在職媽咪，二揀一，九龍真光／聖母小學？

WinnieCatCat

原帖由 hkpapa852 於 14-07-22 發表
校網絶對係主要因素

如果你在九龍城區讀小學, 若不幸地只能成為該校/該區的B2生, 但只要轉去成績較弱的校 ...

非常同意hkpapa852的睇法，兩間學校既然各方面都似，校網就係重要考慮因素了！用地址轉區升中最大問題係唔知會唔會降band，如樓主認同九龍城網好d，不如一開始就讀九龍城網小學。兩間小學最大特點係，中學唔算好top，如果你囡第時係band 1，你都未必想讀真光中學或聖母書院，係咪？九龍城網band 1中學選擇真係多好多，黃大仙幾間英中雖然都好好，但得果幾間競爭好大啊！若我有得選，我會選九真，因為校網好！

至於小學升上中學比例，我有另一看法唔知啱唔啱，會唔會係真光多D學生有能力升去出面band 1中學而唔留在真光，而聖母則因區內英中學額較少或band 1生較少而多d人選擇直上中學？另外，值得考慮的是，九真係升呢中的中中，聖母係降緊既英中，就算小朋友第時係band 2，九真係咪都好少少？

樓主另一憂慮係到囡囡高小時跟唔掂英文，其實無論讀邊間小學，讀到高小在職媽媽要跟都唔易，可能都係搵補習老師幫手。所以我覺得係要考慮囡囡是否適合用英文學習，對英文是否抗拒，家長就算英文有限公司都可以搵額外資源補足既。樓主強調想搵適合囡囡的學校，便應先考慮囡囡的能力。

WinnieCatCat

原帖由 9284 於 14-07-24 發表
野心就當然有, 但都要知道自己個女係唔係果一皮先得, 我女鍾意英文, 知道自己有英文學校收, 佢好開心, 成日 ...

睇左禁耐，先唔好諗真光定聖母，我覺得可能你要還原基本步，諗下你對女兒的期望。你話自己都有野心，即都希望女兒升中可更上一層樓，對嗎？但又擔心自己付出唔到時間同無能力，驚太chur想輕鬆點穩陣點。其實呢兩個諗法有點矛盾。想做band 1，或唔想做band 3，就一定要家長同小朋友都付出，就算讀普通官津小學也是吧！其實無話一定要讀band 1中學先係好，我都識人真係覺得做人最緊要開心，仔女年年升到班就得，對升中無壓力的。所以係視乎你對女兒的期望囉。我對兩間小學實在無認識，但客觀睇兩個升中網，對band 1生而言，九龍城真係好過黃大仙，英中選擇多好多，band 1 a-c 甚麼style 既英中都有，今年九龍城有band 2生都入到band 1中學。黃大仙英中就一隻手數得晒。如果真係有期望讀到band 1中學，無論讀聖母定九真都要好努力，咁點解唔在一個好d既升中網chur呢？咬緊牙關讀九真啦，no pain no gain，我相信所有入到band 1中學既學生同佢地既父母，都付出左好多的。但如果覺得盡基本學生責任然後順其自然就得，讀band 2學校都好，只要唔好band 3就可以，咁聖母係穩陣好多既。