罸企

Jane1983

一開學就罰，罰好多次，係吾係幾好，始終剛開學，要比時間適應。

不過，如果小朋友係曳（推枱、擲嘢、打人...），老師讓佢冷靜吓，亦吾係壞事。揀得學校，多少要信任佢教到小朋友，再觀察吓，開導吓小朋友。

catcatma

K1咁細個，剛剛返學唔識守規則都正常啫，老師應該循循善誘先啱喎！都要比D時間（一至兩個月）小朋友學習守規則同適應幼稚園生活。罰企係門口?相信每位老師當年係教育學院師訓時係學鼓勵幼兒做正確行為，唔會用罰人處理幼兒的行為問題，試下份論文寫罰人呀！唔駛畢業！

catcatma

（個人分享）有經驗、耐性、愛心、包容的老師會有效地管理課室常規、有技巧地處理幼兒的不當行為，甚至沒有機會讓學生做出不當行為，就是一開始循循善誘、給予幼兒正確適當的指示，學習做正確的行為，不會罰人企囉！

lammanni

原帖由 catcatma 於 14-09-06 發表
（個人分享）有經驗、耐性、愛心、包容的老師會有效地管理課室常規、有技巧地處理幼兒的不當行為，甚至沒有 ...

但係好似我個仔咁，比同學打面如果老師唔罰佢你又点睇？老師唔會因小為而罰學生嘅

catcatma

原帖由 lammanni 於 14-09-06 發表
但係好似我個仔咁，比同學打面如果老師唔罰佢你又点睇？老師唔會因小為而罰學生嘅



  ...

打人面者一定要教，老師亦要高度重視，首先就要了解下個小朋點解打人面先?爭玩玩具?定爭排隊?或其他原因？當然要這打人的小朋友一定要向人道歉，讓他知道打人唔啱不能解決問題，例如打人原因是爭玩具就要教他分享，或是要他暫停玩玩具數分鐘看看別人如何一起玩玩具了，或到安靜椅坐下冷靜一下，我的意思係起初K1剛上學係要比機會小朋友學習常規，未需要一來便罰企在門外，多數小朋友口頭說教也漸能做到守規則，如果你是小朋友，老師話：「你咁曳去罰企啦！」定係「你坐底看看別人如何玩，這樣玩（請幼兒說出來如何玩）就是分享、老師：「識分享就有得玩返玩具啦！」（指示他做正確行為）」邊種做法能有效改善行為呢?
當然如這小朋友持續地打人就可能要與其家長溝通下，関注下有否另外特殊原因，如社交障礙、過度活躍、家庭問題等。

cscsmlkyh

唔肯定咁係咪正常，但我幾唔讚成咁做，事實係，小朋友咁細，可以先循循善誘，而唔需要一開始就罰

dlee_ca

唔罸得？可以退學。

lammanni

我個仔話個同學成日打佢，老師都有打比我，到最後係給我個仔掉位，其實老師有冇罰嗰位同學我就唔知喇，只不過我覺得老師係唔會隨便罰學生啫，老師罰自己個小朋友做父母又點會唔心痛，但比人打嗰陣時又開個post問老師點解唔罰個小朋友㗎啦！不過我都明白樓主嘅心情嘅……

Jane1983

而家可能係太錫定係點，見過有小朋友返學大吵大鬧、連環打老師幾巴，好失控吓...冷靜吓係必須的。

victoryu19

punishing a young kid in front of a crowd, to me, is humiliating the kid (which may affect his confidence).

豬脾

我個仔都有試過N班俾人罰, 仲要係老師打俾我同我講, 因為當時我個仔唔聽話, 老師話佢, 佢大喊唔肯收聲, 老師話佢嘈到其他小朋友上堂同影響到其他小朋友嘅情緒, 所以帶左我個仔去隔離房冷靜。至於罰企都試過, 我覺得小朋友返學係學紀律, 所以老師一定有佢個套方法教同處理, 我地要信任老師，我只反對體罰。
我反而覺得個仔唔乖有D唔好意思。

heidya

anna001 發表於 14-9-5 15:48
因我小朋友剛剛開始说話，没有發生根本說不出來

甘要同學校了解下, 如果係事實, 甘細體罰就不應該....

novelle

catcatma 發表於 14-9-6 13:47
K1咁細個，剛剛返學唔識守規則都正常啫，老師應該循循善誘先啱喎！都要比D時間（一至兩個月）小朋友學習守 ...

很同意你的講法！正如我之前post所講, 我明白罰其中一種冷靜的方法，但並不是唯一方法。
朋友開始在讀PN時，又打同學等頑劣的行為。但朋友說學校老師只會耐心教導及勸解，從沒有罰企之類的懲罰。老師更會建議家長怎樣配合，孩子的行為一樣可以改善！

staribi

番學罰企都唔得？咁老師點教

tiggeryyw

回覆 staribi 的帖子

話太細, ....

其實如果是我的小朋友,被老師真係"罸企＂　我也不會太心痛。　

反之多謝老師去引導我小朋友在家以外要明白規則。小朋友不是想點就點。。。

我回家後更會向小朋友再解釋為何老師要你所謂＂　罸企＂　就是守規則。　

學校可以是快樂和小朋友玩加學習既地方，　但也要守規則。

老師見和對付不同小朋友既情緒肯定被我們有經驗多。　

如真的不認同老師既做法，　或許這學校不配合你既期望。　要轉校

catcatma

做得幼稚園老師，經過專業的培訓，相信一定了解幼兒的發展階段、行為特徵與需要，知道那方法及技巧能有效處理幼兒的各種行為問題，罰係最低層次的做法，老實講教育局的指引都不會容許老師罰小朋友企在門外，老師守則係唔可以體罰（包括身心），某些幼園的老師惡D都比校長訓話，校長都不會容許老師因為小朋友唔坐定日日罰人企。
而「收聲」這句說話係老師應說出口嗎?應同小朋友講「講你安靜」，運用正面的說話與小朋友溝通不是更好嗎?小朋友坐唔定，提佢咪得，啱啱返學，一定有坐唔定的學生，提多十幾廿次，一兩星期後就識坐啦，難道老師這耐性都沒有?
教小朋友做應做的事，指示直接D，教佢坐就要佢坐，教佢安靜就叫佢安靜，3歲的幼兒（樓主囡仲係剛剛懂說話，係細仔?）係唔能夠有足夠理解能力（因果関係）理解老師說：「唔坐低就去門口罰企」，老師明明係要教佢坐，但又叫佢去罰企，佢都唔知應其實要坐定企？就算真係要冷靜，都係罰坐先！

catcatma

原帖由 staribi 於 14-09-10 發表
番學罰企都唔得？咁老師點教

在課室學習常規首先老師要定立清晰直接的指引，引導幼兒去學習遵守，正面地鼓勵幼兒去做正確的行為，並給予時間學習，但樓主的小朋友只返了一星期學就罰企，講真，好多老師唔罰人企都可以教到班小朋友乖乖守規則，小朋友好鍾意老師同返學添，咁就要睇下老師有幾多愛心同真正運用技巧啦！

victoryu19

引導 is good, 罰 is not.

Just my opinion.

catcatma

同意