甚麼世界？還有連坐法？

pandamommy

我都反對「連坐法」。要分清楚，「連坐法」係一人「犯罪」，其他無辜人都同樣受罰。此與團隊精神不能混為一談!團隊精神係指 -  一team人一齊合作去做一件事，當中任何一個有「失誤」我哋都共同進退，共同承擔。
睇得出分別嗎?
或者我哋細個都受過「連坐」之苦，麻木咗或被洗腦咗，以為好合理。

pandamommy

原帖由 vincher 於 14-03-03 發表
小儿初小同同学一起玩，但因搞事同学玩得过火，结果6个一齐受罰，
一周没小息，罰企！回家哭着叫我致电老師 ...

咁視乎你個仔有未份一齊玩得過火。 如果都有少少份，都話要俾個教訓啫。
但樓主所描述係無辜bor。
乖同曳都一切罰，細路點學到咩係natural /logical consequences - 做好有好結果，做壞有壞結果。既然做好都同做壞一樣結果，何必做好?不如痛快玩下先，反正世界無天理，乖都要受罰。

pandamommy

不過，用投訴嘅態度就唔好。一次半次算數，如經常的話，先用友善態度反映意見。

pandamommy

原帖由 芝士BB 於 14-03-03 發表
正面看，老師在訓練團隊精神，你們是一班，你在班中的行為是為全班人負責，並不是一人做事一人當，當你覺得 ...

又一次將無辜連坐和團隊精神混為一談，唉！

pandamommy

我反而覺得如遇不公平的事，能以平靜友善嘅態度，同有勇氣去表達不同嘅意見，都係一種教育。現今社會就係需要咁嘅人。

pandamommy

原帖由 JustAParent 於 14-03-03 發表
第一，你講既唔係連坐法， 商鞅立法精神在於連坐者互相監察舉報而非同罰，包庇者同死，舉報者卻有功，不要 ...

如果大部分人曳，只有小部分人乖。我覺得非常欣賞嗰一小撮人，難得喺咁嘅環境仲可堅持自己原則。另外，如一班入面同一時間咁多人曳，好明顯老師嘅課室管理有好大問題。好多時，全體罰，極其量而收到少少即時而短暫嘅效果。嗰一大班曳嘅，係唔會怕咁多人一齊罰呢招。老師應該另外想辦法。課室管理有好多方法，全體一齊罰企罰抄之類係最低level最慳老師時間嘅做法啫。

pandamommy

原帖由 芝士BB 於 14-03-03 發表
如果媽媽真的覺得小朋友心裡感到委屈，可以鼓勵小朋友問老師為什麼自己也要受罰，看看老師如何回答，如果老 ...

鼓勵小朋友自己爭取都係好

pandamommy

原帖由 chanwendy 於 14-03-03 發表
我咁睇, 一班同學仔合力去保持班上的秩序, 但就有人唔合作, 係都要唔守規距, 咁同樣係破壞緊團隊精神.
...

要想想，呢個有幾可真係學到團隊精神?要計算下抵唔抵先。尤其是小朋友犯規有多個原因如家庭問題，ADHD等等，全體罰根本無對症下藥。
至於團隊精神，課堂上如PE或任何科目都得，教育大家唔好取笑比較弱，未學識嘅，要下鼓勵人，幫助人，咁就好啦。
話時話，我唔係只代表家長，我曾從事教育界都超過廿年。因湊仔提早退休。
我明白凡事總有不同意見，我都過發表下。

pandamommy

原帖由 little_yolky 於 14-03-04 發表
但對於一個小一的小朋友, 佢哋係無能為力的。佢做好自己已經唔容易, 點解做好自己仲要被罰。同學唔乖, 小 ...

