唔該大家幫幫手丫!唔知轉唔轉校好……

redredpig

我家住天水圍，呀仔讀緊屯門保記小學一年班，每朝要6點起身，7點上校車返8點，放學一樣要一個鐘車程。返左小學後成日都好冇精神，早幾日問左樓下間小學可以係下學期轉入去，間小學返8:30,係小班教學但升中就一般。
我已經唸到頭都爆，搬去屯門又負擔唔起……重有個弟弟要跟著好驚行錯……… 如果係你地會點選擇？

brima

咁你當初為乜揀到去屯門？或是派得好後入，一日來回2小時，真的辛苦了孩子。如果仲要多功課，真的怎捱6年

redredpig

回覆 brima 的帖子

之前佢都係讀屯門保記幼稚園，自己想個仔讀保記小學好彩入埋保記中學就完美因為唸住天水圍d中學比較雜冇甘好所以用左屋企人地址報……唉！原本唸住搬返屯門但而家d租貴到又多左個细b冇得反工住……

5tgb

其實考中學考得好唔好，靠自已多過靠學校！
兒子體力，時間都已有問題。我建議轉近D。用多D時間温習好過啦！

TwoBabies

回覆 redredpig 的帖子

除了就近之外,校風和學習環境也很重要的,請問可否告知樓下是邊間學校,看看是否值得同保記小學比較?

SAGO

建議近D

sissysze

tm d 保記好嘢嚟架喎，上到是但一間保記中學已發達，唸清楚。

sissysze

原帖由 sissysze 於 13-12-18 發表
tm d 保記好嘢嚟架喎，上到是但一間保記中學已發達，唸清楚。

一間隨時可插班嘅學校質素有幾好，心照

redredpig

多謝大家既意見!
甘如果個仔係天水圍讀住先到升中再用屋企人既地址報屯門既中學，入保記中學既機會係未好微？

annienorman

早D瞓得唔得呀！？我有同事仔住嘉湖返何日東，而家準備升中了！比D時間適應下先啦！唔好隨便放棄一所好學校！

redredpig

annienorman 發表於 13-12-18 18:30
早D瞓得唔得呀！？我有同事仔住嘉湖返何日東，而家準備升中了！比D時間適應下先啦！唔好隨便放棄一所好學校 ...

佢而家已經約9:30訓，但朝朝要爸爸打先起到身，叫係叫唔醒……睇見都心痛其實大少少係未會好d？你地d小朋友會唔會甘？重有最大問題係冇得參加課外活動，因為參加完就冇得撘校車要自己凑……
而樓下就好在近，少班教學，千禧校社但就冇聯繫中學，每一班有5，6個跨境生。

siukeung37

吾轉，諗辦法搬

kipapa

升中可跟小學的校網或現居地址，但部份同區之保中會預留升中學位給同區之保小，建議樓主要查清楚呀。

Vickyblah

原帖由 redredpig 於 13-12-18 發表
佢而家已經約9:30訓，但朝朝要爸爸打先起到身，叫係叫唔醒……睇見都心痛其實大少少係未會好d？你地d小朋友 ...

9點半瞓6點起身都瞓唔夠無可能架喎。。。如果係我唔會轉校。諗下計點令佢有精神好過啦。瞓8個半鐘照計好夠。至於課外活動可以照參加，如無校車輕鐵回家應該都無咩大問題? 我老公細個都住元朗日日返九龍都係咁。其實好多小朋友都係誇區,屯門天水圍已經算好近。。。

Vickyblah

sorry無睇清楚係小學一年班。咁如果係輕鐵唔係咁好。唔怪得一定要校車。但都係個句,唔會轉校。一係搬一係諗辦法令佢有精神啲。

cma2563

我同樓主有啲似，不過小兒係大埔出油尖旺啲小學，明年開始，已知學校没有媬姆車去大埔，最遠去到沙田，都有擔心小兒會否辛苦，不過間學校很好，所以都會嘗試，到時一定要佢早瞓，因佢最遲要6：00am起床。

mvtogether

俾我唔轉，轉咗去校風唔好啲學校，學壞咗就慘！唔好貪方便！

redredpig

多謝大家既意見!我會再睇定d唔甘急下學期轉過去住!