資優學生識朋友

MASAYA

佢要知道係同人相處上出問題，唔解決呢個問題去補習一樣識唔到朋友

picture

原帖由 MASAYA 於 14-01-28 發表
佢要知道係同人相處上出問題，唔解決呢個問題去補習一樣識唔到朋友

都可能其他同學仔妒嫉佢，蓄意冷落佢！

MASAYA

picture 發表於 14-1-28 20:46
都可能其他同學仔妒嫉佢，蓄意冷落佢！

咁呢種同學做唔到朋友係一件好事

小曳人

仔，小一，應該未識得冷落他人掛~~~
我反而覺得係小朋友自己態度問題
我隻仔一樣係唔駛點讀都默書100分，但佢唔會隨便認叻
我地由佢細個已不停講：學問無話識得哂嘅，聰明都仲要努力先有高分數！

其實，如果佢真係睇唔起其他人，你係咪應該同學校傾傾，俾多d挑戰佢呢？

Radiomama

小朋友的社交問題，家長應學習放手。

小一生未識到朋友仔一d都唔奇，資優與否不應成為藉口。(自閉寶寶等則要另外處理。)

Anniemun

wiwai1224 發表於 14-1-29 17:44
我只係想了解資優學生係唔係都好多時有呢個問題，因為我接觸過既資優學生都比較獨來獨往。(真心想知，有錯 ...

阿仔因比同齡懂得多，反而吸引更多同學主動同佢玩。

Radiomama

我仔小一至小二都無乜玩伴，至小三才有一兩位朋友，小四小五才識埋堆踢足球。
試吓參加童軍或隊制的運動項目，可自然點與小朋友混熟。
不過到今年小五，我仔仍在學習聆聽及接納同學的睇法，他仍然覺得由自己完成project較有效率，不喜歡與同學合作做project.
他讀IB課程，老師對團隊合作、open minded均好重視，我只能提點，不能介入。

浩霆豬豬

原帖由 waiwai1224 於 14-01-29 發表
我只係想了解資優學生係唔係都好多時有呢個問題，因為我接觸過既資優學生都比較獨來獨往。(真心想知，有錯 ...

我個仔就係同啲同學唔太相處得到，因為佢成日要人跟佢個套，有時會令同學反感，又有時當幾個同學一齊玩時，好明顯佢會自己玩其他嘢，唔係人哋唔同佢玩，而係佢會自動行開，不過整體都算ok，但係唔算受歡迎囉！

Radiomama

我仔呢兩年變得好sociable, 今年老師的評語是：he got a good circle of friends.
原因是他明白與朋友一起玩才開心，他不想好似以前咁。孩子要有領悟才能成長，家長要學習等待。
唔通等日無伴，做父母去幫他安排相睇咩。

silvia_ng

原帖由 浩霆豬豬 於 14-01-29 發表
我個仔就係同啲同學唔太相處得到，因為佢成日要人跟佢個套，有時會令同學反感，又有時當幾個同學一齊玩時， ...

我女都係咁呀！所以佢小息好多時自己去圖書館，一係揾老師傾計。老師話其實唔係同學唔同佢玩，而係玩玩下佢覺得沒趣，自己閃走。
但若要group 做活動時，同學總係第一時間唔invite 佢。到老師開始執啲漏網之魚，問邊個想比佢入group, 果陣又會好多人話要佢。所以我都唔知佢係有社交問題，定係咩問題。希望評估完揾到辦法幫到佢啦！

boyboy2006

其實都好睇小朋友性格，我個仔小一都可以識到好多同學，包括不同班、不同級的也識到。

浩霆豬豬

原帖由 silvia_ng 於 14-01-29 發表
我女都係咁呀！所以佢小息好多時自己去圖書館，一係揾老師傾計。老師話其實唔係同學唔同佢玩，而係玩玩下佢 ...

我仔咪係囉！學校旅行時老師叫佢哋3-4個人一組，就無同學會邀請佢，無人問佢願唔願意做組員，但人哋夾好曬佢先問又願意收埋佢同一組，佢仲問我係咪佢唔受歡迎

silvia_ng

原帖由 boyboy2006 於 14-01-29 發表
其實都好睇小朋友性格，我個仔小一都可以識到好多同學，包括不同班、不同級的也識到。



  ...

我女係全校都識架！所以我地成日話佢social 怪，估唔到今年突然比我地驚覺原來係咁架咋！

maggieddie

我仔今年小二 資優 小一時班主任都話佢成日笑同學仔蠢 唔肯同人四個一組合作 因為佢覺得人地唔夠佢叻 要自己爭住做晒啲嘢 否則就發脾氣 我同老師都有合作教佢 今年老師仲特登安排佢一對一教一個成績較差嘅女同學英文 初時佢會覺得好煩 教極唔識 後黎慢慢開始明白各人有唔同嘅長短處 互相補足
可幸嘅係佢由幼稚園開始人緣已好好 老師話可能佢叻 受同學歡迎 由一至六年級啲人佢都識 喺街撞到啲學生 佢可以即刻講出人地係咩班 希望佢繼續學習接納能力比佢弱嘅同學仔