派了測驗卷，歷史新低

little_yolky

grandmalolo 發表於 15-11-4 12:03
回覆 sasafan 的帖子

樓主介不介意講小一、小二之成績。同小一、小二比較跌了有多少？ ...

我唔係樓主, 不過可以講吓, 阿女小一同小二, 只有數學跌咗1X分而已。今年數學升咗1X分, 但中英文就............

洋蔥頭媽咪

原帖由 hugub 於 15-11-04 發表
我中文都死左... 唔合格

好彩未係呈分，仲有成個學期，大把時間追

hugub

洋蔥頭媽咪 發表於 15-11-4 13:10
好彩未係呈分，仲有成個學期，大把時間追

我 target係直資, 今次瓜多過菜

YolandaTam

我哋升中學部係小五上學期開始呈分

musickwong

升班後第一次測驗跌Watt 好普遍。下次再努力！加油！

YolandaTam

原帖由 hugub 於 15-11-04 發表
我 target係直資, 今次瓜多過菜

定啲嚟，英數掂拉得返，學期尾睇睇排名先。

小時了了

IloveJJ 發表於 15-11-4 09:32
我都開始咗，佢係衰科英文，其他科係衰唔小心，我話:阿媽幫你唔到啦！英文:我俾佢揀出去學返RWI,定自己睇書，咁佢梗係揀自己睇，我要求佢重新每晚睇既習慣，咁我會靜靜雞將佢問過我既字寫低，再問返但點解，等佢真係睇完會識一啲新字;另外，要求佢週末寫一篇60字以上既野，乜都得，希望佢寫多啲會好啲!

little_yolky  但係小朋友你叫佢寫乜都得我發現唔work,佢哋初初會不知從何入手。

之前有個帖我覺得分析得唔錯 (利申, 我有買些少練習補充俾小女"增潤"下的
分享: 各出版社的練習深淺: http://www.edu-kingdom.com/forum.php?mod=viewthread&tid=3094530&extra=&page=1

"英文 Writing": Creative Writer Book 4, 5 & 6: http://www.step-one.com.hk/index.php?route=product/category&path=88&page=3, 我自己由阿女小四開始, 用呢本阿女自己係屋企作4幅圖嘅看圖作文, 每一至兩個星期要阿女作一篇, 阿女都作咗年幾, 佢係作喎.

sasafan

原帖由 grandmalolo 於 15-11-04 發表
回覆 sasafan 的帖子

樓主介不介意講小一、小二之成績。同小一、小二比較跌了有多少？ ...

中文跌了20分

小時了了

IloveJJ 發表於 15-11-4 13:58
Thanks!我去睇下。其實我都有呢類練習，每仔每次考試前，我都俾佢做一兩個，佢作文唔係差，content,organisation,bonus都滿分，只係grammar那3/4分，永遠0分!所以先想攪攪佢。佢做學校啲grammar練習無問題的，只係自己寫時，就唔啱。用錯tense,文法錯咁囉！如果我唔要求攞埋嗰幾分，其實都無野既。只係今次見佢有唔小心，又因為文法扣分，而閱讀理解扣分，才想睇下點攪啫!或者我太心急

其實, 妳另一個帖我都有追睇, 我未有時間回應妳.

純個人自己教女方法 --------我自己係每次阿女作完篇英文作文 (無論係學校嘅家課, 抑或係我要佢係屋企自己嘅), 每一篇文我會睇完後, 知道邊度有錯 grammar 我都會有錯嘅逐句問返佢個句 grammar 有錯, 我會問返佢錯咩野. 阿女再睇真啲, 我都未講錯咩, 佢好多時都會即時自己知錯第三身無加 s/es/ies/ys etc 又或眾數可數名詞無加 s/es/ies/ys etc, 又或作緊過去式, 無啦啦自動轉 mode 變現在式咁. 深少少嘅 adjective 及 adverb 放錯句子內的位置咁, 仲之, grammar 咩野錯都可以發生 (未計串錯字了!)

小四後期, 佢每次英文作文我都要佢自己對 grammar 一至兩次, 到我睇時, 已經無咩 grammar 錯了.

MashiMaro

我大仔的成績都好似過山車, 好不穏定
小三同小二無疑是有一個gap, 所有卷都由考35mins, 變了考45mins
份卷長左, 答的東西多了, 深了, 要思考的東西也多了
上年小三, 中文(最弱)跌了10分, 英文(他最強的科目)跌了幾分,
數學跌了1x分(跌到6x,7x), 連常識都得返7,8x分,
成績前所未有咁低, 心情跌落谷底

思前想後, 小三還小, 前面仲有很多大大小小的考試, 唯有努力跟貼D
不知是亞仔開竅, 還是獎勵計劃生效,
他次次至少都有10分不小心, 但今次改善了一部份
他上年跌落谷底的數學科, 小四竟然 100分, 實在令人難以置信
其他科 - 中文 8x, 英文接近90, 常識 9x
總算老懷安慰, 希望亞仔繼續努力, 唔好再咁飄忽,
我實在受不了咁驚嚇

大家努力呀............. 漫漫長路....... 一起加油

little_yolky

MashiMaro 發表於 15-11-4 14:31
我大仔的成績都好似過山車, 好不穏定
小三同小二無疑是有一個gap, 所有卷都由考35mins, 變 ...

睇完你既分享, 我都安慰咗D, 起碼阿女其他成績無差, 只係中英文衰咗, 數學仲有大躍進。自己安慰下自己, 個人無咁down

S-Kwok

原帖由 IloveJJ 於 15-11-04 發表
Thanks!我去睇下。其實我都有呢類練習，每仔每次考試前，我都俾佢做一兩個，佢作文唔係差，content,organis ...

做grammar練習無問題，可能因為做練習時，嗰part只需著眼於grammar, 所以可以做得好小心，甚或唔錯。但writing唔同，嗰focus可能落咗係組織、內容，aware唔到要加s等問題，所以grammar會錯。

little_yolky

IloveJJ 發表於 15-11-4 15:00
我都係睇完呢個帖，安慰咗好多!所以，有時傾下都好!

不過今次既分數風暴, 都可以話係塞翁失馬(又响度安慰自己ing)。

雖然無鬧, 但阿女當然知衰, 佢好似乖咗, 聽講咗。前兩日教英文功課時, 佢唔識解ingredients, 我提佢佢有好多字都唔識, 要睇多D, 佢又多多借口, 咁我即刻順手攞起枱面包餅乾, 同佢講：阿女, 呢度係香港, 幾乎所有嘢都係中英對照, 你睇吓, 呢度咪有ingredients呢個字, 有心想學好多地方都學到。佢即刻笑笑口無博咀。

噚日, 佢又同我講, 佢好羨慕同學仔, 因為媽咪係講普通話的, 我即時轉channel用普通話同佢講, 你阿媽其實D普通話都好好, 如果你想, 我可以响屋企同你講普通話練習的, 佢笑得好開心。雖然佢仍然係EQ咁高, 覺得仲有好多同學仔衰過佢, 但好似著緊咗自己既學習咁。真係好事嚟。

longlokma

原帖由 little_yolky 於 15-11-04 發表
不過今次既分數風暴, 都可以話係塞翁失馬(又响度安慰自己ing)。

雖然無鬧, 但阿女當然知衰, 佢好似乖咗,  ...

你識普通話阿女唔知架咩？

little_yolky

longlokma 發表於 15-11-4 16:57
你識普通話阿女唔知架咩？

佢無要求我教佢喎。人哋無要求主動去教人, 驕傲喎。

平時只係教佢說話口試D普通話詞語而已。但無同佢用普通話長時間交流過。