回覆 龍校之友 的帖子
每個人對“商業化”嘅定義都唔同，無話對錯，起碼你有講具體例子，人哋接唔接受你嘅觀點，咁當然尊重大家嘅決定啦。就好似尋日一位jm同我講，唔系所有喺入邊讀嘅人都鐘意間學校架嘛，只要你系真正嘅用家，歡迎你表達你自己嘅意見。Right? 系我嘅角度，我就唔覺得佢嘅運營唔算太商業化。
（1）明慧本來就係一間“私立獨立”學校，如果大家比較，請用其他同類型的Private Independent學校比較，而且，佢無宗教信仰，即係都無教會嘅支援。所以，如果攞D非牟利或者宗教背景嘅學校來同佢比較，資源同支援嘅程度都唔同，我覺得對佢唔公平。
（2）就學費上來講，明慧全日班系08:00-18:00架，咁長嘅時間，咁嘅價錢，我覺得值得。從另一方面來講，你唔覺得學校都算為家長著想咩？我當初都有考慮過讀全日，因為我可以送女女返學，再返工。再同公司申請早少少放工，下午6點去接女女。唔系咁多間學校provide到咁match到在職家長嘅全日班。
（3）旅行方面，都有jm講咗，呢次系由旅行社去搞嘅，包車+導遊+一套禮物。旅行社又唔系善堂，如果佢唔賺錢，佢會唔會接呢單生意吖？大家凈系話學校賺錢，有無計過，旅行社都會賺呢？
（4）就課外活動來講，如果佢系咁commercial，佢一定會比D宣傳單張我哋，同我哋講，有咩活動，歡迎大家參加啦。但係，我喺北角校區，如果唔系通過呢張post，我都從來唔知道學校有舉辦D咩課外活動，學校sell都無sell過我哋。
（5）其他活動，我開post時都有講過，連D party啊之類嘅，我哋家長，多數時間，連小禮物都唔需要準備，又唔需要額外比錢，所以我feel唔到佢commercial。
所以咧，你要一間學校無宗教背景嘅私立幼稚園，辦得好，辦咗咁多十年，師資又要好，但係，少少錢都唔比佢賺，就好似你想你老婆，又要靚又要有錢又要同你生返幾個又要聽話勤力咁，比較唔現實。
當然，可能真係有咁正嘅學校，歡迎大家攞出來分享。
最後，我唔覺得明慧有輸送D咩唔正確嘅價值觀出來。希望你小朋友可以考到心儀嘅學校。因為喺一個你唔中意嘅地方日對夜對，真係唔好受。 | 
發表於 14-12-3 21:05
