苦惱~~阿仔兩歲好曳，懷疑有過度活躍症

wan_sosin

Mrs.TamC9 發表於 14-2-4 02:56
多謝你嘅意見。我上個間pg好商業化，個老師唔會俾negative評語，只係話佢係curious & energetic boy,但話佢 ...

可能係因為出面嘅嘢有新鮮感,所以好吸引佢去探索下,屋企嘅嘢見慣晒,就會專心d.小朋友唔會個個一樣,唔會個個都咁定,尤其男仔好多都活躍d,要評個小朋友過度活躍,係要100個小朋友之,最頭嗰5個先叫過度活躍,即5%,所以比較唔係PG嗰小數人,係要比95人活躍先叫係.
還有你小朋友精力好唔好,會唔會成日唔洗瞓,如果玩兩玩都會攰,要休息,唔瞓晏覺唔得,你又可以減少一D擔心,大多數ADHD,都唔係咁易攰同咁易瞓,會比一般小朋友瞓少D,我仔兩歲時係完全不需要瞓晏覺,連上到車都唔會瞓,晚上瞓得少,但仍好精神.
我仔係三歲前亦不能跟大人一步步行,佢係用跳用跑,總之腳一係地就會彈下彈下,同我講嘢都會一路跳一路講

wan_sosin

楽家豆豆 發表於 14-12-27 12:31
我都擔心我仔仔ADHD, bb 而家21 mths,  已經評估ASD..
佢從來沒停， 永無話可以抱定過5分鐘。。 日日跑來跑 ...

如果已確實自閉普系,咁都有可能同時有ADHD,雖然醫生話未能判斷,但要追緊D醫生去講個情況,同埋若果真係問題太大,例如BB好易因此做出太危險嘅事,例如爬窗,掉東西落街等易生意外情況,咁都要通知醫生,如果情形明顯,係可以早少少斷症.

另外,BB太坐唔定的話,個人經驗,點都要搵一樣事情佢去坐定去做,我以前一定要我仔坐定食飯,點都唔會放佢走來走去,最少做到一樣嘢係定落黎.我仔BB時食飯,我放佢係high chair,用兩條安全帶扣實,因為一條帶佢都有本事走佬,試過從high chair跌落地,為安全,為要佢坐定,唯有扣實佢.之後大了,坐餐枱食飯,就好少會走落地,多數食完才會離開.

你也可選擇訓練佢其他嘢,但一樣就好,唔好多過兩樣,做好先再教其他.

另外,如果bb明白指令,可以試下安坐訓練,但如果ASD,唔知佢明唔明到,可能都要大D先可以.