可憐你囡囡被如此思想教育。

而我睇，好多人都係一樣見「怪」不怪。

pandamommy

咁多人支持，真好想知支持者邊個嘅小朋友係經常被無辜連累（呢d好偉大）丶邊個嘅係曳累人哋（唔怪之咁支持啦，多人反對佢咪弊?!）丶邊個係會咁罰人嘅老師（唔好投訴佢）。小小好奇啫，不喜勿插。

pandamommy

原帖由 karen55407 於 14-03-13 發表
港孩和怪獸家長真是充戚著整個香港

希望討論理性，不隨意給別人labeling!

pandamommy

原帖由 karen55407 於 14-03-13 發表
港孩和怪獸家長真是充戚著整個香港

邊個可肯定班中乖小孩定係犯規小孩係港童，係父母管教不善的結果?議事論事啦!

pandamommy

原帖由 karen55407 於 14-03-13 發表
乖不乖也不是定奪是否港孩的指標，我只知道：只有怪獸家長才孕育出典型的港孩罷了！



  ...

咁係呢個case你見到邊種小孩子有港孩特質?還是你覺得單就反對連坐一件事就會教出港孩?不如你講d道理出嚟，人哋先明你講咩播。

pandamommy

原帖由 karen55407 於 14-03-13 發表
乖不乖也不是定奪是否港孩的指標，我只知道：只有怪獸家長才孕育出典型的港孩罷了！



  ...

還是你認為曳孩子家長贊成自己仔曳要人哋連坐係怪獸，會出港童?還是其他?完全唔明你立場播。

pandamommy

原帖由 karen55407 於 14-03-13 發表
社會上不公平時經常遇到，孩子如何面對取決於父母的身教。在職場上遇到不平待遇比比皆是，可是抗逆能力卻各 ...

也有人理性地指出不公平事。

pandamommy

我以前教小學，如果一入課室，見全班好嘈，我會話:「轉堂時安靜嘅坐響度，有份傾計或玩嘅企響度。但如果你有份嘈而又唔企起身嘅，其他同學會話我知，我罰雙倍!」。身為老師，我覺得響我限制中，我要盡量以公平方式處理，賞罰分明，呢個係老師嘅責任。我本人比較開明，家長善意而且有理嘅意見我會聽。

pandamommy

原帖由 apsm 於 14-03-13 發表
有好多好野蠻......

呢個方法OK嘅，始終小學生，有人唔認，chok幾chok，都認，或有人攻出嚟。當然考老師觀察力同技巧。所以，得罪講句，連坐只係老師懶或無料時係方法。都係果句，一次半次算數，成日連坐就唔好啦。唔好話以前係咁就得，以前體罰添啦。人有critical thinking，社會會不斷進步。

pandamommy

原帖由 pandamommy 於 14-03-13 發表
我以前教小學，如果一入課室，見全班好嘈，我會話:「轉堂時安靜嘅坐響度，有份傾計或玩嘅企響度。但如果你 ...

或者我再仔細d講。我係先叫全班企響身，靜哂，先至話無份傾偈丶出位等坐低。咁真乖嘅會光明正大坐低。有份曳嘅，響咁靜，咁多人見嘅情況好少夠膽坐，一坐都有人插。咁我再因情況罰呢d人。賞罰分明，被罰嘅都心服口服，先真正學到紀律。

pandamommy

原帖由 idy926 於 14-03-17 發表
本帖最後由 idy926 於 14-3-17 15:11 編輯

我個人認為，如果只係一次半次有人忘記關水喉，我唔會駡，大人有時唸緊嘢或好趕都會有甩漏啦，向全班提點下咪算囉，除非經常發生就要查下。執嘢執得慢，要睇下個學生咩原因，顧住玩?發緊夢?枱面和櫃太亂?組織／執行／肌肉活動能力弱？一味駡唔一定有用喎。譬如有d學生，你扮唔等佢照走，佢就自然快快趕上，但又能有d學生需要人指導下佢點樣管理自己嘅物品以致執得快d。

pandamommy

原帖由 傻太 於 14-03-17 發表
要有勇氣去表達果個係媽媽？

大人細路都要學有勇氣同埋用適當方法表達意見。至於咩事情咩時候係學生自己講定家長出手，視乎學生年齡，事情係咪超出嗰個應有嘅能力等。