2014年10月細B係咪唔應該讀PN?

pugusan

好多學校都唔俾細B今年報名讀2016的PN。有些就算俾你報名，但就要等BB足兩歲（即出年開左學兩個月後），而當時有人退學先或者俾機會你interview。

俾你咁好彩做到插班生，其他小朋友已經一早適應晒，怕會好難追（唔係指學習進度同成績，純粹係適應新環境問題）。

其實，我應該等一年先報PN，俾佢做超大B，定索性唔鬼讀PN，等出年直接報K1？

K1之前就帶佢上吓playgroup（冇年齡限制），等佢接觸吓其他人，叫做學吓野咁。

有冇人會咁做？齋上playgroup足唔足夠令佢通過到K1的interview呢？

有冇細B家長可以分享吓自己之前係點做，同小朋友現時學習情況？多謝呀！

little.tree

我小朋友係10月細b, 我簡左做超大b黎緊8月開始返pn, 一直有返一星期一日既playgroup, 上年pn, k1都有考，其實interview考既野我個人覺得分別唔大，如果想考明幼，個人認為有上playgroup既的確會有幫助。

pugusan

多謝分享!
咁最終考唔考到K1? 如果考到, 點解選擇俾佢讀PN做超大B, 而唔就咁入K1?

little.tree

唔好客氣 ^^
考左3間k1，佢係細b, 當然係全部唔收啦，預期既結果，都係比佢攞下經驗，pn因為佢係大b喇，幸運地全收

koey329

原帖由 pugusan 於 15-06-03 發表
好多學校都唔俾細B今年報名讀2016的PN。有些就算俾你報名，但就要等BB足兩歲（即出年開左學兩個月後），而 ...

而家有好多學校已經改左比個preparation class細B上，上到明年一月就全班轉做pn，咁就解決左插班問題

pugusan

唔係好明呀, 咩係preparation class? 有邊啲學校係咁做?
咁preparation class係幾時開學, 幾時報?