我應唔應該放棄民生幼offer?

TWINSTARSBB

收到民生幼稚園offer，原本好開心的，我們住沙田，我同老公一心係諗住大抽獎的，因為沙田中小校網都唔差，加上有個細b, 如果2個小朋友都讀私，9年私校會好吃力，自問只是普通打工仔。

但面對龍年小一競爭，放棄怕會後悔，確實佢讀書環境真係好好。加上現在只有3個offer係手，沙田嘉德麗，又一村(學券應該唔會考慮了，怕學術唔夠)

有冇媽媽可以比啲意見我呢？多謝您

snow228

今年民幼8仟幾人考，你小朋友好叻！

lauwingtai

TWINSTARSBB 發表於 14-12-11 13:57
收到民生幼稚園offer，原本好開心的，我們住沙田，我同老公一心係諗住大抽獎的，因為沙田中小校網都唔差， ...

如果係我, 我會照讀民幼, 升小再扣門, 如你有20分, 又可玩埋自行。

民幼學術好, 扣門能力應該頗高的, 當然唔好只扣沙田啦! 沙田好多111, 九龍區照扣, 總有間收的, 眞係唔好彩無間收, 先讀民小囉!

TWINSTARSBB

原帖由 snow228 於 14-12-11 發表
今年民幼8仟幾人考，你小朋友好叻！

多謝，都係好彩啫

TWINSTARSBB

其實我未知小學個玩法，一般官津叩門位係咪好少?

TwinWong

叩門位年年唔同, 如果果年出生率越高, 叩門成功率就極之微

cocokiss

如你沒有更好的offer, 千祈不要放棄民幼！
民幼有升學保証，學術又okay, 又有外籍老師。難得考入，放棄真係好可惜。
有些學校是收費較低，可是你要自己出去補番英普，更大大浪費金錢，還有時間！

TWINSTARSBB

原帖由 cocokiss 於 14-12-11 發表
如你沒有更好的offer, 千祈不要放棄民幼！
民幼有升學保証，學術又okay, 又有外籍老師。難得考入，放棄真係 ...

呢個都係我想揀私幼的原因，學券平左學費之後，如果出外補英文，其實條數差唔多，仲要小朋友咁細，就上學術上的班，仲未上計上興趣班，搵人帶都係一個問題。

其實係咪可以以同一方向諗小學呢？即係私校始終有保證?

hobby

認同上面大家所講, 就算叩唔到門, 小二考返插班, 沙田都好很多不俗的小學, 要插入應該不太難

herman0114

不過樓主要留意，民小不是百分百保證收民幼學生，聽說只得五至六成，建議爬文及搜集多些資料。

lauwingtai

TWINSTARSBB 發表於 14-12-11 14:34
其實我未知小學個玩法，一般官津叩門位係咪好少?

扣門位係好少, 但你已拎住民小offer嘛! 扣門係風流波, 扣到正野, 慳番六年民小學費, 扣唔到就照讀民小。

如你讀嘉德麗呢? 大抽奬抽唔到正野, 你咪又係要扣。今時今日, 係沙田區抽到跟民小級數接近嘅小學, 機會最多三成幾, 我就唔會博。

cocokiss

回覆 TWINSTARSBB 的帖子

你係記緊升小學那場仗，競爭好大，好辛苦！民幼保証升小的％在龍校中算十分高！我朋友當年有宣幼，民幼，拹恩 選擇，她選了拹恩，今天好後悔。拹恩只收番四成左右，民幼好似收九成
有這九成保障，你和你的孩子所受壓力會少好多！

熊牛不兩立

cocokiss 發表於 14-12-11 15:12
回覆 TWINSTARSBB 的帖子

你係記緊升小學那場仗，競爭好大，好辛苦！民幼保証升小的％在龍校中算十分高！ ...

好奇想知, 協恩收協幼有四成咁多?? 有咁多叩門位??

mimibama

我都想請教一下, 我个系龍年大仔, 我地有25分自行港島区一間二線資助小學, 如果遊戲規則不変应該入硬, 可惜呢間学校據聞谷谷地, 現有一学卷和一私校幼稚园 offer, 傾向讀学券, 抵好多同小學已有着落想他幼稚园happy d, 我地亦吾 target 私小, 但又怕上到小一好辛苦, 私幼我地系負擔到的, 学術環境也較优勝, 好難決擇

lauwingtai

TWINSTARSBB 發表於 14-12-11 14:34
其實我未知小學個玩法，一般官津叩門位係咪好少?

如果你唔考慮又一村, 其實得A、B、C餐之嘛!

A餐
民幼三年
有機會直升民小
自行照報
大抽奬XXX
照扣門(無111)

B餐
民幼三年
民小唔俾你直升
自行照報
大抽奬照報沙田
照扣門(有111)

C餐
嘉德麗三年
自行照報
大抽奬照報沙田
照扣門(有111)

因此, 我覺得你只需和你先生商量幾樣東西:
1) 有機會直升民小 vs 大抽奬沙田, 邊樣吸引? (要注意沙呂、一呂、培基、聖心、沙官等名校, 大抽奬機率最多三成幾)
2) 如將來要扣門, 民幼定嘉德麗出身, 邊間勝算較高?
3) 如讀了民幼, 將來大抽奬無得111扣門, 肯唔肯?

cocokiss

回覆 mimibama 的帖子

個人認為你有一間25分”入硬”小學作後盾，你該選學術和環境較好的私幼，打好底子，小朋友日後不用咁辛苦。私幼其實不會有什麼壓力，而且環境一般較好，活動教學，小朋友會好開心。
至於你那間二線資助小學"谷谷地"，你更不用多煩，本地學校沒有那所是不谷的，打好底子，有”入硬”小學作back up, 日後可考更好旳學校！

hongk

TwinWong 發表於 14-12-11 14:45
叩門位年年唔同, 如果果年出生率越高, 叩門成功率就極之微

oh my gosh! My two kids were born on the peak years.

cocokiss

回覆 熊牛不兩立 的帖子

拹小收番拹幼的％越來越小，我朋友那年巳縮至四成，我朋友以拹幼身份再去叩門，可是不成功！

TwinWong

cocokiss 發表於 14-12-11 15:12
回覆 TWINSTARSBB 的帖子

你係記緊升小學那場仗，競爭好大，好辛苦！民幼保証升小的％在龍校中算十分高！ ...

係協恩幼, N年前得2班, 上到協恩小無20個, 唔知依家仲係咪得2班, 盞搞

cocokiss

協幼教得淺，收得少，如被踢出來沒有競爭力，好慘！
小學抽到入去就著數