小學欠交功課

Anniemun

所以有時選校時，真係要多了解學校是否適合自己。但現在首要是和學校溝通，希望她們明白你的情況，自己和小朋友也要加油，但不要被小朋友以為事事也有大人出頭，始終同學有責任的。經一事，長一智！

superccc

其實，可以跟老師傾下！或者罰留堂位老師唔係班主任，唔知道小朋友坐校車！
老師留堂當天有無打電話給你傾下接放安排

ihv2kids

我們現在做的是收集數據，現了解不是全校都要留堂。有些班別“沒有”，有些就說“有”，而這種程罰都是“中學部”的處理手法。中學生留堂後可自行回家，而到中學都仍有欠交，都可以理解。但用同樣手法放在小學生身上，我覺得有點而去“盡”左，只係欠交功課，好多時一不小心就會發生，而由家長全力放手，中間過程定必有欠交，唔比碰釘，可以成長。再者，留堂係一個重罰，一欠就重罰，效果只有 1. 一稔唔開，後果就會個…… 2. 經常留堂，留慣晒，又如何? 都係留堂啫，之後可以再罰什麼? 我想校長應不情，我地會同校長反映。謝謝各位

洋蔥頭媽咪

我仔（小學）極少要求學生留堂，欠功課亦不會，如果真的要罰亦會先行與家長溝通好，约好時間先會罰，唔會胡亂去罰。我諗你可以先同老師溝通吓先，考慮清楚此學校教學理念是否適合自己孩子。

Jessy

如果影響到接送的確係嚴左d, 向學校反映吧.

HaYi

我地個間好似除左寫手冊之外冇罰, 有時我都唔記得簽手冊, 如要罸真是壓力大.

我覺得欠功課是不對, 但密度不高, 就算罰, 冇個小息都好慘,  不需要留堂, 一來影響接送, 二來影響之後的課外活動安排.

王家爸爸

回覆 HaYi 的帖子

低年級大都只寫手冊，高年級一般除了寫手冊外還會罰（例如：罰抄書）。

vicky_hin

我小朋友欠6次就會罰留堂, 但老師好人, 次次會會叫小朋友利用小息時做返就不當欠交, 所以我都覺得學校OK~~

王家爸爸

vicky_hin 發表於 14-3-25 16:18
我小朋友欠6次就會罰留堂, 但老師好人, 次次會會叫小朋友利用小息時做返就不當欠交, 所以我都覺得學校OK~~: ...

請問小朋友讀幾年級？應該是高年級吧？

little_yolky

ihv2kids 發表於 14-3-20 22:15
小學欠交功課，需記錄欠交，這是好正常。但需被再罰留堂，我覺得有點兒過嚴，欠1次就要留堂。留堂後，再沒 ...

如果罰我阿囡留堂我會發颷, 因為無人接送, 點解學校唔係問清楚家長先罰留堂?

王家爸爸

little_yolky 發表於 14-3-26 11:15
如果罰我阿囡留堂我會發颷, 因為無人接送, 點解學校唔係問清楚家長先罰留堂?  ...

我認為其實

教育小朋友不應該用罰的方法。

little_yolky

王家爸爸 發表於 14-3-26 11:28
我認為其實

教育小朋友不應該用罰的方法。

係, 我囡囡個間好少罰, 係讚多啲。尤其係留堂呢樣嘢, 唔係我哋個年代, 有個家庭主婦响屋企, 依家人人要返工, 你罰咗小朋友留堂, 唔理係唔係對小朋友嚴, 就係罰緊家長。你罰佢放學留堂留到4:00, 咁唔通家長同老細講, 阿囝無做工課罰留堂, 無校車, 我要早走接佢呀。學校真係唔諗嘢, 家長無咗份工邊個負責, 唔好話要家長日日負責check小朋友功課, 呢個唔係家長0既責任, 如果小朋友無做好, 可以罰無小息, 可以罰抄, 但唔可以罰留堂, 因為係回家安全問題, 除非老師拍心口送埋小朋友返到屋企門口。

nieualma

久交就要罰留堂太嚴重, 有時老師都會派漏功課簿或工作紙, 難道老師會自己罰自己??

