派位制度

瑩瑩老豆

piggymonkey 發表於 14-11-28 13:51
回覆 gk678 的帖子

total agree with your point

仲有一個case係太遠, 我讀果間小學拆左, 我老婆果間又太遠.

瑩瑩老豆

piggymonkey 發表於 14-11-28 13:55
回覆 se6b03 的帖子

認同, 宗教應計父母, 唔應計小朋友, 學校是父母揀, 什麼認同辨學理念都係父母想法, 小 ...

我見過有人真係在K2 部署返教會領洗攞宗教分, 入到后就過左海係神仙.

lightingchung

宗教點解無分？ 辨學團體比錢資助起學校，又要比錢資助學校曰常運作，又要管行政。(係有人為入學校而入教，這是個人人格問題，但亦有可能最後這人信奉了這教)

校友又點解無分？ 如果校友是名人，學校都偷不少光，仲有你以為校友畢業後，就不用幫學校嗎？其實學校有好多活動都會邀請校友參與及幫手，e.g.有一次為了學校換上冷氣機，校友舉辦籌款。(你覺得校友無分，是不是因為你畢業後從沒關心自己學校吧)

現在只因自行分不到，就在說不公平，不如正面一點想一下大抽獎的策略。

再次利申:自行失敗

piggymonkey

其實我覺得現行制度除咗限校網之外，真係無乜可爭議的地方
宗教/社團分 和 校友分某程度上係回饋俾曾為學校作貢獻的人，辦學團體要出錢起學校和營運，d 錢邊度嚟，宗教學校大部份都係靠奉獻俾所屬教會，再由教會撥錢俾學校，反而我認為定義應該收窄，你受洗係聖公會，斷估供獻都係俾返聖公會，咁你自行浸信會學校就唔應該有分
校友分之前已有jm 講，就算你畢業後無實際出錢出力幫過學校，但身教也好重要，點解咁多人想讀LS/ King's, 十居其九都係覺得佢形象好，形象咪要由人keep,  咁回饋校友都好正常
反而我覺得要廢校網制，橫掂你又俾人不限網自行，又可跨區，仲有可申請直資私小(斷估好少直私咁岩係你樓下同網啫),  一早都無最近入學原則，應該改為自行時選同網有分加，跨區無分，你明知跨網自行難入d 都去博，咁無計到大抽獎時就應該不限網，全港一齊抽，而家抽完唔岩心水d 人都狂叩門啦，最多咪引發全港叩門潮

pokeylai

回覆 piggymonkey 的帖子

自行同網加分-like 這概念；但全港大抽獎不敢苟同啦，我相信有家長不架意學校距離，但大部分都想就近入學

little_yolky

piggymonkey 發表於 14-11-29 06:23
其實我覺得現行制度除咗限校網之外，真係無乜可爭議的地方
宗教/社團分 和 校友分某程度上係回饋俾曾為學校 ...

你點可以話現制度無乜可以爭議！

我就認為所有計分方法都係可以的, 各有各的需要, 佢哋既出現一定有其歷史背景, 唔可以輸打贏要。但我最最不滿既係有乜理由我哋大抽奬時要攞晒地址證明, 就算有兩間屋都話唔得, 又要拉又要鎖咁, 但跨境學童就可以唔受限制(好彩今年有個跨境網都好咗少少咁多)。我認為既然大抽奬係要限地址, 咁佢只可以參與甲一, 唔得就要等到大家有地址既都抽晒, 佢哋至可以抽, 因為講明乙部係要跟學童「通常居住址」。


另一個係強烈要求教署規管所有直私學校都要上報收生名單, 禁止家長一人hold幾個位, 要有一個放一個。唔可以hold位hold到天光。


最後係要求教署強烈規定全日制學校下午要有功課堂, 尤其係一日十幾樣功課既學校。小朋友番足一日學, 放學仲要做, 仲慘過番工, 無晒私人時間, 影響身體及心理健康。放學就係玩、溫書、hea、閱讀既時間, 即係做乜都得, 唔係剩係做功課。日日做到無停手, 做做無停手, 「只」有食飯既時候, 透一透透一透。

BABYBABYBK

父母有情誼結，當然想自己仔女入返自己學校，這點我明白。但我覺得宗教如在小朋友未出世前己領洗就可再加多五分，又或者是派位兩年內領洗的不計分就好一點！

Carsonsh

認同gk678嘅論㸃!