讀完Law是否很難找Law Firm工作？

ppmmbb

lisinchi 發表於 14-12-11 10:12
七十年代

60s尾70s頭，純科學是較多人揀！
70s尾80s，engine多人揀！
90s，BBA related多人揀！

小時了了

lisinchi 發表於 14-12-11 12:56
唔好成日都亂咁當邊個係邊個！
講人身攻擊，似乎你喜歡多啲！

請看 http://www.edu-kingdom.com/forum.php?mod=viewthread&tid=2955653&page=3&extra=#pid40076520

4eyesDad

原帖由 bobbycheung 於 14-12-09 發表
本帖最後由 bobbycheung 於 14-12-9 15:02 編輯

律師另一個缺點係先天下之憂而憂, 時常要諗埋一切可能會 ...

道德矛盾唔止係律師的職業生涯之一，做醫生或者警察亦面對同樣問題，賊仔受傷求救，做醫生(或警察)的你，認為幫他係折墮嗎？

bobbycheung

4eyesDad 發表於 14-12-14 11:12
道德矛盾唔止係律師的職業生涯之一，做醫生或者警察亦面對同樣問題，賊仔受傷求救，做醫生(或警察)的你，認 ...

賊仔如果己經被定罪及受緊刑, 醫佢都無咁折墮, 因為就算醫好佢都繼續要受刑.  如果未被定罪嘅, 作為醫生, 都無咁多證據去肯定佢有無做過. 另外, 就算醫好佢, 亦都未必便宜咗佢因為好返可能要受刑, 長期受刑有時仲慘過即刻死.

警察亦如是.

4eyesDad

原帖由 bobbycheung 於 14-12-14 發表
賊仔如果己經被定罪及受緊刑, 醫佢都無咁折墮, 因為就算醫好佢都繼續要受刑.  如果未被定罪嘅, 作為醫生,  ...

決定賊仔有冇罪及受乜刑，係陪審團及法官的責任，唔係律師(醫生及警察)的責任，後者做乜，只要係工作範圍，唔應該算折墮。

bobbycheung

4eyesDad 發表於 14-12-14 13:28
決定賊仔有冇罪及受乜刑，係陪審團及法官的責任，唔係律師(醫生及警察)的責任，後者做乜，只要係工作範圍， ...

講就係咁講, 但實際做起嚟又未必係依回事.  大家都知香港刑事案件. 基本上都係有放過無殺錯, 所以d律師好多時都捐窿捐罅揾疑點. 一有合理嘅疑點就甩得, 法官都無符. 你當然會話依d係律師嘅責任去盡量幫客人打甩單case, 但咁樣唔係等如咁做就唔折墮囉.  例如你個客死硬, 不過你諗到條橋幫佢打甩 on technicality. 你梗係要教佢嫁, 因為依個係你嘅責任, 但你話咁做折唔折墮, 我就覺得係折墮囉.  

4eyesDad

原帖由 bobbycheung 於 14-12-14 發表
本帖最後由 bobbycheung 於 14-12-14 21:17 編輯

請問你見過幾多單刑事案件係你所講咁樣？

bobbycheung

4eyesDad 發表於 14-12-15 17:04
請問你見過幾多單刑事案件係你所講咁樣？

你意思係捐窿捐罅揾疑點? 抑或係反覆不斷盤問d證人希望鋤散人地個case.
又請問你見過幾多單刑事案件個律師係真心覺得個犯係無罪？當然你會話判斷有無罪唔係律師的責任.但若你撫心自問, 你幫佢地打甩 d case嘅犯, 你是否真心相信佢地全部都係無辜?

4eyesDad

原帖由 bobbycheung 於 14-12-15 發表
本帖最後由 bobbycheung 於 14-12-15 21:12 編輯

我的意思係，你親眼見到的「折墮」case有幾多個？

bobbycheung

4eyesDad 發表於 14-12-15 21:21
我的意思係，你親眼見到的「折墮」case有幾多個？

你只需答我, 如果你撫心自問, 你幫佢地打甩 d case嘅犯, 有幾多個你係相信佢地係有做, 依個咪係答案囉. 我都想知你嘅答案.

