有冇人今天去左英皇書院中一講座?情況如何?

ohnono

我唔信英皇的吸引力唔及隔離！

ohnono

沒法子，學校定得門檻太高的話，好多人跟本達唔到，一聽知道唔達標就沒興趣。例如操行要在小四開始要獲得B或以上的成績對某些男同學來說是難的。而且面試比例太高，對成績好但說話表達能力低的同學又沒有成功的把握。

能滿足學校要求的同學，不竟不會太多而且這類同學一般的選擇都較多。相反，喜歡英皇的又害怕達不了標。

ohnono

yekat169 發表於 13-12-17 00:08
根本操行B-, 中學會知咩事, 好多學校會好彈性, 唔會似佢地定得咁死, 直頭已審左細路死刑
...

最好的做法都係靈活些，像其他學校一樣，將操行列作收生的考慮並以分數或所佔比例去評核，總好過寫得太死了。假若有同學真係好叻或者辛苦了六年，但有時或者係受人所累，又或是受人所害而令操行分跌了，就這樣就錯失了報讀英皇的機會了，好可惜！而家英皇還要由小四開始計起，坦白說，對小四的男孩來說，很多仍未成熟，有時思想或成績有了，但行為仍有待磨練，若太早規範於框架之內，對成長可能有不足之處。

ohnono

jessimm 發表於 13-12-17 15:12
英皇隔離個間college要 面對QC, KC, SJC 的吸引力  ......更重要有SPCC的吸引力

在升中過程中已迫令家長們變得近乎瘋顛，一有乜野風吹草動已經可以令人神經緊張。嗰度多人喎就去嗰度，呢度沒興趣就會走。學校辦簡介會的目的是要將學校介紹給家長，吸引同學前來，若簡介會的主旨變成介紹收生的條款，若收生條款係偏高的話，變成冇呢樣就唔好黎，冇果樣又唔好黎的話，過份的渲染就會變成篩選會或趕客會。
睇到隔鄰有家長介紹YWGS的簡介會，學校提到甚麼沒有學校是非讀不可，甚麼每間學校都有好也有唔好的地方。最挑撥到家長神經的我諗就係：「12、3歲的孩子，你想他怎樣？我們不是要揀超人？」，嘩單係呢一句，已經為不少家長添上希望和溫暖。聽到這裡，我諗沒家長會願意離開。

ohnono

yekat169 發表於 13-12-17 20:39
3322四科有三科都係文科, 同三四十年前剩係數理叻就入大學完全兩回事

我諗真係不用太介懷那些入U率的數字，去到這類咁受歡迎的學校，學校可以做的就是自行收生時可以用盡那只佔總學額30%的自行位去收一些有質素的同學之外，其他跟本不受學校控制範圍。越出名就越多人冒名而來，不過係派入來，學校好難掌握這些同學的質素，一年60%的入U率，一年50%的入U率代表只係那一年收到的同學比較差一點，因派來的始終佔一個好大的比率。若只在追求入U率這類數字，不是愚人就是愚己。愚己還好，最慘就係誤了別人一生！
要比較的話，我只會喜歡從各學校的各科成績看學校在那方面較強、那方面較弱算了。好像ST Joe在英文方面較強的，對英文成績好的同學一定會有推動力。相反你英文較弱的，會追得相當辛苦。數理科好的，就揀QC和King's啦，對嗎！

ohnono

yekat169 發表於 13-12-17 21:57
其實升中學生得個十一,二歲, 又點睇得出佢係數理專家定係語言專家? 根本中學d數學同小學什至係奧數完全唔 ...

唔係要你去分數理專家定語言專家。學校的立場就係睇成績，加埋其他排名、活動和面試就要決定，懶理你是甚麼專家。但係作為個小朋友的家長，我地一定會知道自己小朋友的興趣和最討厭的科目。有的小朋友好喜歡數學，有的卻十分討厭；有的好喜歡看英語故事書，有的甚麼書也不喜歡看。家長就要因應小朋友的能力，有專長的就選一間這方面較強的學校就最適合。就算沒有專長的，選一間適合又有能力的學校就可以，始終同一校內都會存在著不同學習能力的同學。


揀科更加是遙不可及，除非小朋友對某一兩科特別有興趣，例如天文又或地理，那就要盡量找一間可滿足佢的學校了。


至於奧數的問題，簡單來說只是提高同學的解難能力，藉此增加思考的羅輯，不單對數學，對其他科目都有幫助，就這樣。等如面試時表達能力高的同學一般在作答問題時都會較有組織和系統，是訓練也好，是本能也好，或者當為一個課外活動去睇算了。

ohnono

saiwanho 發表於 13-12-18 00:11
有些老牌男校多年都能站穩腳，有些卻漸漸走下坡，晚節不保，到底原因何在？時也命也？ ...

我諗係比中文拖累。所以昨天又有消息話中文科將於明年中四級開始改革，將現在沒有範文的改為用回範文，這就正正反映出現行的考試的確是出現了偏離。這對同學來說應是好消息，總好過漫無邊際去進研那些艱澀難明的文言文。

ohnono

Yanamami  就快番轉頭考八股！  發表於 19 分鐘前

--------------------
以前梁啟超、康有為要提倡廢除八股科舉，為的是八股文言會窒礙思考，跟社會脫節。但到了今天，人類思考發展太急，同樣出現脫節，不過今天係跟社會跟思考脫節。所以加重八股文言的考試，減輕數理科學的重要性，期求將一眾未來棟樑學子的思想重新注入框架。政府的苦心簡直可昭康梁！

ohnono

goodboy1 發表於 13-12-18 11:58
每逢國家領導人到國外訪問時, 都會詩興大作, 引經據典, 才顯出個人充滿內涵、收養及思想高超 !
為了栽 ...

