堅道真光OFFER

Angelice

今日收到堅道真光既OFFER信啦!! 我住太古...報下午班收下午班OFFER!! 好開心呀!! 會係呢幾日放返之前留LLC既位出黎比其他小朋友!! 祝大家好運!!!

Angelice

回覆 skyline7471 的帖子

OH!! SO SORRY TO HEAR THAT!! >.<不過如果真係喜歡呢間學校...就一定要寫信...仲有機會既!! 加油!!
我囡囡係2月大B...IN完咁多間幼稚園...堅道真光面試佢係表現得最合作同理想既一間...係我最大信心既一間...所以有OFFER真係好幸運亦好高興!!

Angelice

skyline7471 發表於 14-12-8 16:35
唔好意思！咩嘢係LLC 位呀？ by the way,  恭喜你有offer

多謝你!!! LLC - 靈糧堂幼稚園

Angelice

gingerrice 發表於 14-12-8 18:51
回覆 Angelice 的帖子

恭喜LLC 都好好wor, 也是 pm 嗎？分享下點解prefer 堅真

因為我一個人奏兩個小朋友...姐姐現在是一間直資小學既2年級生...所以我幫妹妹報幼稚園K1全部都報下午班...自己覺得咁樣對佢地兩個既單對單時間會多D好用D!! LLC也是一間很好的學校!! 只不過...我地一家人都冇咩抽獎運...加上姐姐間學校一樣要考...主要睇小朋友自己既表現...所以我個人認為...無論讀邊間幼稚園都好...到K3搵小學既時候...我都一樣會報考返聖心、聖嘉勒同真光...既然係咁...呢幾間小學既幼稚園係我既首選!!

IN堅真既時候..小囡好合作...老師講故事果PART...佢係坐後排最側邊既位...當時有兩三個小朋友走來走去...仲有個家長為佐安撫自己個小朋友返埋個位度...係阿囡左前面度少少阻住佢...但係阿囡都好乖...自己向右邊側側身聽老師講故事...仲有舉手比反應...之後上課室老師叫做既TASK都做啱哂...而且問問題佢都有答(不過答得好細聲..好彩老師都有聽到)...最估佢唔到既係...老師比小朋友拎食物果PART...阿囡竟然冇拎D生果而係拎都甩(果刻我心諗...OMG!)...老師問佢係咩食物..佢竟然識得答都甩!! 我之後諗起...家姐好耐之前食過一次..佢記得!! THANKS 家姐!!

IN LLC...老師講故事同唱歌呢兩PART...佢一樣坐定定比反應...走既時候都有望住校長講再見...不過老師單對單呢PART...佢又係答得好細聲...同老師有少少互動..好快就完!

Angelice

lovebb2 發表於 14-12-9 15:04
如st clares同 堅道真光，你會揀邊間？  thanks

除spk之外...其實聖心、聖嘉勒同真光真係幾難揀...因為各有各優點! >.<我個人會排真光先...因為我大囡d英文唔需要我擔心..不過中文就...(滴汗)
英文係坊間都好多唔錯既補習班同興趣班學...而且英文打好phonics底的話...問題唔會太大...反之中文真係好難學好!! 一定要靠小朋友自己多睇...多寫...多讀...真光中文出名教得好...亦比較著重中文既一間...所以經歷過大囡之後...我自己偏向真光幼稚園多d!!
加上堅真小班教學...下午班只有24個學生上課...十分吸引!! 有學卷之餘...每日仲有net教英文!! 以上真係好少學校可以做到! 非常欣賞!!

Angelice

tszfengmama 發表於 14-12-11 10:29
回覆 jessiejy 的帖子

不過我家人話我太忍心，小朋友k1就要返全日

我個人覺得...如果父母都要返工的話...小朋友返全日對小朋友係好事!!

Angelice

回覆 zoewong426 的帖子

係呀...中文真係好難自己教同學...我大囡淨係會認真比心機做學校功課...我比果D佢就懶懶閒! 雖然我唔認識讀堅真既小朋友...不過當年我認識一個讀坑真既...佢既中文真係幾好架...而我大囡好好彩...當年考到港大同學會小學!