4eyesDad

原帖由 bobbycheung 於 14-12-15 發表
本帖最後由 bobbycheung 於 14-12-15 22:49 編輯

我未見過，你亦講唔出見過。靠估，不可靠。你千萬不可以盡信電視劇啊！
香港刑事案件係唔係「有放過無殺錯」? 我覺得唔係。香港地方法庭District Court的conviction rate 係平均90%以上。唔信?你應該親自去看看吧。

bobbycheung

4eyesDad 發表於 14-12-15 23:43
我未見過，你亦講唔出見過。靠估，不可靠。你千萬不可以盡信電視劇啊！
香港刑事案件係唔係「有放過無殺錯 ...

你嘅意思係你做咁多case之中又或者你所講嘅"親眼見到的case"之中, 打甩嘅犯, 你都真心相信佢地全部都係無辜? 咁就真係恭喜你啦, 因為這樣真係比電視劇更戲劇化了.

警方唔係亂咁告, 都要有充分證據先告得, 如果當中有90%唔甩, 咁其他嗰10%甩嘅, 你覺得當中又有幾多真係無辜?   仲有你講嗰90%以上釘case之中, 其實有絕大部份都係認罪嘅case. 我地家吓講緊係律師捐窿捐罅想打甩d case因而折墮, 唔係d犯折墮, 咁依d自己認罪嘅case又點可以計埋落去呢?

我見2011年嘅記錄, 在 District Court, 有1,352人認罪, 經審訊後被定罪嘅就有278人, 經審訊後獲判無罪嘅就有127人, 即係平均每3個人之中, 就大概釘2個人(準確d嚟講係2.2人), 一個打甩, 你唔係真係話比我聽你真心相信咁多打甩嘅人, 佢地全部都係無辜卦?  其實嗰班經審訊後被定罪嘅犯人, 佢地嘅律師咪又係已經出盡飲奶力捐窿捐罅咁希望幫佢地打甩, 只不過 d case真係無藥可救罷了.

我唔係話告親嘅人都有罪, 不過有做過但打甩嘅人遠遠超過無做過但被控告嘅人.

老實講, 我唔係睇電視劇睇返嚟嘅.  只不過我只經脫離依行20年, 所以你問我親眼見到的「折墮」case有幾多單, 我真係答你唔到.  我又唔想亂叫水, 所以先叫你問返自己.  

我只係講自已嘅觀點, 我亦都無意中傷或詛咒D律師, 因為仲有好多係好朋友.  係唔係折墮, 每人都有自已嘅睇法. 我話係, 亦都可能有好多人覺得無問題, 甚至有d可能認為係申將正義. 我原意係叫我個女唔好讀法律, 但家吓睇嚟佢都未必聽我枝笛.  

我劈炮因為我最怕同人拗 (但衰在有時又控制唔到自己). 所以我之前先話"其實最弊係律師有慣性嘜野都拗, 仲要係咬死唔放嗰隻, 好煩!"  這點你同意吧?

4eyesDad

原帖由 bobbycheung 於 14-12-16 發表
本帖最後由 bobbycheung 於 14-12-16 09:16 編輯

噢，原來你以前係做刑事律師呢行，重係離開咗20多年的資深人士，失敬！失敬！
話返轉頭，我見識少，其他家長亦可能同樣未有見過你所說的"折墮＂個案，所以我才問你，希望你唔介意，講出你見到幾多件＂折墮＂案件。但是，你不停迴避，不停反問我＂信唔信佢地冇罪＂！我信乜同＂事實＂冇一定關係啊！
究竟你見過幾多件＂折墮＂案件？
話時話，不如你講吓，你以前做刑事律師時，有冇人迫你做＂折墮＂的事？
作個比喻，做老師的，會唔會由於可能永遠有部分學生肥佬而放棄教育工作？
你的千金唔聽你話，決定讀法律，你應該慶幸有個有獨立思想的兒女啊，況且，佢將來可以＂為民服務＂，去做政府律師，做原告人，而唔係做被告人旳律師！另外，除了刑事律師，還有很多其他工作啊！

