，知就唔會問啦，我好鐘意呢間學校，但啲人話學費貴之餘（我覺得價錢合理），仲有好多野要比錢，但又唔講係咩要比錢。講真5300蚊學費學到咁好英文我又唔覺貴。好似之前有人話細到連個花盆仔都要問家長拎返錢，所以好想用家會講下啲收費

翠B

我都想知

mebb622

Pn 除咗學費，雜費書簿及校服，再冇其他費用要交，課外嘅野自行選擇報唔報

Madambarbie

我係用家，2歲小朋友返學好開心，放學又會話你知上堂唱咩歌食咩茶點，英文進步得好快，一句完整句子講得出，簡單英文對答無問題，班主任幾好，有問必答，一分錢到分貨，私幼價錢黎講又唔係貴，commercial咩，我一啲都唔覺，行政係亂啲，但無影響小朋友

Yang81

原帖由 Madambarbie 於 15-11-09 發表
我係用家，2歲小朋友返學好開心，放學又會話你知上堂唱咩歌食咩茶點，英文進步得好快，一句完整句子講得出 ...

請問係咪好多大6人讀呀？我最後個日in有超過一半人講普通話

Madambarbie

有但唔多，一班都係幾個，啲大陸人家長都無咩野

belgiumchoco

原帖由 maggie_fan 於 15-11-08 發表
其實係咪真係啲人講到咁commercial?

收費大致上係咁，咁你自己睇係唔係commercial,人人定義唔同

belgiumchoco

原帖由 Karenlai1101 於 15-11-08 發表
其實私幼價黎講都唔係天價姐，唔知點解D人講到天價咁 -.- 我見維記一個月都七，八千學費，末計雜費，但冇人 ...

住何文田或者九龍城都可能要1個鐘車程，住遠d係會個幾鐘，仲要返學遲到，放學校車比原定時間遲半個鐘以上都未必會通知你。開學頭1、2個月車程可能會長達個半至2個鐘。投訴都未必有用。不過呢d講運氣，唔係架架車都差。

同埋佢唔會有街車/保母車，只得校車，你唔滿意校車就只可以自己接送。

除左校車同學費雜費外，其他都好好既

belgiumchoco

原帖由 Yang81 於 15-11-09 發表
請問係咪好多大6人讀呀？我最後個日in有超過一半人講普通話

好少，有都係有教養既，唔係平時自由行見到果d

maggie_fan

原帖由 belgiumchoco 於 15-11-09 發表
好少，有都係有教養既，唔係平時自由行見到果d

我仔面試果日，個b6睇得出係好無教養，佢個仔應該有5，6歲，唔明點解仲in k1...係會場不停大聲講野，入到課室等面試果陣又爭人玩具，扯到失重心成個玩具車埋我囝塊面到，最重要係佢阿媽覺得無問題

maggie_fan

原帖由 mebb622 於 15-11-08 發表
Pn 除咗學費，雜費書簿及校服，再冇其他費用要交，課外嘅野自行選擇報唔報



  ...

咁好正常，間間都係收呢啲。我就係唔明點解啲人話好commercial...反而我囝好活躍，周圍走，啲人話呢間紀律一般，我就即刻覺得啱我心水要我個囝讀果啲坐係到唔比郁只會迫傻佢。我想問5間分校係咪都大同有outdoor playgorund?因為我地in果間聽講係國際班，我囝好鐘意。但本地收左我地，唔知到時個校舍係咪差好遠

belgiumchoco

原帖由 maggie_fan 於 15-11-09 發表
咁好正常，間間都係收呢啲。我就係唔明點解啲人話好commercial...反而我囝好活躍，周圍走，啲人話呢間紀律 ...

應該間間都有outdoor playground, 呢樣係佢既優點。

小豬mama

York小朋友雖然活躍, 但不代表紀律差, 因為老師有方法令他們坐定定上堂, 上堂時全部都乖乖

至於你話校巴, 因為九龍塘區既交通問題, 有時真係會大塞車, 姨姨未必有時間逐一回電話, 但我自己坐咗4年校巴, 除咗一個姨姨表現不太積極之外, 其他全部好好, 好錫小朋友

另外你話花盆仔, 係參與的一人一花計劃, 係雜費表上可以選擇買或不買, 如果不買你可自己帶個花盆回校一樣可以, 不過只係十幾蚊, 你自己出去買都要啦!所以我買埋

fy309

原帖由 Yang81 於 15-11-09 發表
請問係咪好多大6人讀呀？我最後個日in有超過一半人講普通話

可以卑到咁貴學費的大陸人家長，應該質素都唔低吧