非常頭痕 ! 阿囝唔肯乖乖上playgroup , 請指教!!

kristytan

我囝囝1歲2個多月，之前無上過任何playgroup，係3月頭俾佢開始返，全英文班外國人教，第一堂入課室開始有D驚全程攬實我，到差唔多落堂先叫做肯四圍望，會望下個外國人老師，之後第二就上堂開頭要攬實我，之後都肯一齊玩，但係由第三堂開始佢每次入課室時都好開心但係每上堂到15分鐘左右就唔肯玩，就會扭計，啱啱個堂仲要扭住離開課室.........唉,人哋其他4個小朋友都乖乖坐定定，最多都係間唔中扭下計，但係個媽咪氹下就無事，但係我囝就係都唔肯.....想請問各位爸爸媽媽有無遇到呢個情況? 我非常擔心，唔知係唔係佢有什麼專注力失調學習困難之類....請大家分享下，唔該哂!!

catcatma

咁細個周圍走係正常喎！啱啱學識行，周圍探索嘛！唔駛擔心

kristytan

我本來都係咁諗 , 但係其他幾位小朋友都可以坐定定, 係佢唔得咋 ...

IandA

咁即係代表個playgroup唔啱佢。我個女上第一個playgroup都係要靠佢坐定定，佢坐唔夠唔分鐘就發忟憎。後來轉咗第二間，都唔知幾開心。

kristytan

係呀 , 可唔可以俾D意見我,咩嘅模式會好D ?

sherrybi

好正常啊，唔系所有小朋友都肯坐定定嘎!

小狗芝士

我個女之前的情況同你差不多，表現仲差d添，大約15個月，一開始就上全英的playgroup，本身我地冇同佢講開英文，可能佢一見到外國人講英文已經唔習慣，又唔知人地講乜，嗰個playgroup的老師又要求坐定定，佢成日扭計，又要抱，一係就喊，我都feel到老師唔鐘意我嗰女，我個女都唔見得鐘意佢！ 上左3個月只有少少進步，我嗰時都好擔心阿女係唔係有專注力不足，因為佢表哥真係有，仲食緊藥添 但之後我同阿女上其他playgroup，中文嘅，阿女可能已經18個月，大左d，又幾喜歡個老師，表現正常好多！之後又再返嗰個英文playgroup，另一個外國人教，就冇事了。雖然未算係坐得最好嗰個，但尚算ok囉！而家2歲半，返N班完全冇問題，冇俾人投訴 綜合嚟講，可能你囝囝算係活躍型，所以好似冇人地坐得咁定，又或者佢未習慣呢個學習模式，始終有d bb係比較定d，有d會鐘意多走動。我個女就係活躍型，的確佢d大肌肉係比同齡小朋友好，但講野、坐定定呢d方面起初就差d，但之後我發覺都開始追得返 所以你都唔好太擔心呀，你會見到佢慢慢進步的

Zoechanhoiyan

同你一樣！16month!頭三堂勁喊到落堂，第一堂抱我，好似驚外國人老師，第二，第三堂都差晤多，我諗唔熟環境，定眼訓。第四堂我早45mins到，等佢熟下環境，好啦，頭五分鐘驚，要我抱哭，之後佢開始走来走去，到夠鐘開始上堂，果然無哭了，亦有主動拿車車比外藉老師。但問題來了，教每part要收玩具，先可以玩下一part，又哭，或者講緊公仔主題，走去後面拿波波，想佢專心回原位，同其他bb聽，收起波波啦！又哭！其他bb乖，只有佢，激心

bbjanbb

1歲兩個月太細，未ready, 唔好迫小朋友。我仔係20個月先至可以好好地咁上pg, 之前1歲至20個月前都係唔聽指令，周圍走又大叫，浪費金錢大人又辛苦，佢又會憎左上pg

bbjanbb

唔好同其他小朋友比較，冇意思的。而家我個仔好鍾意上堂，因為佢聽得明老師講咩，佢又鍾意上堂的內容，佢而家變左另一個人咁，好專心，坐定定

langnui1225

佢鐘唔鐘意食野嫁? 我個女開頭都唔肯跳芭蕾舞, 佢1歲9個月, 一係要搵我, 一係走來走去. 第一二堂都係咁, 加上咁細小朋友專注力得大概15分鐘.
因為佢勁鐘意食野, 我咪用野食TUM佢, 加上老師好好, 肯同我配合, 結果四堂後就攪掂. 可能方法唔係咁好用食物引佢, 不過我覺得佢ENJOY到上堂就OK.
仲有你個小朋友個班會唔會太多人佢驚?我通常搵D小班教學, 因為咁細個太多人老師都唔會點理到佢, 有時佢又驚人多, 如果佢情況持續都要搵第二間比佢上.   

hahatao711

完全正常，我个仔仔一岁两个月根本都未识自己行，又怕生，完全没有参与playgroup任何一个环节。总结经验，其实他开始真正参与playgroup要差不多20个月至两岁左右。

mavis_bb

kristytan 發表於 14-3-31 13:44
我囝囝1歲2個多月，之前無上過任何playgroup，係3月頭俾佢開始返，全英文班外國人教，第一堂入課室開始有D ...

其實真係好正常，我小朋友都係咁。我發覺小朋友都有佢地自己鍾意既STYLE。

我仔活潑，1歲參加PG都周圍走，如要坐定，CIRCLE TIME, 講故仔，我仔唔得。佢周圍走時, 老師唔LIKE, 其他家長唔LIKE, 我要捉住佢, 佢又喊，結果大人小朋友都辛苦。

後來我搵左D PG 比較FREE， 唔洗咁多時間坐定，又多D EXPLORE 唔同野 (EG 沙/JELLY 等), 我仔反而對呢D PG有興趣，大人小朋友都舒服D。

每個小朋友性格不同, 冇得比較。當然我見到其他小朋友坐定時, 我都好擔心我仔過度活躍，又睇書又問下D 專家。不過過左歲半就開始定好多，返埋N 班知道上堂要坐定。

所以我建議你試多幾堂，唔岩再試多幾間，睇下邊間D 模式岩你囝囝啦。

SiuDic

我囡囡都16個月，12個月先上第一堂pg， 佢都係比較百厭嗰隻，成日週圍行但佢好識聽大人講嘢，老師叫佢做乜佢都會跟住做，但我見其他小朋友好多都好扭，所以，唔使過分擔心啦，小朋友百厭係正常嘅，太乖反而仲擔心。

torunpoland

Frankly speaking it is just too much for a 14-month-old baby... I mean babies at this stage barely understand what you say, not to mention instructions in a foreign language.