請問有冇人讀緊新加坡國際學校？

elmostoney

如果唔係幼稚園讀上去, 考小一入學時已考卷.  我個女幾年前考過, 開頭有少少熱身時間, 跟住要讀下簡短英文故事書, 認中文單字, 然後就係考卷.  印象中我個女入左去成2個鐘起碼先出返來.  每個人都唔同, 我個女考時五歲幾, 覺得幾攰的.  佢地係認真揀有能力或程度的學生, 所以學術上, 即使係低小, 肯定係有一定要求.  後期我個女插班y3考英基 (即SIS Y2), 面試好簡單好快, 同校長傾下計, 讀小小英文書, 寫一段簡短英文就得, 頭尾都係15分鐘.  英文唔係有問題, 基本上已收梗.

elmostoney

rechow1111, 相信你插班k3會有難度, 因為k2都直升上k3, k3只加好少位.  我相信jane1983會更清楚.  

佢地小一都唔少人考的, 但基本上又係k3直升小一, 所以新增的位好少.  我聽完阿女講, 佢地小一入學試著重英文多於中文, 中文考得好淺, 但已係幾年前的事了, 而家唔知有冇改變, 因聽聞佢地對中文要求近年有所提升.

如果你的立場係入唔到 sis 就寧願讀返 ls 又或幼稚園有小學直升, 咁你只考sis冇所謂.  但如你係想入is, 建議你多考幾間.  sis本來就多人爭 (基本上所有中文比較好的is都會特別多人考), 插班的話機會就更細.  唔好忘記, 星加玻籍小朋友有priority, 只要個小朋友學習能力正正常常, 被取錄的機會一定比本地學生好.