ihv2kids

原帖由 王家爸爸 於 14-03-25 發表
請問小朋友讀幾年級？應該是高年級吧？

P1

w_y

若係全校如此, 恐怕已有不少家長作出投訴. 我女學校係兩星期內唔知欠幾多次會收警告信(好包容架, 想收信都唔係咁易), 都無咩後果要承受; 如果做到一個月無欠, 就有獎勵貼紙, 咁樣家長反而無咩壓力, 大都願意放手俾小朋友自己負責。

haihaimom

完全明白，選校時會看學校理念，又真係唔會仔細到問埋欠交點罰，我諗如果認同學校理念，又唔會因為依件事覺得選錯校掛，不過P1咁罰又真係............又唔好話投訴，可以跟班主任返映下家長意見，講出你既難處。了解下點解學校會咁處理先啦。又可以同家教會返映下，揾多啲支持嘛，唔好下下衝埋校長度住。我哋都係直資+活動教學，欠交要寫手冊，冇小息，一個月多過四次會收warning letter,班主任會call家長了解下咁啦。

ihv2kids

原帖由 haihaimom 於 14-03-28 發表
本帖最後由 haihaimom 於 14-3-28 17:09 編輯

完全明白，選校時會看學校理念，又真係唔會仔細到問埋欠交 ...

P1唔留堂，P2以上就要

ihv2kids

原帖由 haihaimom 於 14-03-28 發表
本帖最後由 haihaimom 於 14-3-28 17:09 編輯

完全明白，選校時會看學校理念，又真係唔會仔細到問埋欠交 ...

有，收集緊數據，留待下次與校長談話先提出。下下去投訴都無用，現時唯一教好自己小朋友，每日小心執齊功課回家，抄好手冊，跟緊d佢囉!

sexymami

如果接送安排到，就盡量佩合學校啦。下下都話要投訴，搞到小朋友有咩唔喜歡就投訴，唔尊重老師。而家長又總會站在小朋友角度，自己角度去睇。你送得小朋友去那間學校，都係想學校幫你教好小朋友啫。學校冇左威信力，就更加難教好小朋友架喇。
如果真係接送安排唔到，咪再同學校傾下，睇下有冇其他安排。但唔係話學校罰學生點樣就係重，點樣就可接受。講真，哩啲係見仁見智。佢已經有一年時間俾小朋友適應，第二年先開始要罰，咁都唔算唔合理啦？
如果小朋友罰一次就怕左，以後都更加小心，冇再欠功課，咁就收到效果啦！
哩個世代的小朋友，冇咩責任感，所以從細培養都係一件好事！
而且你都話，如果放學後有活動，一樣都係冇校車。咁你會唔會因為冇校車，就唔俾小朋友放學留校參加活動？如果你都會間唔中都俾的話，咁咪當多左一日有活動囉！

little_yolky

sexymami 發表於 14-4-1 09:04
如果接送安排到，就盡量佩合學校啦。下下都話要投訴，搞到小朋友有咩唔喜歡就投訴，唔尊重老師。而家長又總 ...

我既情況係無校車絕對安排唔到人接放學。現在雙職父母多, 學校唔可能無考慮到, 如果真係無理會, 就係學校唔considerate了, 所以學校唔應該無預先知會家長同意下罰小朋友留堂, 罰其他可以。大家一年有幾多annual leave, 考試又話要早放, 運動會又話要早放, 仲要預埋春秋二祭, 頭暈身興咁, 有得兩三個小朋友啲annual leave就仲唔見洗。請得假多, 老細又黑面(雖然啲annual leave係我既)。

你又講得啱呀, 所有留校活動我都無俾小朋友參加的。