raymonds

今日 (或者最遲明天) 將會有單重重大案件宣判。係咪折x, 大家心中有數！

bobbycheung

4eyesDad 發表於 14-12-16 10:50
噢，原來你以前係做刑事律師呢行，重係離開咗20多年的資深人士，失敬！失敬！
話返轉頭，我見識少，其他家 ...

唔駛吋我. 我話比你聽我以前係依行只係想話比你聽我除咗睇電視劇之外, 都對依行有些少認識啫.  你話我不停迴避, 咁我叫你撫心自問, 你幫佢地打甩 d case嘅犯, 你是否真心相信佢地全部都係無辜? 咁簡單嘅問題你都唔敢答我.  就算我話比你聽我做過嘅「折墮」case有X單, 你都會唔信我, challenge我嫁啦.  倒不如你嘗試吓真心想吓及問吓自已, 你是否真心相信所有打甩嘅犯都係無辜仲好過啦? 就算你答我話你相信佢地真係全部都係無辜, 都無問題架.   

你問我有冇人迫我做＂折墮＂的事？咁就真係無人揸支槍指住我個頭迫我做. 但揾食嘅野亦都唔容許你慢慢揀case嚟做.  事實係有得做都lur飯應啦.  你接得單case, 梗係受人錢財, 替人消災, 梗係要盡量諗掂點幫佢打甩架啦,  唔通放軟手腳, 替天行道呀?

好似 raymonds 講單case, 你估d律師係唔係只present番d客講嘅野出嚟, 抑或係捐窿捐罅去度橋希望打甩單 case? 我想話律師咁做已經係折墮, 如果比佢打甩就更加係"好折墮"

你覺得做律師係申將正義, 係好事, 無問題架. 因為每人都有自已嘅睇法. 我覺得做埋依d野係折墮, 寧願唔做, 亦都係我嘅睇法.

不過我唔想拗啦, 拗得多, 傷和氣. 大家自己諗把啦.

我叫個女唔好讀法律, 都有其他d原因. 最終都係由佢自已決定, 我無異意.

4eyesDad

原帖由 bobbycheung 於 14-12-16 發表
本帖最後由 bobbycheung 於 14-12-16 13:40 編輯

我唔係食你個行飯的人，沒有你的經驗。既然你講到人在江湖，身不由己，我亦唔會咁天真，相信所有刑事律師係天使。反而，我認識的律師朋友中，最大的問題，唔係做過折墮的事(well, to the best of my knowledge)，而係嫁唔去！So, it is probably more important to train your daughter to be a marketable wife rather than an employable lawyer.

bobbycheung

4eyesDad 發表於 14-12-16 14:10
我唔係食你個行飯的人，沒有你的經驗。既然你講到人在江湖，身不由己，我亦唔會咁天真，相信所有刑事律師係 ...

嗱, 你講起依個嫁唔嫁得出嘅問題, 我又有野講啦. 你做得 divorce case 多就知, 有時真係唔嫁好過嫁. 睇得多比我嘅經驗係, 唔好對婚姻抱十分高嘅期望, 有時期望越高, 分手時就越痛苦. 事實係有d離婚夫婦代對方仲衰過係殺父仇人. 結婚只適宜用平常心, 唔好當做神話故事. 不過講落, 都發覺自己嘅想法可能有d變態. 至於我個女, 係唔係marketable就要睇到時有邊個唔好彩啦. 不過我肯定train佢老公做forgiving husband, 遠比train佢做bearable wife容易及實際好多..