真道的教育理念，是否不太適合考DSE呢？

ozoz

原帖由 MayBride 於 14-08-04 發表
他的通識是不錯，不過其他科就好似差d。理念好，不過都要考慮現實的問題，就是DSE 後上大學的機率。所以有 ...

我女兒9月先入讀，之前觀好多次課後對學校有信心。至於入大學率，DSE後點，我會留待女兒自己安排。到高中重要我幫佢諗的話，我會覺得自己好失敗。講返真道，我觀察所知，數理係教概念多過操練，eg小一開始科學堂全部做實驗，對理科底子可以扎得穩。中文我睇過課文，好早開始教欣賞，點樣欣賞，而課本用中學江蘇教育出版社課本，抽取合適教材改做繁體去教，字句優美。我有聽聞小三已經有能力欣賞文言文。至於英文，用外國課本，我見到有一缐名校都用呢套，唔係要同人地比較，只係欣賞課文內容並非港式重複抄寫背，更有趣。另外，有其他學科引導學生判斷事物，呢方面我認為不論DSE 定IB,作為一個人，係應該培養嘅。成績方面，學校始終比較新，我相信只要我屋企家教同學校理念係夾嘅，即使我女成績唔好，都可以帶住正面態度去發展自己所長，喺社會擔當一個角色。

ozoz

原帖由 little_yolky 於 14-08-05 發表
我囡囡入到2nd in, 好緊張, 要見埋家長, 點解仲緊張過見工！如果幸運入到真道, 唯一既缺點係我要延期至最早 ...

我即刻研究佢個學費減免計畫，touchwood 的話即申請

ozoz

原帖由 MayBride 於 14-08-06 發表
多謝你們的意見，說得對，10年後都唔知發生咩事。囝囝有幸 second in, 所以依家係咁爬文，了解多d真道。

...

上年經驗,有offer的話，大約2-4月有觀課，有幾日，每日幾節，我去咗好多節，另外問有小朋友讀真道嘅朋友，朋友嘅朋友，了解更加多，佢地好好，比d課文，功課等等我睇下。了解過後，知道並非hea住讀，放心晒，其他offer全部推咗，因為站在女兒學習利益為大前題，呢間最合適。真道始終新，比較小參考例子，而且課程教法同傳統有唔同，真係要了解清楚同我家教好配合，我先先至比女兒入讀，否則，我比佢去d佰年傳統學校好過啦，乾手淨腳，唔駛比d 3姑6婆，親戚街坊，狂問呢間咩東東，咁遠點返學，做乜唔讀xyzxyXyz , bili bala,答到口水乾。希望真係無選錯

ozoz

原帖由 little_yolky 於 14-08-06 發表
我想問下佢哋教學模式同我哋細個年代唔一樣, 你預計點樣可以協助小朋友學習? 可能真係唔多識教喎, 係咪?

...

好長篇，我呢度唔寫咁多，而且到觀課後重有時間慢慢爬。之前有家長呢度開po請教真道課程，我亦有開po問過關於英文問題，你可以參考下。

ozoz

原帖由 Pertra 於 14-08-18 發表
回覆 ozoz 的帖子

無錯！啲三姑六婆、舊思想的祖父母、上一代的親友巴口是最恐怖！他們又八掛！ ...

D 3姑6婆我就唔會理，只會顧及祖父母感受，因為呢個會影響我女女對學校睇法。我明白祖父母愛孫心切，亦係全心為孫女好，呢方面我有花d功夫，例如因為我爸爸係超左派人上，我同我爸爸講呢間學校用國內中文書，教育佢愛孫學習中國文化，至於同我媽媽講就另一方式，我媽媽係希望孫女去外國時要接到，我話佢知將來可以選擇IB，外國學校可以接到𠺢，佢2老雖然未係太熟悉真道呢個名字，起碼都算係滿意，樂意比愛孫入讀，唔會有d負面批評或者個樣有不滿而令我女女唔喜歡真道。