原帖由 MayBride 於 14-08-06 發表
多謝你們的意見,說得對,10年後都唔知發生咩事。囝囝有幸 second in, 所以依家係咁爬文,了解多d真道。
...
上年經驗,有offer的話,大約2-4月有觀課,有幾日,每日幾節,我去咗好多節,另外問有小朋友讀真道嘅朋友,朋友嘅朋友,了解更加多,佢地好好,比d課文,功課等等我睇下。了解過後,知道並非hea住讀,放心晒,其他offer全部推咗,因為站在女兒學習利益為大前題,呢間最合適。真道始終新,比較小參考例子,而且課程教法同傳統有唔同,真係要了解清楚同我家教好配合,我先先至比女兒入讀,否則,我比佢去d佰年傳統學校好過啦,乾手淨腳,唔駛比d 3姑6婆,親戚街坊,狂問呢間咩東東,咁遠點返學,做乜唔讀xyzxyXyz , bili bala,答到口水乾。希望真係無選錯
D 3姑6婆我就唔會理,只會顧及祖父母感受,因為呢個會影響我女女對學校睇法。我明白祖父母愛孫心切,亦係全心為孫女好,呢方面我有花d功夫,例如因為我爸爸係超左派人上,我同我爸爸講呢間學校用國內中文書,教育佢愛孫學習中國文化,至於同我媽媽講就另一方式,我媽媽係希望孫女去外國時要接到,我話佢知將來可以選擇IB,外國學校可以接到𠺢,佢2老雖然未係太熟悉真道呢個名字,起碼都算係滿意,樂意比愛孫入讀,唔會有d負面批評或者個樣有不滿而令我女女唔喜歡真道。