國家領導人係應該講之乎者也嘅，唔通要佢地講xyz咩！

ohnono

Chanpp921 發表於 13-12-18 13:23
自行收生門檻定得高些係無可口非, 有43個可以由學校自由決定收生, 校方係想揀些各方面都優質少少既學生, 因 ...

我諗又唔駛太驚，始終個揀選權係在學校手中，門檻唔好定得太高，先吸引多些學生來，但可以收生時緊d。如果門檻定得高，收生時鬆反為沒用。有時學校唔同一間公司，要找最有學歷、最有經驗或者最做得的人回來。那怕只係一個口才好的同學，這個同學可以帶起身邊的同學或者整間學校的辯論、朗誦或者表演的氣氛，讓學校變得生氣勃勃。試想，學校只會揀讀書叻的同學，成班只懂讀書的同學走在一起，點鬥都好，考第一的只得一個，考第二的、第三的........會怎麼樣？輸左的同學一係再努力，一係會變得消沉，失去希望。我們絕不想學校變成一個鬥獸場似的地方。只有讓不同性格的同學有機會在不同領域中可有一展所長的身手，為學校帶來希望，也為其他同學注入生機。
我好配服皇仁在收生方面的容忍性，那怕你只有特異功能，學校一樣提供一條好清晰的渠道讓大家去選擇。我亦好欣賞喇沙可以在唔睇那個教局的排名次第已開始收生，那怕你只有口才，一樣歡迎。

ohnono

yekat169 發表於 13-12-18 21:35
其實英皇有樣野真係幾令人失望, 連校長自己都暗示佢地英文唔係咁好, 學生企出嚟硬係欠份自信 ...

英文差少少都唔難追，中文差就好難追，因為中文除了白話文還有文言文。兩樣都好的同學比較少，是但一樣好的多少少，兩樣都差的比較多。咁好明顯會揀那些同學。

ohnono

yekat169 發表於 13-12-18 23:45
我又唔係咁睇, 始終都係中國人, 中文要追都唔難, 英文就人越大就越難學, 你學得到Grammar, 又未必學到Liste ...

你上面好似係講緊英皇喎！能考入英皇的同學我諗都要成績幾好掛，中文唔在講，英文、數學和常識、音、視都不能差。對於這些同學來說，我唔會覺得佢地Grammar和listening會好差好差囉，否則都好難入到英皇。
相反中文就有點不同，小學階段接觸文言的機會不多。你睇下現今的中學中文科課程你就會發覺，由中一到中三都係不出嗰10零廿篇文言文課文，小得極度可憐。再加上我們平日講的雖是中文，但偏偏又不是文言文。若不是文憑試要考沒有範文的文言文，範圍之大、篇幅之多，我都會有少少同意你所講！看看我們中國領導人的說話，要明白他們每一字每一語都相當困難就知。

ohnono

yekat169 發表於 13-12-19 13:28
老實講,文言文除左話用黎應付考大學之外, 真係諗唔到點應用係日常生活, 無理由要我地學生個個開口埋口, 孔 ...

你的中國文化也不差，對周公都好有認識。讀文言文除了可應付考大學之外，還可附庸風雅，又可雅俗共賞。

ohnono

yekat169 發表於 13-12-19 20:46
多謝誇獎啦, 出口有點墨水個人都無咁俗氣, 但使唔使去到變成入大學必修科?  中國文化成幾千年, 用哂六年中 ...

至少合格得架喇，起碼都要報得到大學先至得。嘅然咁多人中文唔合格，你只需要合格或者高少少就得，搶分就由你最擅長的科目去搶。中文唔一定衰文言文，還有衰作文、校本評核都可以衰。

ohnono

yekat169 發表於 13-12-19 21:23
合格就得? 第一屈大把名校生唔合格, 名校斷估都唔會差成咁, 一個無範圍既科目叫考生點去考?  真係要熟讀哂 ...

咁都有大把band 2學校嘅同學都可以攞到唔差的中文科成績。問心，睇你付出幾多箒。我記得之前有位家長開左個topic講關於怎樣養成讀書習慣。有位家長他的小朋友在上年的文憑試攞在四、五個5**，他講得好好，他說：你估唔睇書的同學可唔可以攞得到高分？。

ohnono

goodboy1 發表於 13-12-20 08:41
哈哈... 言之有理 ！教育局可能深明香港讀書人才眾多，只可惜三大學位有限，必須令一大班才子下馬，唯有用 ...

如果要令一大班才子下馬可以有好多方法，例如將英文或通識加添難度都可以，又或將3322提高都得。
但而家考試局卻偏偏選擇了用中文來開刀，將門檻提高，提高到變成大學沒學生可揀，數理成績好的沒得讀工程，讀工程的卻不需要數理好。好顯然係考試制度的出錯，導致男女的差異擴大，才有今天一眾男校失去優勢的情景。

好囉，而家肯將中文科的文言文加番範文，從此將本是毒藥的文言文鋪上糖衣，讓一眾子弟可有文可賞、有書可讀，雖五千年文化可掌握於彈指之間，從此不用再花六年時間去鑽研，又不用再剝奪同學修習英文了！不過唔好咁開心住，糖衣背後的始終都係毒藥，毒藥始終都會毒死人，加了糖衣只係死得暢快，沒有藉口了！